ਹੈਦਰਾਬਾਦ: ਤੰਦਰੁਸਤ ਰਹਿਣ ਲਈ ਸਿਹਤਮੰਦ ਭੋਜਨ ਖਾਣਾ ਬਹੁਤ ਜ਼ਰੂਰੀ ਹੈ। ਜ਼ਿਆਦਾਤਰ ਲੋਕ ਪੱਕੇ ਹੋਏ ਭੋਜਨ ਨੂੰ ਫਾਇਦੇਮੰਦ ਸਮਝਦੇ ਹਨ। ਪਰ ਸਿਰਫ਼ ਪੱਕਿਆ ਹੋਇਆ ਭੋਜਨ ਹੀ ਨਹੀਂ, ਸਗੋ ਕੱਚਾ ਭੋਜਨ ਵੀ ਸਿਹਤ ਲਈ ਫਾਇਦੇਮੰਦ ਹੁੰਦਾ ਹੈ। ਇਸ ਲਈ ਖੁਦ ਨੂੰ ਸਿਹਤਮੰਦ ਰੱਖਣ ਲਈ ਤੁਹਾਨੂੰ ਪੱਕੇ ਅਤੇ ਕੱਚੇ ਭੋਜਨ ਦੇ ਫਾਇਦਿਆਂ ਬਾਰੇ ਜਾਣ ਲੈਣਾ ਚਾਹੀਦਾ ਹੈ।
ਪੱਕੇ ਹੋਏ ਭੋਜਨ ਦੇ ਫਾਇਦੇ:
ਬਿਹਤਰ ਪਾਚਨ: ਪੱਕਿਆ ਹੋਇਆ ਭੋਜਨ ਚਬਾਉਣਾ ਬਹੁਤ ਆਸਾਨ ਹੁੰਦਾ ਹੈ। ਇਹ ਭੋਜਨ ਜਲਦੀ ਪਚ ਜਾਂਦਾ ਹੈ। ਇਸ ਨਾਲ ਪਾਚਨ ਕਿਰੀਆਂ ਨੂੰ ਸਿਹਤਮੰਦ ਰੱਖਣ 'ਚ ਮਦਦ ਮਿਲਦੀ ਹੈ ਅਤੇ ਪੇਟ ਨਾਲ ਜੁੜੀਆਂ ਕਈ ਬਿਮਾਰੀਆਂ ਤੋਂ ਛੁਟਕਾਰਾ ਪਾਇਆ ਜਾ ਸਕਦਾ ਹੈ।
ਵਧੇਰੇ ਪੌਸ਼ਟਿਕ ਤੱਤ: ਪੱਕੇ ਹੋਏ ਭੋਜਨ 'ਚ ਪੌਸ਼ਟਿਕ ਤੱਤ ਭਰਪੂਰ ਮਾਤਰਾ 'ਚ ਹੁੰਦੇ ਹਨ। ਇਸ ਨਾਲ ਸਰੀਰ ਨੂੰ ਐਨਰਜ਼ੀ ਮਿਲਦੀ ਹੈ ਅਤੇ ਤੁਸੀਂ ਹਰ ਕੰਮ ਊਰਜਾਵਨ ਤਰੀਕੇ ਨਾਲ ਕਰ ਪਾਉਦੇ ਹੋ।
ਵਧੀਆਂ ਸਵਾਦ: ਪੱਕਿਆ ਹੋਇਆ ਸਵਾਦ 'ਚ ਵੀ ਵਧੀਆਂ ਹੁੰਦਾ ਹੈ। ਇਸ ਭੋਜਨ ਦਾ ਸਿਰਫ਼ ਸਵਾਦ ਹੀ ਨਹੀਂ, ਸਗੋ ਖੁਸ਼ਬੂ ਵੀ ਵਧੀਆਂ ਹੁੰਦੀ ਹੈ, ਜਿਸ ਕਰਕੇ ਪੱਕਿਆ ਹੋਇਆ ਭੋਜਨ ਖਾਣ ਦਾ ਮਨ ਵੀ ਕਰਦਾ ਹੈ।
ਚੰਗੀ ਸਿਹਤ: ਪੱਕੇ ਹੋਏ ਭੋਜਨ ਨੂੰ ਖਾਣ ਨਾਲ ਸਿਹਤ ਚੰਗੀ ਰਹਿੰਦੀ ਹੈ, ਕਿਉਕਿ ਜਦੋ ਅਸੀ ਭੋਜਨ ਨੂੰ ਪਕਾਉਦੇ ਹਾਂ, ਤਾਂ ਇਸ 'ਚ ਮੌਜ਼ੂਦ ਹਾਨੀਕਾਰਕ ਬੈਕਟੀਰੀਆ ਮਰ ਜਾਂਦੇ ਹਨ। ਇਸ ਲਈ ਪੱਕੇ ਹੋਏ ਭੋਜਨ ਨੂੰ ਖਾਣ ਨਾਲ ਕਈ ਸਿਹਤ ਸਮੱਸਿਆਵਾਂ ਨੂੰ ਦੂਰ ਕੀਤਾ ਜਾ ਸਕਦਾ ਹੈ।
