పోలీసుల కుటుంబాలకు ఉచిత వైద్య శిబిరం
పోలీస్ అమరవీరుల వారోత్సవాలు భాగంగా అనంతపురంలో ఉచిత వైద్య శిబిరాన్ని ఏర్పాటు చేశారు. పోలీస్ క్వార్టర్స్లోని కోదండ రామాలయంలో ఈ శిబిరాన్ని జిల్లా అదనపు ఎస్పీ రామాంజనేయులు ప్రారంభించారు. విశ్రాంత పోలీస్ ఆఫీసర్స్ అసోసియేషన్ ఆధ్వర్యంలో దీనిని ఏర్పాటు చేయటం అభినందనీయమన్నారు. నిత్యం పని ఒత్తిడిలో ఆరోగ్య సమస్యలతో ఇబ్బందులు పడుతున్న వారికి ఇవి ఉపయోగపడతాయన్నారు. ప్రతి ఒక్కరూ ఉచిత వైద్య శిబిరాన్ని సద్వినియోగం చేసుకోవాలని కోరారు.
