'చిత్తశుద్ధి ఉంటే వాసుపల్లి రాజీనామా చేయాలి'

ఆస్తులు కాపాడుకునేందుకే ఎమ్మెల్యే వాసుపల్లి గణేశ్.. వైకాపాకు మద్దతు తెలుపుతున్నారని తెదేపా నేతలు ఆరోపించారు. తెదేపాపై ఎమ్మెల్యే చేసిన వ్యాఖ్యలను ఆ పార్టీ నేతలు ఖండించారు. వాసుపల్లికి చిత్తశుద్ధి ఉంటే రాజీనామా చేసి, మళ్లీ పోటీ చేయాలని డిమాండ్ చేశారు.

తెదేపా అధినేత చంద్రబాబు, కార్యకర్తలపై విశాఖ దక్షిణ ఎమ్మెల్యే వాసుపల్లి గణేశ్ కుమార్ చేసిన వ్యాఖ్యలను తెదేపా ఎస్సీ సెల్ అధ్యక్షుడు కుమార్ ఖండించారు. విశాఖ ఎన్టీఆర్ భవన్​లో మాట్లాడిన ఆయన... వాసుపల్లి తన ఆస్తులు కాపాడుకునేందుకే వైకాపాకు మద్దతు తెలుపుతున్నారని విమర్శించారు. చిత్తశుద్ధి ఉంటే వాసుపల్లి గణేశ్ కుమార్ రాజీనామా చేసి, ఎన్నికలకు రావాలని డిమాండ్ చేశారు. తెదేపా ఓట్లతో గెలిచి...ఆ పార్టీపైనా విమర్శలు చేస్తే చూస్తూ ఊరుకోమని హెచ్చరించారు.

ఇదీ చదవండి : డీఆర్సీ సమావేశంలో రసాభాస... వైకాపా ఎంపీ, ఎమ్మెల్యే వాగ్వాదం