Ganja smuggling news: 60 కిలోల గంజాయి పట్టివేత.. ఆటోలో తరలిస్తుండగా సీజ్

గంజాయి అక్రమ రవాణా(Ganja smuggling news) అంశంపై సీఎం కేసీఆర్‌ సమీక్ష అనంతరం ఆబ్కారీ, పోలీసుశాఖలు సోదాలు విస్తృతం చేశాయి. తనిఖీల్లో రోజూ రాష్ట్రవ్యాప్తంగా భారీగా గంజాయి పట్టుబడుతోంది. ఖమ్మం జిల్లాలోని మధిర మండలం ఆత్కూరు సర్కిల్ సమీపంలో 60 కిలోల గంజాయి ఇవాళ పట్టుబడింది. ఖమ్మం జిల్లా ఆత్కూరు మీదుగా గంజాయిని ఆటోలో తరలిస్తుండగా సీజ్ చేసినట్లు ఎస్సై సతీష్ కుమార్ తెలిపారు. ఛత్తీస్‌గఢ్ కుంట నుంచి ఆంధ్రప్రదేశ్​లోని నందిగామవైపునకు మధిర-వైరా ప్రధాన రహదారిలో తరలిస్తుండగా స్వాధీనం చేసుకున్నట్లు వెల్లడించారు. మాదకద్రవ్యాల తరలింపు సమాచారంతో నిఘా ఉంచిన పోలీసులు... స్వాధీనం చేసుకున్నట్లు వివరించారు. గంజాయి తరలిస్తున్న ఒక ఆటోతో పాటు బైక్​ను సీజ్ చేశారు. ముగ్గురు వ్యక్తులను అదుపులోకి తీసుకొని విచారణ జరుపుతున్నారు. 

సోదాలు విస్తృతం