కేంద్ర బడ్జెట్​పై వ్యాపారులకు అవగాహన సదస్సు

కేంద్ర బడ్జెట్​పై వ్యాపారులకు విజయవాడలో ఏపీ ఛాంబర్స్ ఆఫ్ కామర్స్ అండ్ ఇండస్ట్రీ ఫెడరేషన్ అవగాహన సదస్సు నిర్వహించింది. కార్యక్రమంలో పెద్ద ఎత్తున వ్యాపారులు, పలు అధికారులు పాల్గొన్నారు.

వ్యాపారులకు కేంద్ర బడ్జెట్​పై అవగాహన కల్పించటమే లక్ష్యంగా ఏపీ ఛాంబర్స్ ఆఫ్ కామర్స్ అండ్ ఇండస్ట్రీ ఫెడరేషన్ విజయవాడలో సదస్సు నిర్వహించింది. ఈ కార్యక్రమంలో ప్రముఖ చార్టర్డ్ ఎకౌంటెంట్ కన్సల్టింగ్ గ్రూప్ ప్రైస్ వాటర్ హౌజ్ కూపర్ సంస్థ డైరెక్టర్లు ముఖ్య అతిథిలుగా హాజరయ్యారు. కొత్తకా ప్రవేశ పెట్టిన బడ్జెట్, పన్ను రాయితీలు, మినహాయింపులపై వ్యాపారుల సందేహలను నివృత్తి చేశారు. బడ్జెట్​కు సంబంధించిన ముఖ్యమైన అంశాలపై సూచనలు, సలహాలు ఇచ్చారు. పన్నులు ఎవరికి వర్తిస్తాయి, పన్నుల చెల్లింపులో తీసుకోవాల్సిన జాగ్రత్తలు వివరించారు. పన్ను ఎగవేయటానికి ఎటువంటి ఆస్కారం లేదనీ, పన్నుల విషయంలో ప్రభుత్వం కట్టుదిట్టమైన సవరణలు చేస్తున్నట్లు స్పష్టం చేశారు.

ఇదీ చదవండి: విజిలెన్స్ కమిషనర్​గా వీణా ఇష్ బాధ్యతల స్వీకరణ