Lone App gang member arrest: లోన్ యాప్ ద్వారా ప్రజలను వేధింపులకు గురి చేస్తూ.. మోసం చేస్తున్న రాజస్థాన్కు చెందిన అంతర్జాతీయ ముఠా సభ్యుడిని వైఎస్ఆర్ కడప జిల్లా సీకె దిన్నే పోలీసులు అరెస్ట్ చేశారు. పది రోజుల కిందటే ఆరుగురు లోన్ యాప్ నిందితులను అరెస్ట్ చేసిన పోలీసులు... వారిచ్చిన సమాచారం మేరకు రాజస్థాన్కు వెళ్లి జాన్ యాదవ్ అనే నిందితున్ని అరెస్ట్ చేశారు. జాన్ యాదవ్ బ్యాంక్ అకౌంట్లను పరిశీలిస్తే దాదాపు 20 కోట్ల రూపాయల లావాదేవీలు జరిగినట్లు విచారణలో తేలిందని జిల్లా ఎస్పీ అన్బు రాజన్ తెలిపారు. ఈ ముఠా సభ్యుడు హంకాంగ్లోని ఇద్దరు ఘరానా మోసగాళ్లకు ఈ లోన్ యాప్ డబ్బులు పంపిస్తున్నట్లు విచారణలో వెల్లడైందని ఎస్పీ పేర్కొన్నారు. హాంకాంగ్లోని ఇద్దరు ముఠా సభ్యుల కోసం ప్రత్యేక బృందాలు ఏర్పాటు చేశామని ఎస్పీ వివరించారు.
ఇవీ చదవండి:
