తాతపూడిలో జాతీయ రహదారిపై ప్రమాదం.. వ్యక్తి మృతి

చిలకలూరిపేట మండలం తాతపూడి సమీపంలో 16వ నెంబర్ జాతీయ రహదారిపై ప్రమాదం జరిగింది. ఈ ఘటనలో గుర్తు తెలియని వ్యక్తి అక్కడిక్కడే మృతి చెందాడు. పోలీసులు కేసు నమోదు చేసుకుని దర్యాప్తు చేస్తున్నట్లు తెలిపారు.

గుంటూరు జిల్లా చిలకలూరుపేట మండలం తాతపూడి సమీపంలో 16 నెంబర్ జాతీయ రహదారిపై కారు ఢీకొని గుర్తు తెలియని వ్యక్తి మృతి చెందాడు. నడుచుకుంటూ వెళ్తున్న వ్యక్తిని మార్టూరు వైపు నుంచి చిలకలూరిపేట వైపు వస్తున్న కారు ఢీకొంది. ఈ ప్రమాదంలో ఆ వ్యక్తి అక్కడికక్కడే మృతి చెందాడు. మృతుడి వయస్సు సుమారు 45 సంవత్సరాలు ఉండవచ్చని పోలీసులు భావిస్తున్నారు. కేసు నమోదు చేసుకుని దర్యాప్తు చేస్తున్నట్లు చిలకలూరిపేట గ్రామీణ ఎస్సై భాస్కర్ తెలిపారు.

ఇదీ చదవండి: రాచగున్నేరి పోలింగ్​ కేంద్రం వద్ద ఇరువర్గాల మధ్య వాగ్వాదం