మొతేరా పిచ్పై వస్తోన్న భిన్నాభిప్రాయాలపై ఆస్ట్రేలియా స్పిన్నర్ నాథన్ లియోన్ స్పందించాడు. పిచ్ స్పిన్కు అనుకూలిస్తుందన్న నేపథ్యంలో 'అందరూ ఏడుస్తున్నట్లు తెలుస్తోంది' అని వెల్లడించాడు. కానీ, జట్లు తక్కువ స్కోరుకే పరిమితం కావడంపై ఎందుకు మాట్లాడడం లేదని లియోన్ అన్నాడు.
"అంతర్జాతీయ టెస్టు క్రికెట్లో మా జట్టు 47, 60 పరుగులకే ఆలౌట్ అయిన సందర్భాలున్నాయి. ఎప్పుడూ పిచ్ను నిందించలేదు. కానీ, ఇప్పుడు స్పిన్ బౌలింగ్కు పిచ్లు అనుకూలిస్తుంటే మాత్రం అందరూ ఏడుపు మొదలెట్టారు. ఎందుకో నాకు అర్థం కావడం లేదు. అలా మాట్లాడుతుంటే వినోదాత్మకంగా ఉంది".
- నాథన్ లియోన్, ఆస్ట్రేలియా స్పిన్నర్
స్పిన్నర్లకు అనుకూలించేలా మొతేరా పిచ్ను తయారు చేసిన క్యూరేటర్పై నాథన్ లియోన్ ప్రశంసలు కురిపించాడు. ఆ క్యూరేటర్ను తన స్వదేశానికి ఎలా తీసుకురావాలనే ఆలోచనలో తాను ఉన్నట్లు నాథన్ లియోన్ తెలిపాడు. "ఆ మ్యాచ్ నేను చూశాను. పిచ్ను తయారు చేసిన క్యూరేటర్ను సిడ్నీ క్రికెట్ గ్రౌండ్కు ఎలా తీసుకురావాలా? అని నేను ఇప్పుడు ఆలోచిస్తున్నా" అని ఆసీస్ స్పిన్నర్ లియోన్ అన్నాడు.
