kedar jadhav stats 2023 : టీమ్ఇండియా సీనియర్ క్రికెటర్ కేదార్‌ జాదవ్.. దాదాపు మూడేళ్ల నుంచి జట్టుకు దూరంగా ఉంటున్నాడు. ప్రస్తుతం అతడి వయసు 38 ఏళ్లు. మాజీ కెప్టెన్ మహేంద్ర సింగ్ ధోనీ సారథ్యంలో భారత జట్టులోకి ఎంట్రీ ఇచ్చిన అతడు.. తన కెరీర్‌ ఆరంభంలో పర్వాలేదనిపించే ప్రదర్శన చేశాడు. ఆ తర్వాత తన పేలవ ప్రదర్శనతో టీమ్కు దూరమయ్యాడు.
అయితే తన ఆటతో పాటే ధోనీకి ఆప్తమిత్రుడిగా మంచి గుర్తింపు తెచ్చుకున్నాడు జాదవ్. ప్రస్తుతం అతడు దేశీవాళీ క్రికెట్‌లో మంచిగా రాణిస్తున్నాడు. అద్భుత ప్రదర్శన చేస్తూ ఆకట్టుకుంటున్నాడు. రంజీ సీజన్‌లో 2022-23లో అతడు తన ఆటతీరుతో అదరగొట్టాడు. 5 ఇన్నింగ్స్‌లలో 110.6 యావరేజ్తో 553 పరుగులను తన ఖాతాలో వేసుకున్నాడు. అందులో ఓ డబుల్‌ సెంచరీ, ఓ శతకం ఉన్నాయి. ఈ ఏడాది ఐపీఎల్‌లోనూ అతడు రాయల్ ఛాలెంజర్స్ బెంగళూరుకు ప్రాతినిధ్యం వహించాడు.
kedar jadhav stats ranji trophy 2023 : ప్రస్తుతం.. మహారాష్ట్ర ప్రీమియర్ లీగ్‌లో ఆడుతున్నాడు. ఈ లీగ్‌లో కోలాపూర్ టస్కర్స్‌కు అతడు ప్రాతినిధ్యం వహిస్తున్నాడు. ఈ క్రమంలోనే తాజాగా ఓ ఇంటర్వ్యూలో పాల్గొన్న అతడు.. టీమ్ఇండియా రీఎంట్రీపై ఆసక్తికర వ్యాఖ్యలు చేశాడు. భారత జట్టులోకి రీ ఎంట్రీ ఇచ్చేందుకు తాను సిద్ధంగా ఉన్నానని.. అందుకు తగ్గట్టు కష్టపడతున్నాని చెప్పుకొచ్చాడు.
