ਨਵੀਂ ਦਿੱਲੀ: ਕੋਲਕਾਤਾ ਵਿੱਚ ਬੰਗਲਾਦੇਸ਼ ਵਿਰੁੱਧ ਹੋਣ ਵਾਲੇ ਡੇ-ਨਾਈਟ ਟੈਸਟ ਮੈਚ ਤੋਂ ਬਾਅਦ ਦਸੰਬਰ 'ਚ ਭਾਰਤ ਅਤੇ ਵੈਸਟਇੰਡੀਜ਼ ਵਿਚਕਾਰ ਟੀ -20 ਅਤੇ ਵਨਡੇ ਸੀਰੀਜ਼ ਹੋਣਗੀਆਂ। ਵੈਸਟਇੰਡੀਜ਼ ਵਿਰੁੱਧ 3-3 ਮੈਚਾਂ ਦੀ ਵਨਡੇ ਅਤੇ ਟੀ-20 ਸੀਰੀਜ਼ ਲਈ ਟੀਮ ਭਾਰਤ ਦਾ ਐਲਾਨ 21 ਨਵੰਬਰ ਨੂੰ ਕੋਲਕਾਤਾ ਵਿੱਚ ਹੋਵੇਗਾ, ਜਦੋਂ ਭਾਰਤੀ ਟੀਮ ਦੇ ਚੋਣਕਾਰ ਉੱਥੇ ਬੈਠਕ ਕਰਨਗੇ। ਦੱਸਿਆ ਜਾ ਰਿਹਾ ਹੈ ਕਿ ਰੋਹਿਤ ਸ਼ਰਮਾ ਵਨਡੇ ਸੀਰੀਜ਼ ਦਾ ਹਿੱਸਾ ਨਹੀਂ ਹੋਣਗੇ।
ਸਾਲ 2019 ਵਿੱਚ ਤਕਰੀਬਨ ਹਰ ਮੈਚ ਖੇਡਣ ਵਾਲੇ ਭਾਰਤੀ ਸਲਾਮੀ ਬੱਲੇਬਾਜ਼ ਰੋਹਿਤ ਸ਼ਰਮਾ ਨੂੰ ਵੈਸਟਇੰਡੀਜ਼ ਵਿਰੁੱਧ ਤਿੰਨ ਮੈਚਾਂ ਦੀ ਵਨ ਡੇ ਸੀਰੀਜ਼ ਤੋਂ ਆਰਾਮ ਦਿੱਤਾ ਜਾਵੇਗਾ। ਆਈਪੀਐਲ ਵਿਚ 16 ਮੈਚ ਖੇਡਣ ਵਾਲੇ ਰੋਹਿਤ ਸ਼ਰਮਾ, ਵਿਸ਼ਵ ਕੱਪ ਵਿੱਚ 10 ਮੈਚ, ਲਗਾਤਾਰ 4 ਟੈਸਟ ਮੈਚ, ਦਰਜਨਾਂ ਵਨਡੇ ਅਤੇ ਟੀ -20 ਮੈਚ ਖੇਡ ਰਹੇ ਰੋਹਿਤ ਸ਼ਰਮਾ ਦੇ ਵਰਕਲੋਡ ਨੂੰ ਵੇਖਦੇ ਹੋਏ ਟੀਮ ਪ੍ਰਬੰਧਨ ਉਨ੍ਹਾਂ ਨੂੰ ਆਰਾਮ ਦੇਣਾ ਚਾਹੁੰਦਾ ਹੈ। ਕਿਉਂਕਿ, ਅਗਲੇ ਸਾਲ ਦੀ ਸ਼ੁਰੂਆਤ ਵਿੱਚ ਭਾਰਤੀ ਟੀਮ ਨਿਊਜ਼ੀਲੈਂਡ ਦਾ ਦੌਰਾ ਕਰੇਗੀ।
