ਜੰਡਿਆਲਾ/ ਅੰਮ੍ਰਿਤਸਰ: ਜਹਾਜ਼ ਵਿੱਚ ਬੈਠ ਕੇ ਖਾਣਾ ਖਾਣ ਦਾ ਸੁਪਨਾ ਪੂਰਾ ਕਰਨ ਲਈ ਘੱਟੋ ਘੱਟ ਹਜ਼ਾਰਾਂ ਰੁਪਏ ਦੀ ਰਾਸ਼ੀ ਖ਼ਰਚਣੀ ਪੈਂਦੀ ਹੈ, ਪਰ ਇੱਕ ਕਿਸਾਨ ਤੇ ਵਪਾਰੀ ਨੇ ਕਰੋੜਾਂ ਰੁਪਏ ਖ਼ਰਚ ਕੇ, ਲੋਕਾਂ ਦਾ ਇਹ ਸੁਪਨਾ ਕਰਨ ਲਈ ਇਕ ਜਹਾਜ਼ ਖੜ੍ਹਾ ਕੀਤਾ ਹੈ। ਅੰਮ੍ਰਿਤਸਰ ਦੇ ਮਾਨਾਂਵਾਲਾ ਵਿੱਚ ਹਵਾਈ ਜਹਾਜ਼ ਖੜ੍ਹਾ ਵੇਖਣ ਨੂੰ ਮਿਲ ਰਿਹਾ ਹੈ।
ਜਦੋਂ ਇਸ ਸਬੰਧੀ ਉਸ ਇਸ ਪ੍ਰਾਜੈਕਟ ਮਾਲਕ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਦੱਸਿਆ ਕਿ ਆਮ ਤੌਰ 'ਤੇ ਲੋਕ ਜਹਾਜ਼ ਵਿੱਚ ਬੈਠਣ ਦੇ ਸੁਪਨੇ ਦੇਖਦੇ ਹਨ, ਪਰ ਉਸ ਨੂੰ ਸਾਰੇ ਹੀ ਪੂਰਾ ਨਹੀਂ ਕਰ ਪਾਉਂਦੇ। ਇਸ ਲਈ ਹਵਾਈ ਜਹਾਜ਼ ਵਿੱਚ ਬੈਠ ਕੇ ਖਾਣਾ ਖਾਣ ਦਾ ਨਜ਼ਾਰਾ ਹੁਣ ਧਰਤੀ ਉੱਤੇ ਹੀ ਲੋਕਾਂ ਨੂੰ ਮੁਹੱਈਆ ਕਰਵਾਇਆ ਜਾਏਗਾ।
ਜਹਾਜ਼ ਨੁਮਾ ਰੈਸਟੋਰੈਂਟ ਬਣ ਰਿਹਾ ਖਿੱਚ ਦਾ ਕੇਂਦਰ: ਗੁਰਜੋਤ ਸਿੰਘ ਨੇ ਪੱਤਰਕਾਰ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਉਹ ਇਕ ਯੂਨੀਕ ਪ੍ਰੋਜੈਕਟ ਲੈ ਕੇ ਆਏ ਹਨ ਅਤੇ ਉਮੀਦ ਹੈ ਕਿ ਲੋਕਾਂ ਨੂੰ ਇਹ ਕਾਫੀ ਪਸੰਦ ਆਵੇਗਾ। ਕਿਉਂਕਿ, ਭਾਰਤ ਵਿੱਚ ਤਕਰੀਬਨ 85 ਪ੍ਰਤੀਸ਼ਤ ਲੋਕਾਂ ਦਾ ਸੁਪਨਾ ਹੁੰਦਾ ਹੈ, ਜਹਾਜ਼ ਦੇਖਣਾ ਹੈ। ਇਸ ਲਈ ਅਸੀਂ ਲੋਕਾਂ ਦਾ ਇਹ ਸੁਪਨਾ ਪੂਰਾ ਕਰਨ ਜਾ ਰਹੈ ਹਾਂ। ਲੋਕ ਆਉਣ ਤੇ ਇਸ ਨੂੰ ਮਹਿਸੂਸ ਕਰਨ ਕਿਉਂਕਿ ਇਹ ਉਰੀਜਨਲ ਜਹਾਜ਼ ਹੈ ਤੇ ਇਸ ਜਹਾਜ਼ ਨੁਮਾ ਰੈਸਟੋਰੈਂਟ ਵਿਚ ਕਰੀਬ 90 ਲੋਕਾਂ ਦੇ ਬੈਠਣ ਦੀ ਸਮਰੱਥਾ ਹੋਵੇਗੀ ਜਿਸ ਵਿੱਚ ਬੈਠ ਕੇ ਲੋਕ ਖਾਣੇ ਦਾ ਅਨੰਦ ਲੈ ਸਕਣਗੇ।
