ਪਠਾਨਕੋਟ: ਸੂਬਾ ਸਰਕਾਰ ਵੱਲੋਂ ਜ਼ਿਲ੍ਹੇ ਵਿੱਚ ਮੁੜ ਤੋਂ ਡੋਗਰਾ ਸਰਟੀਫਿਕੇਟ ਬਣਾਏ ਜਾਣ ਲਈ ਮੰਜ਼ੂਰੀ ਦੇ ਦਿੱਤੀ ਗਈ ਹੈ। ਡੋਗਰਾ ਸਰਟੀਫਿਕੇਟ ਮੁੜ ਬਣਨ ਨੂੰ ਲੈ ਕੇ ਨੌਜਵਾਨਾਂ ਵਿੱਚ ਖੁਸ਼ੀ ਦਾ ਮਾਹੌਲ ਹੈ।
ਇਸ ਬਾਰੇ ਜਦੋਂ ਲੋਕਾਂ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂ ਦੱਸਿਆ ਕਿ ਡੋਗਰਾ ਸਰਟੀਫਿਕੇਟ ਉਨ੍ਹਾਂ ਲਈ ਬੇਹਦ ਖ਼ਾਸ ਹੈ। ਸਰਹੱਦੀ ਖ਼ੇਤਰ ਹੋਣ ਕਾਰਨ ਇਸ ਸਰਟੀਫਿਕੇਟ ਰਾਹੀਂ ਇਥੇ ਦੇ ਨੌਜਵਾਨਾਂ ਨੂੰ ਫੌਜ ਵਿੱਚ ਭਰਤੀ ਹੋਣ ਲਈ ਵਿਸ਼ੇਸ਼ ਛੂਟ ਮਿਲਦੀ ਹੈ ਅਤੇ ਉਹ ਅਸਾਨੀ ਨਾਲ ਫੌਜ 'ਚ ਭਰਤੀ ਹੋ ਸਕਦੇ ਹਨ। ਬੀਤੇ ਦਿਨੀਂ ਇਸ ਸਰੀਫਿਕੇਟ ਬੰਦ ਕਰ ਦਿੱਤੇ ਗਏ ਸਨ। ਇਸ ਕਾਰਨ ਨੌਜਵਾਨ ਨਿਰਾਸ਼ ਹੋ ਗਏ ਸਨ ਪਰ ਮੁੜ ਇਸ ਨੂੰ ਹਰੀ ਝੰਡੀ ਮਿਲਣ ਨਾਲ ਨੌਜਾਵਨਾਂ ਵਿੱਚ ਖੁਸ਼ੀ ਦੀ ਲਹਿਰ ਹੈ।
ਇਸ ਮੌਕੇ ਹਲਕਾ ਭੋਆ ਦੇ ਵਿਧਾਇਕ ਜੋਗਿੰਦਰ ਪਾਲ ਨੇ ਦੱਸਿਆ ਕਿ ਉਨ੍ਹਾਂ ਨੇ ਵਿਧਾਨ ਸਭਾ ਵਿੱਚ ਇਸ ਸਰਟੀਫ਼ਿਕੇਟ ਦਾ ਮੁੱਦਾ ਚੁੱਕਿਆ ਸੀ। ਕੈਪਟਨ ਸਰਕਾਰ ਵੱਲੋਂ ਇਸ ਨੂੰ ਮੰਜ਼ੂਰੀ ਮਿਲ ਗਈ ਸੀ ਪਰ ਲਿੱਖਤੀ ਤੌਰ 'ਤੇ ਗ਼ਲਤੀ ਹੋਣ ਕਾਰਨ ਇਸ ਨੂੰ ਮੁੜ ਸ਼ੁਰੂ ਹੋਣ ਵਿੱਚ ਸਮਾਂ ਲਗ ਗਿਆ। ਉਨ੍ਹਾਂ ਦੱਸਿਆ ਕਿ ਹੁਣ ਨੌਜਵਾਨ ਜ਼ਿਲ੍ਹੇ ਦੇ ਅੰਦਰ ਹੀ ਇਹ ਸਰਟੀਫਿਕੇਟ ਬਣਵਾ ਸਕਨਗੇ ਤੇ ਇਸ ਦਾ ਲਾਭ ਲੈ ਸਕਣਗੇ।
