চিটাৰা ডেস্ক, 11 জুলাই: টেলিভিচন জগতৰ অভিনেত্ৰী হিনা খানে সম্প্ৰতি স্তন কেন্সাৰৰ বাবে বাতৰিৰ শিৰোনাম দখল কৰিছে । শেহতীয়াকৈ ছ’চিয়েল মিডিয়াত তেওঁ স্তন কেন্সাৰত ভোগা বুলি সকলোকে অৱগত কৰে ৷ হিনা খান তৃতীয় পৰ্যায়ৰ স্তন কেন্সাৰত আক্ৰান্ত বুলি জনাত বহু চেলিব্ৰিটিয়েই স্তম্ভিত হৈ পৰিছিল । তেতিয়াৰ পৰাই চেলিব্ৰিটি আৰু হিনা খানৰ অনুৰাগীয়ে তেওঁৰ আশু আৰোগ্য কামনা কৰি আহিছে । শেহতীয়াকৈ হিনা খানে তেওঁ কেমোথেৰাপি গ্ৰহণ কৰাৰ কথা সকলোৰে সৈতে শ্বেয়াৰ কৰে । এতিয়া হিনা খানৰ শেহতীয়া এটি পোষ্টে তেওঁৰ অনুৰাগীক আৰু অধিক চিন্তিত কৰি তুলিছে ।
স্তন কেন্সাৰত আক্ৰান্ত হিনা খানে হাতযোৰ কৰি বিচাৰিলে সহায় (HINA KHAN INSTAGRAM STORY) হিনা খানে ১০ জুলাইৰ নিশা তেওঁৰ Insta Storyত এটা পোষ্ট শ্বেয়াৰ কৰিছিল । এই পোষ্টটোত হিনা খানক চিন্তিত যেন দেখা গৈছিল । এই পোষ্টটোৰ কথা ক’বলৈ গৈ হিনাই লিখে যে, আপোনাৰ বেদনা আল্লাৰ বাহিৰে আন কোনোৱে বুজিব নোৱাৰে, প্লিজ আল্লাহ প্লিজ । উল্লেখ্য যে, হিনা খানৰ বয়ফ্ৰেণ্ড ৰকি জয়ছৱালো বৰ চিন্তিত, তৎস্বত্বেও তেওঁ দিনে নিশাই হিনাৰ সাহস মজবুত কৰি আছে ।
একে সময়তে হিনা খানক কেন্সাৰ চিকিৎসাৰ বাবে চিকিৎসালয়ত ভৰ্তি কৰোৱাৰ পিচৰে পৰা ছ’চিয়েল মিডিয়াত তেওঁ অহৰহ পোষ্ট শ্বেয়াৰ কৰি আহিছে । এই পোষ্টটোৰ পূৰ্বে হিনা খানে এটা ভিডিঅ’ আৰু কিছু ছবি শ্বেয়াৰ কৰিছিল, য’ত হিনা খানক চুলি কটা দেখা গৈছিল । এই পোষ্টটোত হিনা খানে সকলোকে তেওঁৰ কেমোথেৰাপিৰ বিষয়ে অৱগত কৰিছিল । এটি ভিডিঅ’ত কেমোথেৰাপিৰ বাবে নিজৰ চুলি কাটি থকা ভিডিঅ’ তেওঁ শ্বেয়াৰ কৰে ৷
আনহাতে কেমোথেৰাপিৰ সময়ত হিনা খানে শ্বেয়াৰ কৰা কেইখনমান ফ’টোত শৰীৰৰ কাষলতিত কিছু অংশ কটা দেখা গৈছে । হিনা খানে নিজেই নিজৰ পোষ্টত কৈছিল যে কেন্সাৰৰ চিকিৎসাৰ সময়ত তেওঁৰ শৰীৰত কিছু কাটিছিল, তাৰ পিচত অনুৰাগীৰ দৃষ্টি সেই অংশত নিবদ্ধ হৈছিল ।
আনহাতে, ৩৬ বছৰীয়া অভিনেত্ৰী হিনা খানে ২৮ জুনত প্ৰকাশ কৰিছিল তেওঁ কৰ্কট ৰোগত আক্ৰান্ত হোৱাৰ খবৰ । সামাজিক মাধ্যমযোগে হিনা খানে তৃতীয় পৰ্যায়ৰ কৰ্কট ৰোগ হোৱা বুলি সকলোকে অৱগত কৰে আৰু অভিনেত্ৰীগৰাকীয়ে অনুৰাগীসকলক চিন্তা নকৰিবলৈ আহ্বান জনাইছিল ।
