మౌనిక ఆత్మహత్య వెనక ఏం జరిగిందో తెలుసా..?

గత కొన్ని రోజుల క్రితం హుస్సేన్​ సాగర్​లో శవమై తేలిన మౌనిక కేసు మలుపు తిరిగింది. ఇప్పటివరకూ కొంతమంది ఆమెపై అత్యాచారం చేసి చంపేసినట్లు భావించినా పోలీసులు అసలు విషయం బయటపెట్టారు. మౌనిక ఆత్మహత్యకు కారణం ఆమె కుటుంబసభ్యులని స్పష్టం చేశారు.

గత కొన్ని రోజుల క్రితం హైదరాబాద్​ హుస్సేన్​ సాగర్​లో శవమై తేలిన మౌనిక కేసు మిస్టరీని పోలీసులు ఛేదించారు. కుటుంబ సభ్యుల వల్ల మానసిక, శారీరక వేదనకు గురై బలవన్మరణానికి పాల్పడినట్లు గోపాలపురం ఏసీపీ వెంకటరమణ స్పష్టం చేశారు. మొదటగా ఇతర బస్తీకి చెందిన వ్యక్తులు ఆమెపై అఘాయిత్యానికి పాల్పడి చంపేసినట్లు పోలీసులు భావించినా.. అందులో వారి పాత్ర లేదని తేలింది.

బావలు, సోదరులే కారణం..

పోలీసుల విచారణలో వారి కుటుంబ సభ్యులైన ఇద్దరు మౌనిక బావలు, ఇద్దరు సోదరులు ఆమె మృతికి కారణమయ్యారని పోలీసులు పేర్కొన్నారు. ఓల్డ్ బోయిన్​పల్లికి చెందిన మౌనిక బావలు సోమశేఖర్ (కేబుల్స్ టెక్నీషియన్), ఆంటోనీ(డ్రైవర్)లు అదే విధంగా ఆమె సోదరులు శివ కుమార్, సాయికుమార్ వృత్తిరీత్యా కూరగాయలు విక్రయిస్తారని తెలిపారు. వీళ్ళంతా కలిసి మానసికంగా, శారీరకంగా వేధించారని పోలీసుల విచారణలో వెల్లడైంది.

సెల్​ఫోన్​ ఆధారంగా..