బ్లాక్​ ఫంగస్ అధ్యయనానికి నిపుణుల కమిటీ

బ్లాక్​ ఫంగస్​ వ్యాప్తికి గల కారణాలను అధ్యయనం చేసేందుకు కర్ణాటక ప్రభుత్వం నిపుణుల కమిటీని ఏర్పాటు చేసింది. ఆక్సిజన్​ సరఫరా, పైపులు, సిలిండర్ల నాణ్యత.. తదితర అంశాలపై సోమవారం నుంచి కమిటీ అధ్యయనం చేయనుంది.

కర్ణాటకలో వారం వ్యవధిలోనే 700 బ్లాక్​ ఫంగస్​ కేసులు నమోదైన క్రమంలో రాష్ట్ర ప్రభుత్వం అప్రమత్తమైంది. బ్లాక్​ ఫంగస్ వ్యాప్తికి గల కారణాలను అధ్యయనం చేసేందుకు నిపుణుల కమిటీని ఏర్పాటు చేసింది.

కర్ణాటక ఉపముఖ్యమంత్రి సీఎన్ అశ్వత్ నారాయణ్​.. నిపుణుల కమిటీతో ఆదివారం సమావేశం నిర్వహించారు. బ్లాక్​ ఫంగస్​ వ్యాప్తికి గల కారణాలపై చర్చించారు. రాష్ట్రంలో గత వారం 700 బ్లాక్​ ఫంగస్​ కేసులు నమోదయ్యాయని తెలిపారు. కొవిడ్ వ్యాప్తి చెందిన ఇతర దేశాల్లో బ్లాక్​ ఫంగస్ కేసులు లేవని.. కేవలం భారత్​లోనే నమోదయ్యాయన్నారు.