ਅੰਮ੍ਰਿਤਸਰ : ਅੱਜ ਹਿਊਮਨ ਰਾਈਟਸ ਜਥੇਬੰਦੀ ਵੱਲੋਂ ਦੁਬਈ ਵਿਚ ਇੱਕ ਦਲਿਤ ਲੜਕੀ ਨਾਲ ਹੋ ਰਹੇ ਅੱਤਿਆਚਾਰ ਦੇ ਖ਼ਿਲਾਫ਼ ਪ੍ਰੈੱਸ ਕਾਨਫਰੰਸ ਕੀਤੀ ਗਈ ਹੈ। ਇਸ ਮੌਕੇ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਕੀ ਹਿਊਮਨ ਰਾਈਟ ਦੀ ਆਗੂ ਬੀਬੀ ਜਸਵਿੰਦਰ ਕੌਰ ਸੋਹਲ ਨੇ ਦੱਸਿਆ ਕਿ ਇੱਕ ਗਰੀਬ ਅਤੇ ਦਲਿਤ ਪਰਿਵਾਰ ਦੀ ਲੜਕੀ, ਜੋ ਕੀ ਜਲੰਧਰ ਦੀ ਰਹਿਣ ਵਾਲੀ ਹੈ ਤੇ ਉਸ ਦਾ ਨਾਮ ਗੁਰਪ੍ਰੀਤ ਕੌਰ ਹੈ। ਉਕਤ ਲੜਕੀ ਵਿਆਹੀ ਹੈ ਤੇ ਬੱਚੇ ਦੀ ਮਾਂ ਵੀ ਹੈ। ਉਕਤ ਲੜਕੀ ਏਜੰਟ ਰਾਹੀਂ ਅੱਠ ਮਹੀਨੇ ਪਹਿਲਾਂ ਦੁਬਈ ਗਈ ਸੀ। ਪੀੜਿਤ ਗੁਰਪ੍ਰੀਤ ਕੌਰ ਨੇ ਦੁਬਈ ਤੋਂ ਵੀਡਿਓ ਰਾਹੀਂ ਪੰਜਾਬ ਮੁੱਖ ਮੰਤਰੀ ਭਗਵੰਤ ਮਾਨ ਤੋਂ ਮਦਦ ਦੀ ਗੁਹਾਰ ਲਗਾਈ ਹੈ। ਪੀੜਤ ਲੜਕੀ ਨੇ ਕਿਹਾ ਕਿ ਮੈਨੂੰ ਭਾਰਤ ਵਾਪਿਸ ਲਿਆਂਦਾ ਜਾਵੇ।
ਐੱਸਪੀ ਓਬਰਾਏ ਨਾਲ ਵੀ ਕੀਤੀ ਜਾਵੇਗੀ ਮੁਲਾਕਾਤ : ਬੀਬੀ ਸੋਹਲ ਨੇ ਕਿਹਾ ਕਿ ਗਰੀਬ ਪਰਿਵਾਰ ਦੀ ਹੋਣ ਕਰਕੇ ਇਸਦੀ ਕੋਈ ਮਦਦ ਨਹੀਂ ਕਰ ਰਿਹਾ। ਉਨ੍ਹਾਂ ਕਿਹਾ ਕਿ 1 ਲੱਖ 17 ਹਜ਼ਾਰ ਰੁਪਏ ਲੈਕੇ ਏਜੰਟ ਨੇ ਦੁਬਈ ਭੇਜਿਆ ਸੀ। ਉਨ੍ਹਾਂ ਕਿਹਾ ਕਿ ਇਸ ਦਾ ਪਰਿਵਾਰ ਰੋ ਰੋ ਕੇ ਸਰਕਾਰ ਕੋਲ ਇਸਦੀ ਮਦਦ ਕਰਨ ਦੀ ਗੁਹਾਰ ਲੱਗਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਸਾਡੇ ਵੱਲੋ ਸਰਬੱਤ ਦਾ ਭਲਾ ਟਰੱਸਟ ਦੇ ਆਗੂ ਐਸਪੀ ਓਬਰਾਏ ਦੇ ਨਾਲ ਵੀ ਗੱਲਬਾਤ ਕੀਤੀ ਜਾਵੇਗੀ ਤਾਂਕਿ ਇਹ ਪੀੜਿਤ ਲੜਕੀ ਭਾਰਤ ਵਾਪਸ ਆ ਸਕੇ। ਇੱਸ ਮੌਕੇ ਗੁਰਪ੍ਰੀਤ ਕੌਰ ਦੇ ਪਤੀ ਸ਼ਿੰਦਰ ਪਾਲ ਸਿੰਘ ਨੇ ਦੱਸਿਆ ਕਿ ਉਹ ਜਲੰਧਰ ਦੇ ਪਿੰਡ ਗੂੜ੍ਹੇ ਦਾ ਰਿਹਣ ਵਾਲਾ ਹੈ।
ਇਹ ਵੀ ਪੜ੍ਹੋ : road accident near Dhanaula: ਸੜਕ ਹਾਦਸੇ ਦੌਰਾਨ ਕਾਰ ਦੇ ਉੱਡੇ ਪਰਖੱਚੇ, 2 ਮੌਤਾਂ 1 ਗੰਭੀਰ ਜ਼ਖ਼ਮੀ
ਸੂਬਾ ਤੇ ਕੇਂਦਰ ਸਰਕਾਰ ਨੂੰ ਮਦਦ ਦੀ ਫਰਿਆਦ : ਉਨ੍ਹਾਂ ਕਿਹਾ ਕਿ ਏਜੰਟ ਸ਼ਾਹਕੋਟ ਬਾਹਮਣੀਆਂ ਦਾ ਰਿਹਣ ਵਾਲਾ ਹੈ। ਉਸਨੇ ਸਾਡੇ ਨਾਲ ਠੱਗੀ ਮਾਰੀ ਹੈ, ਮੇਰੀ ਪਤਨੀ ਨੂੰ ਉਸ ਨੇ 3 ਜੁਲਾਈ 2022 ਨੂੰ ਦੁਬਈ ਭੇਜਿਆ ਸੀ। ਪਿਹਲਾਂ ਬਿਨਾਂ ਕੰਪਨੀ ਤੋਂ ਉਸ ਕੋਲੋਂ ਕੰਮ ਕਰਵਾਈਆ ਗਿਆ ਸੀ, ਜਿਸ ਦੇ ਚੱਲਦੇ ਉਸ ਨੇ ਰੋ ਰੋ ਕੇ ਆਪਣਾ ਦੁੱਖ ਦੱਸਿਆ ਤੇ ਕਿਹਾ ਇੱਥੇ ਮੇਰੇ ਉਤੇ ਤਸ਼ੱਦਦ ਕੀਤਾ ਜਾ ਰਿਹਾ ਹੈ। ਸਾਡੇ ਕੋਲ ਇੰਨੇ ਪੈਸੈ ਵੀ ਨਹੀਂ ਕੀ ਅਸੀਂ ਉਸ ਨੂੰ ਵਾਪਸ ਭਾਰਤ ਲਿਆ ਸਕੀਏ। ਅਸੀਂ ਭਾਰਤ ਸਰਕਾਰ ਤੇ ਪੰਜਾਬ ਸਰਕਾਰ ਕੋਲੋਂ ਮਦਦ ਕਰਨ ਦੀ ਅਪੀਲ ਕਰਦੇ ਹਾਂ।
