కనిగిరిలో మళ్లీ లాక్​డౌన్

ప్రకాశం జిల్లా కనిగిరి చుట్టుప్రక్క గ్రామాలలో కరోనా కేసులు అధికంగా నమోదవుతున్న నేపథ్యంలో 5 రోజుల పాటు సంపూర్ణ లాక్​డౌన్​ను అధికారులు ప్రకటించారు. ప్రతి ఒక్కరూ లాక్​డౌన్​కు సహకరించాలని అధికారులు కోరారు.

ప్రకాశం జిల్లా కనిగిరిలో అధికారులు శుక్రవారం నుంచి మంగళవారం వరకు 5 రోజులపాటు లాక్​డౌన్ ను ప్రకటించారు. కనిగిరి చుట్టుప్రక్కల గ్రామాల్లో రోజురోజుకు కరోనా కేసులు నమోదవుతున్న నేపథ్యంలో అధికారులు ఈ నిర్ణయం తీసుకున్నారు.

లాక్​డౌన్ సమయంలో ఎటువంటి దుకాణాలు తెరుచుకోవని అధికారులు తెలిపారు. కనిగిరి చుట్టుప్రక్క గ్రామాల ప్రజలందరూ ఈ లాక్​డౌన్ కు సహకరించాలని, ప్రతి ఒక్కరూ ఇళ్లకే పరిమితమై కరోనాను తరిమికొట్టాలని అధికారులు కోరారు.

ఇదీ చదవండి:అక్రమంగా మద్యం తరలిస్తున్న ఇద్దరు అరెస్టు