Mid day meal workers protest at collectorate: భవన నిర్మాణ, మధ్యాహ్న భోజన కార్మికుల నిరసనలతో దద్దరిల్లిన కలెక్టరేట్​

Mid day meal workers protest at collectorate: తమ డిమాండ్లు నెరవేర్చాలంటూ... మధ్యాహ్న భోజనం కార్శికులు, భవన నిర్మాణ కార్మికులు విజయనగరం జిల్లా కలెక్టరేట్ వద్ద ఆందోళన కార్యక్రమలు చేపట్టారు. ప్రభుత్వానికి వ్యతిరేకంగా నినాదాలు చేశారు. కార్మికుల నిరసనలకు ఏఐటీయూసీ నేతలు మద్దతు తెలిపారు. ప్రభుత్వం కార్మికులకు ఆర్ధిక భరోసా కల్పించాలని డిమాండ్ చేశారు.

Mid day meal workers protest at collectorate: విజయనగరం జిల్లా కలెక్టరేట్ నిరసన కార్యక్రమాలతో దద్దరిల్లిది. అటు మధ్యాహ్న భోజనం కార్శికులు.. ఇటు భవన నిర్మాణ కార్మికుల ప్రభుత్వ వ్యతిరేక నినాదాలతో విజయనగరం కలెక్టరేట్ మారుమోగింది. సమస్యల పరిష్కారం కోరుతూ, మధ్యాహ్న భోజన పథకం సిబ్బంది, భవన నిర్మాణ కార్మికులు విజయనగరంలో ఆందోళన కార్యక్రమాలు చేపట్టారు. సమస్యల పరిష్కారం కోరుతూ, మధ్యాహ్న భోజన పథకం విజయనగరం జిల్లా కార్మికులు ఏఐటీయూసీ ఆధ్వర్యంలో రోడ్డెక్కారు. జ్యోతిరావు ఫూలే విగ్రహం కూడలి నుంచి ర్యాలీగా కలెక్టరేట్(collectorate) కు చేరుకుని, అక్కడ ధర్నాకు దిగారు. కనీసం వేతనం చెల్లించాలని, పెరిగిన ధరల ప్రకారం బిల్లులు పెంచాలని కార్మికులు నినదించారు. అన్ని వర్గాల వారీకి ఏదో విధంగా లబ్ధి చేకూరుస్తున్న రాష్ట్ర ప్రభుత్వం, మధ్యాహ్న భోజన పథకం కార్మికులకు ఆర్ధిక భరోసా కల్పించాలని ఈ సందర్భంగా డిమాండ్ చేశారు.

'మధ్యాహ్న భోజన పథకం(Mid day meal) కార్మికులు ఎన్నో వ్యయప్రయాసలకు ఓర్చి, విద్యార్ధులకు పౌష్టికాహారం అందిస్తున్నారు. వారి సమస్యలు మాత్రం ప్రభుత్వం పట్టించుకున్న పాపాన పోలేదు. కనీస వేతనం చెల్లించకపోగా, పెరిగిన ధరల మేరకైనా బిల్లుల పెంచటం లేదు. ఈ నేపథ్యంలో మధ్యాహ్న భోజన పథకం కార్మికులకు దినసరి కూలీ కూడా గిట్టుబాటు కావటం లేదు. ఇలాంటి పరిస్థితులలో వారు పలు ఆర్ధిక ఇబ్బందులకు గురవుతున్నారు. ఇప్పటికైన రాష్ట్ర ప్రభుత్వం స్పందించి, మధ్యాహ్న భోజన పథకం కార్మికులకు కనీసం వేతనం పదివేలు చెల్లించాలి.'- అప్పలరాజు, ఏఐటీయూసీ, విజయనగరం జిల్లా కార్యదర్శి

భవన నిర్మాణ కార్మికుల నిరసనలు( Building Construction Workers): తమ బాగు కోసం ఏర్పాటైన సంక్షేమ బోర్డుని పునరుద్ధరించాలంటూ.. విజయనగరం కలెక్టరేట్ వద్ద భవన నిర్మాణ కార్మికులు ఆందోళనకు దిగారు. పెండింగ్ లో ఉన్న క్లైయిమ్ లకు నిధులు విడుదల చేయాలని డిమాండ్ చేశారు. భవన నిర్మాణ కార్మికులు సంక్షేమ బోర్డు పునరుద్ధరణ కోసం నినదించారు. అదేవిధంగా దారి మళ్లించిన తమ సంక్షేమానికి సంబంధించిన నిధులను తక్షణమే బోర్డులో జమ చేయాలని డిమాండ్ చేశారు. అనంతరం భవన నిర్మాణా కార్మికులు రాష్ట్ర నాయకులు మాట్లాడుతూ.. ఉమ్మడి రాష్ట్రంలో భవన నిర్మాణా కార్మికుల సంక్షేమ కోసం, అప్పటి సీఎం వైఎస్ రాజశేఖర్ రెడ్డి సంక్షేమ బోర్డుని ఏర్పాటు చేశారని గుర్తుచేశారు. ఆ బోర్డు ద్వారా భవన నిర్మాణ కార్మికుల కోసం అనేక సంక్షేమ కార్యక్రమాలు అమలు చేశారని తెలిపారు. ప్రస్తుతం సీఎం జగన్మోహన్ రెడ్డి, భవన నిర్మాణ కార్మికులు సంక్షేమ బోర్డు కార్యకలాపాలను తుంగలోకి తొక్కారని విమర్శలు గుప్పించారు. దానికి సంబంధించిన నిధులను సైతం దారి మళ్లించారని పేర్కొన్నారు. పెండింగ్ లో ఉన్న నిర్మాణా కార్మికులకు చెందిన క్లైయిమ్ లకూ నిధులు విడుదల చేయటం లేదని మండిపడ్డారు. ఇప్పటికైన ప్రభుత్వం తగిన చర్యలు తీసుకుని, భవన నిర్మాణా కార్మికుల సంక్షేమ బోర్డు కార్యకలాపాలను పునరుద్ధరించాలంటూ.. భవన నిర్మాణ సంఘం రాష్ట్ర నాయకులు ఈ సందర్భంగా డిమాండ్ చేశారు.