ਲੁਧਿਆਣਾ: ਬੀਤੇ ਦਿਨ ਇੱਕ 28 ਸਾਲਾ ਵਿਆਹੁਤਾ ਲੜਕੀ ਵੱਲੋਂ ਆਪਣੀ ਭੈਣ ਦੇ ਘਰ ਛੱਤ ਦੇ ਗਾਡਰ ਨਾਲ ਚੁੰਨੀ ਬੰਨ ਫਾਹਾ ਲੈ ਕੇ ਆਪਣੀ ਜੀਵਨ ਲੀਲਾ ਨੂੰ ਸਮਾਪਤ ਕਰ ਲਈ। ਮ੍ਰਿਤਕ ਮਹਿਲਾ ਦੀ ਪਹਿਚਾਣ ਸੰਦੀਪ ਕੌਰ ਪਤਨੀ ਵਿਨੋਦ ਤਲਵਾੜ ਵਾਸੀ ਨਿਊ ਹਰਗੋਬਿੰਦ ਨਗਰ ਵੱਜੋ ਹੋਈ ਹੈ।
ਸਹੁਰੇ ਪਰਿਵਾਰ ਤੋਂ ਦੁੱਖੀ ਲੜਕੀ ਨੇ ਲਿਆ ਫਾਹਾ
ਉਸ ਦੀ ਇੱਕ 3 ਸਾਲ ਦੀ ਬੱਚੀ ਵੀ ਹੈ, ਪੁਲਿਸ ਵੱਲੋ ਮ੍ਰਿਤਕ ਸੰਦੀਪ ਕੌਰ ਦੀ ਮਾਂ ਬਲਵੀਰ ਕੌਰ ਦੇ ਬਿਆਨ ਦਰਜ ਕਰ ਸੰਦੀਪ ਕੌਰ ਦੇ ਪਤੀ ਵਿਨੋਦ ਤਲਵਾੜ ਸੱਸ ਸਰੋਜ ਤਲਵਾੜ ਦੇ ਖ਼ਿਲਾਫ਼ 304 ਬੀ,34 ਆਈ ਪੀ ਸੀ ਦੇ ਤਹਿਤ ਮਾਮਲਾ ਦਰਜ ਕਰ ਦਿੱਤਾ ਗਿਆ ਹੈ।
ਮ੍ਰਿਤਕ ਸੰਦੀਪ ਕੌਰ ਵੱਲੋਂ ਮਰਨ ਤੋਂ ਪਹਿਲਾਂ ਇੱਕ 5 ਪੇਜ ਦਾ ਸੁਸਾਈਡ ਨੋਟ ਵੀ ਲਿਖਿਆ ਗਿਆ ਸੀ। ਜਿਸ ਵਿੱਚ ਆਪਣੀ ਮੌਤ ਲਈ ਕੁੱਝ ਲੋਕਾਂ ਨੂੰ ਜਿੰਮੇਦਾਰ ਠਹਿਰਿਆਂ ਗਿਆ ਹੈ। ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ। ਜਿਸ 'ਤੇ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।
ਇਹ ਵੀ ਪੜ੍ਹੋ:- ਸਭ ਤੋਂ ਬਜ਼ੁਰਗ ਮਾਤਾ ਦਾ ਦੇਹਾਂਤ