ਰੋਹਿਤ ਸ਼ਰਮਾ ਦੇ ਨਾ ਖੇਡਣ ਦੀ ਅਜਿਹੀ ਸਥਿਤੀ ਵਿੱਚ ਹੁਣ ਉਨ੍ਹਾਂ ਦੀ ਥਾਂ ਟੀਮ ਵਿੱਚ ਕੌਣ ਮੌਕਾ ਸੰਭਾਲੇਗਾ, ਇਸ ਦਾ ਰਾਜ ਵੀ ਖੁੱਲ ਚੁੱਕਾ ਹੈ। ਦਰਅਸਲ, ਬਿਹਤਰੀਨ ਟੈਸਟ ਓਪਨਰ ਵਜੋਂ ਆਪਣੀ ਛਾਪ ਛੱਡਣ ਵਾਲੇ ਮਯੰਕ ਅਗਰਵਾਲ ਨੂੰ ਰੋਹਿਤ ਸ਼ਰਮਾ ਦੀ ਥਾਂ ਵਨਡੇ ਕ੍ਰਿਕਟ 'ਚ ਮੌਕਾ ਦਿੱਤੇ ਜਾਣ ਦੀ ਸੰਭਾਵਨਾ ਹੈ।
ਇਹ ਵੀ ਪੜ੍ਹੋ: ਬਿਗ ਬਾਊਟ ਲੀਗ : ਪੰਜਾਬ ਦੀ ਟੀਮ ਵੱਲੋਂ ਖੇਡੇਗੀ ਮੈਰੀਕਾਮ, ਨਿਖਤ ਨਾਲ ਹੋ ਸਕਦਾ ਹੈ ਮੁਕਾਬਲਾ
ਵਿਸ਼ਵ ਕੱਪ 2019 ਵਿੱਚ ਬਤੌਰ ਓਪਨਰ ਰਿਪਲੈਸਮੈਂਟ ਦੇ ਤੌਰ ਉੱਤੇ ਮਯੰਕ ਅਗਰਵਾਲ ਦੀ ਚੋਣ ਹੋਈ ਸੀ, ਪਰ ਉਹ ਖੇਡ ਨਹੀਂ ਪਾਏ ਸੀ। ਅਜਿਹੀ ਸਥਿਤੀ ਵਿੱਚ ਮਯੰਕ ਅਗਰਵਾਲ ਆਪਣੇ ਖੇਡਣ ਦੇ ਵਧੀਆ ਅੰਦਾਜ਼ ਕਾਰਨ ਵਨਡੇ ਟੀਮ ਵਿੱਚ ਥਾਂ ਬਣਾ ਸਕਦੇ ਹਨ। ਮੁੰਬਈ ਮਿਰਰ ਦੀ ਇਕ ਰਿਪੋਰਟ ਮੁਤਾਬਕ, ਮਯੰਕ ਨੂੰ ਰੋਹਿਤ ਦੀ ਥਾਂ ਵਨਡੇ 'ਚ ਤਬਦੀਲ ਕਰਨ ਦਾ ਮੌਕਾ ਮਿਲੇਗਾ। 21 ਨਵੰਬਰ ਨੂੰ ਭਾਰਤੀ ਚੋਣਕਾਰਾਂ ਵਲੋਂ ਕੋਲਕਾਤਾ ਵਿੱਚ ਵਨਡੇ ਤੇ ਟੀ-20 ਕੌਮਾਂਤਰੀ ਲੜੀ ਲਈ ਟੀਮ ਭਾਰਤ ਦਾ ਐਲਾਨ ਕਰਨ ਜਾ ਰਹੇ ਹਨ।
ਇਹ ਹੈ ਭਾਰਤ ਬਨਾਮ ਵੈਸਟਇੰਡੀਜ਼ ਲੜੀ ਦਾ ਪ੍ਰੋਗਰਾਮ-
- 6 ਦਸੰਬਰ 2019: ਪਹਿਲਾ ਟੀ -20 ਆਈ, ਮੁੰਬਈ
- 8 ਦਸੰਬਰ 2019: ਦੂਜਾ ਟੀ 20 ਆਈ, ਤਿਰੂਵਨੰਤਪੁਰਮ
- 11 ਦਸੰਬਰ 2019: ਤੀਜਾ ਟੀ 20 ਆਈ, ਹੈਦਰਾਬਾਦ
- 15 ਦਸੰਬਰ 2019: ਪਹਿਲਾ ਵਨਡੇ, ਚੇੱਨਈ
- 18 ਦਸੰਬਰ 2019: ਦੂਜਾ ਵਨਡੇ, ਵਿਸ਼ਾਖਾਪਟਨਮ
- 22 ਦਸੰਬਰ 2019: ਤੀਜਾ ਵਨਡੇ, ਕਰਨਾਕਟਕ
