ਰੂਪਨਗਰ: ਇੰਗਲੈਂਡ ਦੇ ਸਾਬਕਾ ਫ਼ਿਰਕੀ ਗੇਂਦਬਾਜ਼ ਮੌਂਟੀ ਪਨੇਸਰ ਨੇ ਆਪਣੀ ਭਾਰਤ ਫੇਰੀ ਦੌਰਾਨ ਈਟੀਵੀ ਭਾਰਤ ਨਾਲ ਖ਼ਾਸ ਗੱਲਬਾਤ ਕੀਤੀ। ਇਸ ਮੌਕੇ ਉਨ੍ਹਾਂ ਨੇ ਆਪਣੇ ਅੱਗੇ ਦੇ ਕਰੀਅਰ ਬਾਰੇ ਕਿਹਾ ਕਿ ਉਹ ਇੰਗਲੈਂਡ ਜਾ ਕੇ ਮੁੜ ਆਪਣੇ ਆਪ ਨੂੰ ਫਿੱਟ ਕਰਨਗੇ ਤਾਂ ਜੋ ਉਹ ਫੇਰ ਤੋਂ ਕ੍ਰਿਕਟ ਵਿੱਚ ਵਾਪਸੀ ਕਰ ਸਕਣ।
ਮੌਂਟੀ ਪਨੇਸਰ
37 ਸਾਲਾ ਪਨੇਸਰ ਨੇ ਕਿਹਾ ਕਿ ਉਹ ਖੇਡਾਂ ਨਾਲ ਆਪਣਾ ਰਾਬਤਾ ਕਾਇਮ ਰੱਖਣਾ ਚਾਹੁੰਦੇ ਹਨ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਉਹ ਭਵਿੱਖ ਵਿੱਚ ਕਮੈਂਟਰੀ ਜਾਂ ਕੋਚਿੰਗ ਵਿੱਚ ਵੀ ਜਾ ਸਕਦੇ ਹਨ।
ਮੌਂਟੀ ਪਨੇਸਰ
ਜਦੋਂ ਪਨੇਸਰ ਤੋਂ ਪੁੱਛਿਆ ਗਿਆ ਕਿ ਉਨ੍ਹਾਂ ਨੇ ਕਿਸ ਤੋਂ ਪ੍ਰਭਾਵਿਤ ਹੋ ਕੇ ਕ੍ਰਿਕਟ ਅਤੇ ਗੇਂਦਬਾਜ਼ੀ ਵਿੱਚ ਨਿਖਾਰ ਲਿਆਂਦਾ ਤਾਂ ਉਨ੍ਹਾਂ ਨੇ ਦੱਸਿਆ ਕਿ ਉਹ ਬਿਸ਼ਨ ਸਿੰਘ ਬੇਦੀ ਤੋਂ ਪ੍ਰਭਾਵਿਤ ਹੋਏ। ਇਸ ਦੇ ਨਾਲ ਉਨ੍ਹਾਂ ਆਪਣੇ ਬਾਰੇ ਇਹ ਵੀ ਦੱਸਿਆ ਕਿ ਸਾਰੇ ਉਨ੍ਹਾਂ ਦੀ ਫਿਲਡਿੰਗ 'ਤੇ ਬਹੁਤ ਹੱਸਦੇ ਸਨ ਕਿਉਂਕਿ ਇਹ ਉਨ੍ਹਾਂ ਦਾ ਸਭ ਤੋਂ ਕਮਜ਼ੋਰ ਹਿੱਸਾ ਰਿਹਾ ਹੈ।