ਇਹ ਵੀ ਪੜ੍ਹੋ: ਇਸ ਰੈਸਟੋਰੈਂਟ 'ਚ ਆਉਣ ਨਾਲ ਤਾਜ਼ਾ ਹੋ ਜਾਂਦੀਆਂ ਬਚਪਨ ਦੀਆਂ ਯਾਦਾਂ, ਜਾਣੋ ਕਾਰਨ
VIP ਹੀ ਨਹੀਂ, ਇਹ ਰੈਸਟੋਰੈਂਟ ਆਮ ਲੋਕਾਂ ਲਈ ਵੀ : ਗੁਰਜੋਤ ਨੇ ਦਸਿਆ ਕਿ ਲੋਕਾਂ ਨੂੰ ਏਥੇ ਆ ਕੇ ਬਿਲਕੁਲ ਹਵਾਈ ਜਹਾਜ਼ ਤੇ ਏਅਰਪੋਟ ਵਿੱਚ ਆਏ ਹਾਂ, ਇਸ ਤਰ੍ਹਾਂ ਮਹਿਸੂਸ ਕਰਨਗੇ। ਬੋਰਡਿੰਗ ਪਾਸ ਚੈਕ ਇਨ ਆਊਟ ਵੀ ਹੋਵੇਗਾ। ਇਸ ਦੇ ਨਾਲ ਹੀ, ਗੁਰਜੋਤ ਨੇ ਦੱਸਿਆ ਕਿ ਇਹ ਹਾਈ ਫਾਈ ਲੋਕਾਂ ਲਈ ਹੀਂ ਨਹੀਂ, ਬਲਕਿ ਆਮ ਲੋਕਾਂ ਲਈ ਵੀ ਰਹੇਗਾ।
ਲੋਕਾਂ ਵਿੱਚ ਉਤਸ਼ਾਹ: ਇਸ ਸੰਬੰਧੀ ਜਦੋਂ ਜਹਾਜ਼ ਨੂੰ ਵੇਖਣ ਵਾਲੇ ਲੋਕਾਂ ਨਾਲ ਗੱਲਬਾਤ ਕੀਤੀ ਗਈ ਤੇ ਉਨ੍ਹਾਂ ਨੇ ਦੱਸਿਆ ਕਿ ਕੱਲ੍ਹ ਤੱਕ ਦੀ ਗੱਲ ਕਰੀਏ ਤੇ ਸਿਰਫ ਇਥੇ ਇਕ ਖੁੱਲ੍ਹਾ ਮੈਦਾਨ ਨਜ਼ਰ ਆਉਂਦਾ ਸੀ। ਅੱਜ ਅਚਾਨਕ ਹੀ ਜਦੋਂ ਉੱਥੋਂ ਨਿਕਲੇ ਤਾਂ, ਉਨ੍ਹਾਂ ਨੂੰ ਅੰਮ੍ਰਿਤਸਰ ਦੇ ਮਾਨਾਂਵਾਲਾ ਟੋਲ ਪਲਾਜ਼ਾ ਕੋਲ ਵੱਡਾ ਜਹਾਜ਼ ਖੜ੍ਹਾ ਮਿਲਿਆ। ਸਥਾਨਕ ਵਾਸੀ ਬਰਿੰਦਰ ਕੌਰ ਨੇ ਕਿਹਾ ਕਿ ਇਹ ਬੇਹਦ ਖੁਸ਼ੀ ਵਾਲੀ ਗੱਲ ਹੈ ਕਿ ਇੱਥੇ ਹਵਾਈ ਜਹਾਜ਼ ਰੈਸਟੋਰੈਂਟ ਖੁੱਲ੍ਹਣ ਜਾ ਰਿਹਾ ਹੈ ਜਿਸ ਦਾ ਤਜ਼ਰਬਾ ਲੈਣਾ ਬੇਹਦ ਦਿਲਚਸਪ ਰਹਿਣ ਵਾਲਾ ਹੈ।
ਲੁਧਿਆਣਾ ਵਿੱਚ ਵੀ ਹੈ ਹਵਾਈ ਜਹਾਜ਼ ਰੈਸਟੋਰੈਂਟ: ਦੱਸ ਦਈਏ ਕਿ ਪੰਜਾਬ ਵਿੱਚ ਇਸ ਤੋਂ ਪਹਿਲਾਂ ਲੁਧਿਆਣਾ ਵਿਖੇ ਵੀ ਹਵਾਈ ਜਹਾਜ਼ ਰੈਸਟੋਰੈਂਟ ਖੋਲ੍ਹਿਆ ਗਿਆ ਹੈ ਜਿਸ ਦਾ ਨਾਂਅ 'ਹਵਾਈ ਅੱਡਾ' ਹੈ।
ਇਹ ਵੀ ਪੜ੍ਹੋ: ਨਿਊਯਾਰਕ ਦੇ ਰੈਸਟੋਰੈਂਟ ਨੇ ਪੇਸ਼ ਕੀਤੀ 'ਬਾਇਡਨ ਬਿਰੀਆਨੀ'
