కడప జిల్లా యోగి వేమన విశ్వవిద్యాలయం పీజీ సెట్ ఫలితాలు విడుదలయ్యాయి. బద్వేలులోని శ్రీ రాచపూడి నాగభూషణం డిగ్రీ & పీజీ కళాశాల విద్యార్థులు ర్యాంకుల పంట పండించారు. ఫిజిక్స్ విభాగంలో సుబ్బయ్య మొదటి ర్యాంకు, రాజేశ్వరి- 2, పావని-6వ ర్యాంకు సాధించారు.
గణిత విభాగంలో నారాయణమ్మ, మస్తాన్ మొదటి ర్యాంకు సాధించారు. కామర్స్లో ఖాదర్ భాష 30వ ర్యాంకు, ఎల్లయ్య- 47, షేక్ సాదిక్- 58వ ర్యాంకు పొందారు. తెలుగు విభాగంలో సల్మా నాలుగో ర్యాంకు సాధించారు. ఉత్తమ ఫలితాలు పొందిన విద్యార్థులను కళాశాల వ్యవస్థాపకుడు నాగభూషణం, ఏవోఈ కృష్ణ, ప్రిన్సిపాల్ సత్యనారాయణ అభినందించారు.
పీజీ ఈసెట్ ఫలితాలు:
రాష్ట్ర ప్రభుత్వం విడుదల చేసిన ఏపీ పీజీ ఈసెట్ ఫలితాల్లో కడప జిల్లా జమ్మలమడుగు విద్యార్థి ప్రతిభ చూపారు. నెహ్రూనగర్కు చెందిన గాలిపోతుల రంజిత్ ఫుడ్ టెక్నాలజీ విభాగంలో మూడో ర్యాంకు సాధించి సత్తా చాటుకున్నాడు . శుక్రవారం విడుదలైన ఫలితాల్లో 75 మార్కులతో ర్యాంకు కైవసం చేసుకున్నాడు. పీజీ తరువాత పీహెచ్డీ చేయటం తన లక్ష్యమని విద్యార్థి తెలిపాడు. తన అక్క కవిత ఎస్వీయూలో అగ్రికల్చర్ విభాగంలో పీహెచ్డీ చేశారని ఆమెను స్ఫూర్తిగా తీసుకుని తాను చదువుకుంటానని తెలిపాడు.
ఇదీ చదవండి: ఏపీ పీజీఈసెట్-2020 ఫలితాలు విడుదల
