ਬਠਿੰਡਾ: ਪੰਜਾਬੀ ਸਿਨੇਮਾ ਨੇ ਇਸ ਸਾਲ ਕਈ ਪ੍ਰਕਾਰ ਦੀਆਂ ਫ਼ਿਲਮ ਦਿੱਤੀਆਂ ਹਨ। ਹਾਲੇ ਵੀ ਸਿਨੇਮਾ ਆਪਣੇ ਦਰਸ਼ਕਾਂ ਨੂੰ ਬਹੁਤ ਕੁਝ ਦੇ ਰਿਹਾ ਹੈ, ਜਿਵੇ ਕਿ ਪੰਜਾਬੀ ਫ਼ਿਲਮ ਅਮਾਨਤ। ਇੱਕ ਵੱਖਰੇ ਜੋਨਰ ਉੱਤੇ ਬਣੀ ਇਹ ਪੰਜਾਬੀ ਫ਼ਿਲਮ ਨੂੰ 13 ਦਸੰਬਰ 2019 ਨੂੰ ਰਿਲੀਜ਼ ਹੋਵੇਗੀ। ਫ਼ਿਲਮ ਦੀ ਕਹਾਣੀ ਦੋ ਪਿਆਰ ਕਰਨ ਵਾਲੇ ਜੋੜੇ ਦੀ ਹੈ। ਲੇਕਿਨ ਉਨ੍ਹਾਂ ਨੂੰ ਆਪਣੇ ਪਿਆਰ ਨੂੰ ਹਾਸਲ ਕਰਨ ਲਈ ਕਾਫ਼ੀ ਸਮਾਜਿਕ ਮੁਸ਼ਕਿਲਾਂ ਤੋਂ ਗੁਜ਼ਰਨਾ ਪੈਂਦਾ ਹੈ। ਇਸ ਦੇ ਇੱਰਧ ਗਿਰਧ ਹੀ ਫ਼ਿਲਮ ਦੀ ਕਹਾਣੀ ਘੁੰਮਦੀ ਹੈ।
ਹੋਰ ਪੜ੍ਹੋ: Pati Patni Aur Woh: ਪਹਿਲੇ ਹੀ ਦਿਨ ਪਾਈਆਂ ਬਾਕਸ ਆਫਿਸ 'ਤੇ ਧੂੰਮਾਂ
ਇਸ ਫ਼ਿਲਮ ਦੇ ਵਿੱਚ ਧੀਰਜ ਕੁਮਾਰ ਤੇ ਨੇਹਾ ਪਾਵਰ ਸਾਹਨੁ ਲੀਡ ਵਿੱਚ ਨਜ਼ਰ ਆਉਣਗੇ ਅਤੇ ਇਨ੍ਹਾਂ ਦੇ ਨਾਲ ਰਾਹੁਲ ਜੰਗਰਾਲ, ਰੁਪਿੰਦਰ ਰੂਪੀ, ਮਹਾਬੀਰ ਭੁੱਲਰ, ਸੰਜੀਵ ਅੱਤਰੀ, ਹਨੀ ਮੱਟੂ ਅਤੇ ਦਿਲਾਵਰ ਸਿੰਘ ਵੀ ਨਜ਼ਰ ਆਉਣਗੇ। ਫ਼ਿਲਮ ਦਾ ਨਿਰਦੇਸ਼ਨ ਰਾਯਲ ਸਿੰਘ ਵੱਲੋਂ ਕੀਤਾ ਜਾ ਰਿਹਾ ਹੈ। ਦੱਸ ਦੇਈਏ ਕਿ ਇਸ ਫ਼ਿਲਮ ਰਾਹੀਂ ਉਹ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕਰ ਰਹੇ ਹਨ |
ਫ਼ਿਲਮ ਦੇ ਹੁਣ ਤੱਕ ਦੋ ਗਾਣੇ ਰਿਲੀਜ਼ ਹੋ ਚੁੱਕੇ ਹਨ। ਫ਼ਿਲਮ ਦੇ ਬਾਕੀ ਦੇ ਗਾਣੇ ਵੀ ਜਲਦ ਹੀ ਰਿਲੀਜ਼ ਕੀਤੇ ਜਾਣਗੇ। ਜਿਨ੍ਹਾਂ ਵਿੱਚ ਕਮਾਲ ਖ਼ਾਨ, ਗੁਰਲੇਜ਼ ਅਖ਼ਤਰ, ਨਛੱਤਰ ਗਿੱਲ ਅਤੇ ਬਾਲੀਵੁੱਡ ਦੇ ਸਿੰਗਰ ਕ੍ਰਿਸ਼ਨਾ ਦੀ ਆਵਾਜ਼ ਸੁਨਣ ਨੂੰ ਮਿਲੇਗੀ।
ਹੋਰ ਪੜ੍ਹੋ: ਪਿੰਡ ਸਫ਼ੀਪੁਰ ਵਿੱਚ ਹੰਸ ਰਾਜ ਹੰਸ ਦੀ ਮਾਤਾ ਨੂੰ ਦਿੱਤੀ ਅੰਤਿਮ ਵਿਦਾਈ
ਫ਼ਿਲਮ ਦੇ ਗਾਣੇ ਅਤੇ ਟ੍ਰੇਲਰ ਰਿਲੀਜ਼ ਹੋ ਚੁੱਕਿਆ ਹੈ। ਫ਼ਿਲਮ ਦੀ ਕਹਾਣੀ ਪਵਨ ਸਿੰਘ ਤੇ ਰਵਿੰਦਰ ਬਿਰਲਾ ਵੱਲੋਂ ਲਿਖੀ ਗਈ ਹੈ ਤੇ ਫ਼ਿਲਮ ਨੂੰ ਪ੍ਰੋਡਿਊਸ ਧਰਮਬੀਰ ਗੁਰਜਰ ਅਤੇ ਕਿਰਨ ਯਾਦਵ ਨੇ ਕੀਤਾ ਹੈ। ਇਹ ਫ਼ਿਲਮ ਨੂੰ 13 ਦਸੰਬਰ ਨੂੰ ਰਿਲੀਜ਼ ਹੋਵੇਗੀ।
