BRS Leader Aroori Ramesh To Join BJP : వరంగల్ జిల్లా వేదికగా రాజకీయ దుమారం రేపిన వర్ధన్నపేట మాజీ ఎమ్మెల్యే, వరంగల్ జిల్లా పార్టీ అధ్యక్షుడు ఆరూరి రమేశ్ బీఆర్ఎస్ పార్టీకి రాజీనామా చేశారు. ఈ మేరకు పార్టీని వీడుతున్నట్లు ప్రకటించారు. నేడు హైదరాబాద్లో కిషన్ రెడ్డి ఆధ్వర్యంలో నేడు బీజేపీలో చేరెేందుకు రంగం సిద్ధం చేసుకున్నారు. రమేశ్ ఇన్ని రోజులు పార్టీ మారతారనే తతంగానికి ఎట్టకేలకు తెరపడింది.
Aroori Ramesh Resigns To BRS : బీఆర్ఎస్ నుంచి వరంగల్ ఎంపీ స్థానం తనకు కేటాయించకపోవడం వల్లే ఇన్ని రోజులు వెయిటింగ్ లిస్టులో ఉన్న ఆరూరి బీజేపీలో చేరడానికి రంగం సిద్దం చేసుకున్నట్లు సమాచారం. రాష్ట్ర బీజేపీ అధ్యక్షుడు కిషన్ రెడ్డి ఆధ్వర్యంలో నేడు హైదరాబాద్లో బీజేపీ తీర్థం పుచ్చుకోనున్నారు. తొలుత ఆయన పార్టీ మారతారనే ప్రచారం మొదలవ్వగానే మాజీ ముఖ్యమంత్రి కేసీఆర్ రమేశ్ను పిలిపించుకుని నచ్చజెప్పే ప్రయత్నం చేశారు. అయినా ఫలితం లేకుండా పోయింది. ఇక రాజకీయ భవిష్యత్తు బీజేపీతోనే అని భావించిన ఆరూరి బీజేపీలో చేరాలని నిర్ణయించుకున్నట్లు తెలుస్తోంది.
బీజేపీకి షాక్ - జితేందర్రెడ్డిని కలిసిన సీఎం రేవంత్ రెడ్డి
EX MLA Aroori Ramesh BJP Joining : కొన్ని రోజుల నుంచి వర్ధన్నపేట వర్ధన్నపేట మాజీ ఎమ్మెల్యే ఆరూరి రమేశ్ బీజేపీలో చేరుతున్నారని రాష్ట్ర రాజకీయాల్లో ప్రచారం దుమారం రేపింది. వరంగల్ పార్లమెంటు స్థానానికి ఆరూరి బీజేపీ తరఫున పోటీ చేయనున్నట్లు ప్రచారం జరిగగా ఇదే విషయాన్ని మీడియాకు వెల్లడించేందుకు అప్పట్లో తన నివాసంలో సమావేశం ఏర్పాటు చేశారు. ఈ క్రమంలో ఆయన నివాసానికి వెళ్లిన మాజీ మంత్రి ఎర్రబెల్లి దయాకర్, ఎమ్మెల్సీ బస్వరాజ్ సారయ్య బీఆర్ఎస్ను వీడవద్దంటూ ఆరూరి రమేశ్ను బుజ్జగించే ప్రయత్నం చేశారు.
బీఆర్ఎస్కు మాజీ ఎమ్మెల్యే ఆరూరి రమేశ్ రాజీనామా : ఆయనను కారులో ఎక్కించుకొని బీఆర్ఎస్ అధినేత కేసీఆర్ వద్దకు తీసుకెళ్లారు. ఈ క్రమంలో ఆరూరి రమేశ్ను బీఆర్ఎస్ నేతలు కిడ్నాప్ చేశారంటూ ప్రచారం జరిగింది. దీనిపై ఆరూరి రమేశ్ వివరణ ఇచ్చారు. తనను ఎవరు కిడ్నాప్ చేయలేదని తెలిపారు. తమ పార్టీ నేతలతో కలిసి కేసీఆర్ వద్దకు వచ్చినట్లు చెప్పారు. తాను బీఆర్ఎస్లోనే ఉంటానని ఏ పార్టీలో చేరనని స్పష్టం చేశారు. తాను అమిత్ షాను కలిశానని జరుగుతున్న ప్రచారాన్ని ఖండించారు. తాజాగా ఆయన బీఆర్ఎస్కు రాజీనామా చేసి బీజేపీలో చేరేందుకు సిద్ధమయ్యారు.
బీఆర్ఎస్కు షాక్ - బీజేపీలో చేరనున్న మాజీ ఎమ్మెల్యే ఆరూరి రమేశ్
MLA Aroori Ramesh Help : మానవత్వం చాటుకున్న వర్ధన్నపేట ఎమ్మెల్యే
