ਲੰਡਨ: ਭਾਰਤੀ ਅਰਬਪਤੀ ਮੁਕੇਸ਼ ਅੰਬਾਨੀ (Mukesh Ambani) ਨੇ ਇਕ ਵਾਰ ਫਿਰ ਵਿਸ਼ਵ ਪ੍ਰਸਿੱਧ ਇੰਗਲਿਸ਼ ਫੁੱਟਬਾਲ ਕਲੱਬ ਲਿਵਰਪੂਲ ਐੱਫ.ਸੀ. (Football Club Liverpool FC) ਨੂੰ ਖਰੀਦਣ 'ਚ ਦਿਲਚਸਪੀ ਦਿਖਾਈ ਹੈ। ਪ੍ਰਮੁੱਖ ਅੰਗਰੇਜ਼ੀ ਅਖਬਾਰ 'ਚ ਪ੍ਰਕਾਸ਼ਿਤ ਇਕ ਰਿਪੋਰਟ 'ਚ ਇਹ ਦਾਅਵਾ ਕੀਤਾ ਗਿਆ ਹੈ। ਮਿਰਰ ਸਪੋਰਟ ਨੇ ਵਿਸ਼ੇਸ਼ ਤੌਰ 'ਤੇ ਖੁਲਾਸਾ ਕੀਤਾ ਕਿ ਦੁਨੀਆ ਦੇ ਅੱਠਵੇਂ ਸਭ ਤੋਂ ਅਮੀਰ ਵਿਅਕਤੀ ਨੇ ਲਿਵਰਪੂਲ ਤੱਕ ਪਹੁੰਚ ਕੀਤੀ ਹੈ। ਕਲੱਬ ਦੇ ਐਫਐਸਜੀ ਮਾਲਕ ਕਲੱਬ ਨੂੰ ਵੇਚਣ ਲਈ ਤਿਆਰ ਹਨ।
ਦੱਸਿਆ ਜਾ ਰਿਹਾ ਹੈ ਕਿ ਉਹ 4 ਅਰਬ ਯੂਰੋ 'ਚ ਵੇਚਣ ਲਈ ਤਿਆਰ ਹਨ ਅਤੇ ਅੰਬਾਨੀ ਲਈ ਇਹ ਕੋਈ ਵੱਡੀ ਗੱਲ ਨਹੀਂ ਹੈ, ਜਿਨ੍ਹਾਂ ਦੀ ਕੁੱਲ ਜਾਇਦਾਦ 90 ਅਰਬ ਯੂਰੋ ਦੇ ਕਰੀਬ ਹੈ, ਹਾਲਾਂਕਿ ਉਨ੍ਹਾਂ ਨੂੰ ਭਾਰੀ ਮੁਕਾਬਲੇ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਅੰਬਾਨੀ ਨੂੰ ਲਿਵਰਪੂਲ ਨਾਲ ਜੋੜਿਆ ਗਿਆ ਹੈ, ਹਾਲਾਂਕਿ ਉਹ 2010 ਵਿੱਚ ਵੀ ਲਿਵਰਪੂਲ ਨਾਲ ਜੁੜੇ ਹੋਏ ਸਨ ਜਦੋਂ ਫੇਨਵੇ ਸਪੋਰਟਸ ਗਰੁੱਪ (ਐਫਐਸਜੀ) ਨੇ ਪ੍ਰੀਮੀਅਰ ਲੀਗ ਟੀਮ ਨੂੰ ਖਰੀਦਣ ਤੋਂ ਪਹਿਲਾਂ ਇੱਕ ਟੇਕਓਵਰ ਬੋਲੀ ਕੀਤੀ ਸੀ।
ਇਹ ਵੀ ਪੜ੍ਹੋ: ਲੁਧਿਆਣਾ ਦੇ ਸਾਹਨੇਵਾਲ ਥਾਣੇ ਦਾ SHO ਲਾਈਨ ਹਾਜ਼ਰ, ਚੋਰੀ ਦੇ ਸਾਮਾਨ ਨਾਲ ਭਰੇ ਟਰੱਕ ਨੂੰ ਫੜਨ 'ਤੇ ਨਹੀਂ ਹੋਈ ਕਾਰਵਾਈ ਤਾਂ...
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਅੰਬਾਨੀ ਲਿਵਰਪੂਲ ਨੂੰ ਖਰੀਦਣ ਲਈ ਜੁੜੇ ਹੋਏ ਹਨ। 2010 ਵਿੱਚ, ਸੁਬਰਤ ਰਾਏ ਅਤੇ ਅੰਬਾਨੀ ਨੇ ਸਾਬਕਾ ਮਾਲਕਾਂ ਟੌਮ ਹਿਕਸ ਅਤੇ ਜਾਰਜ ਗਿਲੇਟ ਤੋਂ ਕਲੱਬ ਵਿੱਚ 51 ਪ੍ਰਤੀਸ਼ਤ ਹਿੱਸੇਦਾਰੀ ਖਰੀਦਣ ਲਈ ਇੱਕ ਬੋਲੀ ਲਗਾਈ। ਅੰਬਾਨੀ ਇਸ ਸਮੇਂ ਆਈਪੀਐਲ ਕ੍ਰਿਕਟ ਟੀਮ ਮੁੰਬਈ ਇੰਡੀਅਨਜ਼ (Mumbai Indians) ਦੇ ਮਾਲਕ ਹਨ ਅਤੇ ਉਨ੍ਹਾਂ ਨੇ ਦੇਸ਼ ਵਿੱਚ ਸੁਪਰ ਲੀਗ ਦੀ ਸਥਾਪਨਾ ਵਿੱਚ ਵੀ ਮਹੱਤਵਪੂਰਨ ਭੂਮਿਕਾ ਨਿਭਾਈ ਹੈ। (ਆਈਏਐਨਐਸ)
