ਮੁੰਬਈ: ਬਿੱਗਬਾਸ-13 ਦੇ ਭਾਗੀਦਾਰ ਸ਼ਹਿਨਾਜ਼ ਗਿੱਲ ਅਤੇ ਸਿਧਾਰਥ ਸ਼ੁਕਲਾ, ਜਿੰਨ੍ਹਾਂ ਨੂੰ ਉਨ੍ਹਾਂ ਦੇ ਪ੍ਰਸ਼ੰਸਕ ਪਿਆਰ ਨਾਲ 'ਸਿਡਨਾਜ਼' ਕਹਿੰਦੇ ਹਨ। ਉਹ ਦੋਵੇਂ ਇੱਕ ਮਿਊਜ਼ਿਕ ਵੀਡਿਓ ਵਿੱਚ ਨਜ਼ਰ ਆਉਣਗੇ। ਇਸ ਗਾਣੇ ਦਾ ਨਾਂਅ 'ਭੁਲਾ ਦੂੰਗਾ' ਹੈ ਜਿਸ ਨੂੰ ਦਰਸ਼ਨ ਰਾਵਲ ਨੇ ਗਾਇਆ ਹੈ।
ਆਪਣੇ ਚਾਹੁਣ ਵਾਲਿਆਂ ਨੂੰ ਇਹ ਖ਼ਬਰ ਦਿੰਦੇ ਹੋਏ ਦਰਸ਼ਨ ਨੇ ਇੰਸਟਾਗ੍ਰਾਮ 'ਤੇ ਲਿਖਿਆ, "ਇਹ ਦੋ ਖ਼ੂਬਸੂਰਤ ਲੋਕ ਇਕੱਠੇ ਆ ਰਹੇ ਹਨ, ਇਹ ਖ਼ੂਬਸੂਰਤ ਗਾਣਾ ਸਿਰਫ਼ ਅਤੇ ਸਿਰਫ਼ ਤੁਹਾਡੇ ਸਭ ਲਈ।"
ਪੋਸਟ ਦੇ ਨਾਲ ਹੀ ਉਨ੍ਹਾਂ ਨੇ ਇੱਕ ਤਸਵੀਰ ਨੂੰ ਵੀ ਸਾਂਝਾ ਕੀਤਾ ਹੈ ਜਿਸ ਵਿੱਚ ਸਿਧਾਰਥ ਅਤੇ ਸ਼ਹਿਨਾਜ਼ ਹੱਸ ਰਹੇ ਹਨ।
ਇਸ ਗਾਣੇ ਨੂੰ ਇੰਡੀ ਮਿਊਜ਼ਿਕ ਲੇਬਲ ਦੇ ਐਮਡੀ ਨੌਸ਼ਾਦ ਖ਼ਾਨ ਆਪਣੇ ਯੂਟਿਊੂਬ ਚੈਨਲ ਰਾਹੀਂ ਜਾਰੀ ਕਰਨਗੇ। ਉਨ੍ਹਾਂ ਗਾਣੇ ਬਾਰੇ ਕਿਹਾ, "ਅਸੀਂ ਗਾਣੇ ਦੀ ਸ਼ੂਟਿੰਗ ਪੂਰੀ ਕਰ ਲਈ ਹੈ ਅਤੇ ਇਸ ਨੂੰ ਛੇਤੀ ਤੋਂ ਛੇਤੀ ਜਾਰੀ ਕਰਨ ਦਾ ਟੀਚਾ ਹੈ। ਮੈਂ ਜ਼ਿਆਦਾ ਕੁਝ ਨਹੀਂ ਦੱਸਣਾ ਚਾਹੁੰਦਾ, ਪਰ ਦਰਸ਼ਨ, ਸਿਦਾਰਥ ਅਤੇ ਸ਼ਹਿਨਾਜ਼ ਦੇ ਚਾਹੁੰਣ ਵਾਲਿਆਂ ਲਈ ਇੱਕ ਬਹੁਤ ਹੀ ਵਿਸ਼ੇਸ਼ ਗਾਣਾ ਆਉਣ ਵਾਲਾ ਹੈ।"
ਬਿੱਗਬੌਸ ਵਿੱਚ ਸਿਦਾਰਥ ਅਤੇ ਸ਼ਹਿਨਾਜ਼ ਦਾ ਰਿਸ਼ਤਾ ਸਭ ਤੋਂ ਵੱਧ ਚਰਚਾ ਦਾ ਵਿਸ਼ਾ ਰਿਹਾ ਹੈ।
ਹਾਲ ਹੀ ਵਿੱਚ ਸ਼ਹਿਨਾਜ਼ ਬਾਰੇ ਬੋਲਦਿਆਂ ਸਿਦਾਰਥ ਨੇ ਕਿਹਾ, "ਮੈਂ ਸ਼ਹਿਨਾਜ਼ ਦੀ ਜ਼ਿੰਦਗੀ ਦਾ ਹਿੱਸਾ ਬਣਨਾ ਪਸੰਦ ਕਰਦਾ ਹਾਂ। ਉਸ ਨਾਲ ਸੰਪਰਕ ਵਿੱਚ ਰਹਿਣਾ ਔਖਾ ਹੈ ਪਰ ਜਦੋਂ ਵੀ ਮੌਕਾ ਮਿਲਿਆ ਮੈਂ ਉਸ ਦੇ ਸੰਪਰਕ ਵਿੱਚ ਰਹਾਂਗਾ। ਉਹ ਮੇਰੀ ਚੰਗੀ ਦੋਸਤ ਹੈ ਅਤੇ ਹਮੇਸ਼ਾ ਹੀ ਰਹੇਗੀ।"
ਬਿੱਗ ਬੌਸ 13 ਤੋਂ ਬਣੀ ਇਸ ਜੋੜੀ ਨੂੰ ਵੇਖਣ ਲਈ ਉਨ੍ਹਾਂ ਦੇ ਚਾਹੁਣ ਵਾਲੇ ਬੜੀ ਹੀ ਬੇਸਬਰੀ ਨਾਲ ਇਸ ਦਾ ਇੰਤਜ਼ਾਰ ਕਰ ਰਹੇ ਹੋਣਗੇ।