ਕੱਚੇ ਭੋਜਨ ਦੇ ਫਾਇਦੇ:
ਪੌਸ਼ਟਿਕ ਤੱਤ: ਕੱਚੇ ਭੋਜਨ 'ਚ ਪਕਾਏ ਹੋਏ ਭੋਜਨ ਦੇ ਮੁਕਾਬਲੇ ਵਿਟਾਮਿਨ ਅਤੇ ਖਣਿਜ ਜ਼ਿਆਦਾ ਪਾਏ ਜਾਂਦੇ ਹਨ। ਇਸ ਲਈ ਕੱਚਾ ਭੋਜਨ ਖਾਣ ਨਾਲ ਸਰੀਰ ਨੂੰ ਸਹੀ ਪੌਸ਼ਟਿਕ ਤੱਤ ਮਿਲਦੇ ਹਨ।
ਬਲੱਡ ਸ਼ੂਗਰ ਕੰਟਰੋਲ: ਕੱਚੇ ਫਲ, ਸਬਜ਼ੀਆਂ ਅਤੇ ਗਿਰੀਦਾਰ ਖੁਰਾਕ ਫਾਈਬਰ ਨਾਲ ਭਰਪੂਰ ਹੁੰਦੀ ਹੈ। ਇਸ ਨਾਲ ਪਾਚਨ 'ਚ ਬਹੁਤ ਮਦਦ ਮਿਲਦੀ ਹੈ। ਇਸਦੇ ਨਾਲ ਹੀ, ਅੰਤੜੀਆਂ ਨੂੰ ਸਿਹਤਮੰਦ ਰੱਖਣ ਅਤੇ ਬਲੱਡ ਸ਼ੂਗਰ ਨੂੰ ਕੰਟਰੋਲ ਕਰਨ ਲਈ ਵੀ ਕੱਚਾ ਭੋਜਨ ਫਾਇਦੇਮੰਦ ਹੁੰਦਾ ਹੈ।
ਹਾਈਡਰੇਸ਼ਨ: ਕੱਚਾ ਭੋਜਨ ਜਿਵੇਂ ਕਿ ਫਲ ਅਤੇ ਸਬਜ਼ੀਆਂ ਵਿੱਚ ਪਾਣੀ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ। ਇਸ ਨਾਲ ਸਰੀਰ ਨੂੰ ਹਾਈਡ੍ਰੇਟ ਰੱਖਣ 'ਚ ਮਦਦ ਮਿਲਦੀ ਹੈ।
ਭਾਰ ਕੰਟਰੋਲ: ਕੱਚੇ ਭੋਜਨ 'ਚ ਕੈਲੋਰੀ ਘੱਟ ਪਾਈ ਜਾਂਦੀ ਹੈ। ਇਸ ਲਈ ਕੱਚਾ ਭੋਜਨ ਉਨ੍ਹਾਂ ਲੋਕਾਂ ਲਈ ਇੱਕ ਵਧੀਆ ਵਿਕਲਪ ਹੋ ਸਕਦਾ ਹੈ, ਜੋ ਭਾਰ ਘਟਾਉਣਾ ਚਾਹੁੰਦੇ ਹਨ।
ਚਮੜੀ ਦੀ ਸਿਹਤ: ਕੱਚੇ ਭੋਜਨ ਵਿੱਚ ਮੌਜੂਦ ਵਿਟਾਮਿਨ ਅਤੇ ਐਂਟੀਆਕਸੀਡੈਂਟ ਕੋਲੇਜਨ ਦੇ ਉਤਪਾਦਨ ਨੂੰ ਵਧਾਉਂਦੇ ਹਨ। ਜਿਸਦੇ ਚਲਦਿਆਂ ਚਮੜੀ ਨੂੰ ਸਿਹਤਮੰਦ ਰੱਖਣ 'ਚ ਮਦਦ ਮਿਲਦੀ ਹੈ।
