AIG Nageshwara reddy: పద్మభూషణ్ అవార్డు గ్రహీత, ఏషియన్‌ ఇనిస్టిట్యూట్‌ ఆఫ్‌ గ్యాస్ట్రో ఎంటరాలజీ ఛైర్మన్ డాక్టర్ డి.నాగేశ్వర రెడ్డి ఇవాళ ఝార్ఖండ్ సీఎం హేమంత్ సోరెన్‌ను మర్యాదపూర్వకంగా కలిశారు. రాంచీలో రెండు రోజుల పాటు గ్యాస్ట్రోలజీకి సంబంధించిన సెమినార్ జరగనుంది. ఈ సదస్సుకు హాజరయ్యేందుకు వెళ్లిన ఆయన.. రాంచీలోని కంకే రోడ్‌లోని సీఎం నివాసానికి వెళ్లారు. అనంతరం ముఖ్యమంత్రి సోరెన్తో ఆయన భేటీ అయ్యారు. ప్రస్తుతం హైదరాబాద్ ఏఐజీ హాస్పిటల్స్కు డాక్టర్ నాగేశ్వర రెడ్డి అధ్యక్షుడిగా కొనసాగుతున్నారు. ఈ సమావేశంలో ఆయనతో పాటు ఆరోగ్య శాఖ అదనపు ముఖ్య కార్యదర్శి అరుణ్‌కుమార్‌ సింగ్‌, ముఖ్యమంత్రి కార్యదర్శి వినయ్‌కుమార్‌ చౌబే, ఏఐజీ హాస్పిటల్స్కు చెందిన డాక్టర్ మోహన్‌ రాంచందానీ పాల్గొన్నారు.
