ਜਲੰਧਰ: ਪੰਜਾਬ ਪੁਲਿਸ ਨੂੰ ਇਸ ਤਰ੍ਹਾਂ ਹੱਸਦਿਆਂ ਵੇਖ ਕੇ ਤੁਸੀਂ ਵੀ ਹੈਰਾਨ ਹੋ ਰਹੇ ਹੋਵੋਗੇ ਪਰ ਜਲੰਧਰ ਪੁਲਿਸ ਨਵੇਂ ਸਾਲ ਦੀ ਸ਼ੁਰੂਆਤ ਇਸੇ ਤਰ੍ਹਾਂ ਠਹਾਕੇ ਲਾ ਕੇ ਕਰਦੀ ਹੈ। ਪੀ.ਏ.ਪੀ. ਵਿੱਚ ਪੰਜਾਬ ਪੁਲਿਸ ਨੇ ਨਵੇਂ ਸਾਲ ਦੀ ਸ਼ੁਰੂਆਤ ਹਾਸੇ, ਠਹਾਕਿਆਂ ਦੇ ਨਾਲ ਅਤੇ ਪੰਜਾਬੀ ਗਾਣਿਆਂ 'ਤੇ ਭੰਗੜਾ ਪਾ ਕੇ ਕੀਤੀ। ਪੁਲਿਸ ਲਾਈਨ ਵਿੱਚ ਆਯੋਜਿਤ ਇਸ ਲਾਫਟਰ ਵਿੱਚ ਪੁਲਿਸ ਦੇ ਕਈ ਅਧਿਕਾਰੀ ਆਪਣਾ ਯੋਗਦਾਨ ਪਾਉਂਦੇ ਹਨ। ਅਫ਼ਸਰ ਅਤੇ ਰੰਗਰੂਟ ਪੁਲਿਸ ਵਾਲੇ ਸਭ ਦਿਲ ਖੋਲ੍ਹ ਕੇ ਹੱਸਦੇ ਹਨ ਜਿਸ ਦੌਰਾਨ ਵੱਖ-ਵੱਖ ਤਰੀਕੇ ਦੇ ਹਾਸੇ ਸੁਣਨ ਨੂੰ ਮਿਲਦੇ ਹਨ।
ਜਲੰਧਰ ਪੀ.ਏ.ਪੀ. ਦੇ ਸੇਵਾ ਮੁਕਤ ਕਮਾਂਡੈਂਟ ਪਵਨ ਉੱਪਲ ਨੇ ਦੱਸਿਆ ਕਿ ਪੁਲਿਸ ਦੀ ਨੌਕਰੀ ਵਿੱਚ ਕਈ ਤਰ੍ਹਾਂ ਦੇ ਤਣਾਅ ਦੇਖਣ ਨੂੰ ਮਿਲਦੇ ਹਨ ਪਰ ਦਬਾਵਾਂ ਦੇ ਬਾਵਜੂਦ ਜਦੋਂ ਨਵੇਂ ਸਾਲ ਦੀ ਸ਼ੁਰੂਆਤ ਹਾਸਿਆਂ ਅਤੇ ਭੰਗੜੇ ਦੇ ਨਾਲ ਕੀਤੀ ਜਾਵੇ ਤਾਂ ਡਿਊਟੀ ਆਸਾਨ ਹੋ ਜਾਂਦੀ ਹੈ ਅਤੇ ਇਸੇ ਲਈ ਇੱਥੇ ਹਰ ਸਾਲ ਨਵੇਂ ਸਾਲ ਦੀ ਸ਼ੁਰੂਆਤ ਇਸੀ ਤਰ੍ਹਾਂ ਕੀਤੀ ਜਾਂਦੀ ਹੈ।
ਇੱਕ ਅਲੱਗ ਅੰਦਾਜ਼ ਵਿੱਚ ਪੰਜਾਬ ਪੁਲਿਸ ਨੇ ਆਪਣੇ ਨਵੇਂ ਸਾਲ ਦੀ ਸ਼ੁਰੂਆਤ ਕਰ ਲੋਕਾਂ ਨੂੰ ਵੀ ਖੁਸ਼ ਰਹਿਣ ਦਾ ਇੱਕ ਬਹੁਤ ਚੰਗਾ ਸੰਦੇਸ਼ ਦਿੱਤਾ ਹੈ। ਕਿਉਂਕਿ ਪੁਲਿਸ ਦੀ ਨੌਕਰੀ 24 ਘੰਟੇ ਦੀ ਅਤੇ ਤਣਾਅਪੂਰਨ ਹੁੰਦੀ ਹੈ ਅਤੇ ਇਸ ਤਣਾਅ ਨੂੰ ਭੁਲਾਉਣ ਲਈ ਇਸ ਦਾ ਆਯੋਜਨ ਹੁੰਦਾ ਹੈ ਤਾਂ ਕਿ ਮੁਲਾਜ਼ਮ ਹੱਸ-ਹੱਸ ਕੇ ਆਪਣਾ ਤਣਾਅ ਦੂਰ ਕਰਨ ਅਤੇ ਸਾਲ ਦੀ ਸ਼ੁਰੂਆਤ ਹੱਸਦਿਆਂ ਹੋਵੇ।
