ਚੱਲਦੇ ਟੈਂਪੂ ਨੂੰ ਅਚਾਨਕ ਲੱਗੀ ਅੱਗ, ਵਾਲ-ਵਾਲ ਬਚਿਆ ਚਾਲਕ

ਟੈਂਪੂ ਚਾਲਕ ਕਸ਼ਮੀਰ ਸਿੰਘ ਨੇ ਮਹਿਸੂਸ ਕੀਤਾ ਕਿ ਕੈਬਨ ਵਿਚ ਲੱਗੀ ਹੋਈ ਵਾਇਰਿੰਗ ਸੜਨੀ ਸ਼ੁਰੂ ਹੋ ਗਈ, ਉਸਨੇ ਟੈਂਪੂ ਨੂੰ ਸਾਈਡ ’ਤੇ ਖੜਾ ਕਰਕੇ ਅੱਗ ਬੁਝਾਉਣ ਲਈ ਲੋਕਾ ਤੋ ਮੱਦਦ ਮੰਗੀ ਪਰ ਸੁੰਨੀ ਸੜਕ ਹੋਣ ਕਾਰਨ ਹੋਈ ਦੇਰੀ ਵਿਚ ਕੈਬਨ ਬੁਰੀ ਤਰ੍ਹਾ ਸੜ ਕੇ ਸੁਆਹ ਹੋ ਗਿਆ।

ਅੰਮ੍ਰਿਤਸਰ: ਚੋਗਾਵਾਂ ਅਟਾਰੀ ਮੇਨ ਸੜਕ ਚਵਿੰਡਾ ਭੱਠੇ ਦੇ ਨਜ਼ਦੀਕ 2 ਮਹੀਨੇ ਪਹਿਲਾ ਖਰੀਦੇ ਬਜਾਜ ਭਾਰ ਢੋਹਣ ਵਾਲੇ ਟੈਂਪੂ ਨੂੰ ਅਚਾਨਕ ਅੱਗ ਲੱਗ ਗਈ, ਇਸ ਹਾਦਸੇ ’ਚ ਟੈਂਪੂ ਚਾਲਕ ਕਸਮੀਰ ਸਿੰਘ ਵਾਲ-ਵਾਲ ਬਚਿਆ।

ਚੱਲਦੇ ਟੈਂਪੂ ਨੂੰ ਅਚਾਨਕ ਲੱਗੀ ਅੱਗ

ਇਸ ਸੰਬੰਧੀ ਕਸ਼ਮੀਰ ਸਿੰਘ ਨੇ ਦੱਸਿਆ ਕਿ ਉਹ ਪਿੰਡ ਵਣੀਏ ਕੇ ਤੋ ਫੇਰਾ ਲਾ ਕੇ ਵਾਪਸ ਪਿੰਡ ਆ ਰਿਹਾ ਸੀ ਕਿ ਭੱਠੇ ਨਜ਼ਦੀਕ ਪੁੱਜਣ ਤੇ ਟੈਂਪੂ ਵਿਚਲੇ ਕੈਬਨ ਵਿਚ ਹੋਈ ਵਾਇਰਿੰਗ ਸੜਨੀ ਸ਼ੁਰੂ ਹੋ ਗਈ, ਉਸਨੇ ਟੈਂਪੂ ਸਾਈਡ ’ਤੇ ਖੜਾ ਕਰਕੇ ਅੱਗ ਬੁਝਾਉਣ ਲਈ ਲੋਕਾ ਤੋ ਮੱਦਦ ਮੰਗੀ ਪਰ ਸੁੰਨੀ ਸੜਕ ਹੋਣ ਕਾਰਨ ਹੋਈ ਦੇਰੀ ਵਿਚ ਕੈਬਨ ਬੁਰੀ ਤਰ੍ਹਾ ਸੜ ਕੇ ਸਵਾਹ ਹੋ ਗਿਆ ਅਤੇ ਕੈਬਨ ਵਿਚ ਕੀਮਤੀ ਚੀਜਾਂ ਅਤੇ ਨਗਦੀ ਸੜ ਗਈ।

ਇਸ ਮੌਕੇ ਟੈਂਪੂ ਚਾਲਕ ਨੇ ਉਦਾਸ ਮਨ ਨਾਲ ਦੱਸਿਆ ਕਿ ਉਸਦੇ ਪਰਿਵਾਰ ਦਾ ਗੁਜ਼ਾਰਾ ਟੈਂਪੂ ਦੇ ਸਿਰ ’ਤੇ ਹੀ ਚੱਲਦਾ ਸੀ, ਪਰਤੂੰ ਹੁਣ ਉਸਨੂੰ ਆਰਥਿਕ ਅਤੇ ਮਾਨਸਿਕ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਵੇਗਾ।

ਇਹ ਵੀ ਪੜ੍ਹੋ: