ਹਿੰਸਾ ਦਾ ਪ੍ਰਚਾਰ ਕਰਦਾ ਸਿੱਪੀ ਗਿੱਲ ਦਾ ਨਵਾਂ ਗੀਤ

ਸਿੱਪੀ ਗਿੱਲ ਦਾ ਗੀਤ 'ਟਾਈਗਰ ਅਲਾਈਵ' ਰਿਲੀਜ਼ ਹੋ ਚੁਕਿਆ ਹੈ। ਬੇਸ਼ਕ ਇਸ ਗੀਤ ਦੀ ਵੀਡੀਓ ਵੱਖਰੇ ਢੰਗ ਦੇ ਨਾਲ ਬਣਾਈ ਗਈ ਹੈ ਪਰ ਇਸ 'ਚ ਹੱਥਿਆਰਾਂ ਦਾ ਪ੍ਰਚਾਰ ਕੀਤਾ ਗਿਆ ਹੈ।

ਚੰਡੀਗੜ੍ਹ: ਪਾਲੀਵੁੱਡ ਦੇ ਮਸ਼ਹੂਰ ਗਾਇਕ ਸਿੱਪੀ ਗਿੱਲ ਦਾ ਗੀਤ ' ਟਾਈਗਰ ਅਲਾਈਵ' ਦਰਸ਼ਕਾਂ ਦੇ ਰੂ-ਬ-ਰੂ ਹੋ ਚੁੱਕਿਆ ਹੈ। ਇਸ ਗੀਤ ਦੀ ਵੀਡੀਓ 'ਚ ਅਸਲਾ ਜ਼ੋਰਾਂ-ਸ਼ੋਰਾਂ ਦੇ ਨਾਲ ਚਲਾਇਆ ਗਿਆ ਹੈ। ਸਿੱਪੀ ਗਿੱਲ ਦਾ ਲੁੱਕ ਅਤੇ ਸਟਾਈਲ ਇਸ ਗੀਤ 'ਚ ਬਿਲਕੁਲ ਹੀ ਵੱਖ ਹੈ। ਹਰ ਇਕ ਗੱਲ 'ਤੇ ਉਹ ਹਿੰਸਾ ਕਰਦੇ ਵੇਖਾਈ ਦੇ ਰਹੇ ਹਨ।
ਗੀਤ ਦੀ ਵੀਡੀਓ ਨੂੰ ਜਿੱਥੇ ਕੁਝ ਦਰਸ਼ਕਾਂ ਨੇ ਪਸੰਦ ਕੀਤਾ ਹੈ। ਉੱਥੇ ਹੀ ਕੁਝ ਦਰਸ਼ਕਾਂ ਨੇ ਗੀਤ ਨੂੰ ਠੀਕ ਕਿਹਾ ਹੈ ਪਰ ਹਿੰਸਾ ਦਾ ਪ੍ਰਚਾਰ ਨਾ ਕਰਨ ਦੀ ਵੀ ਗੱਲ ਕਹੀ ਹੈ।

• " class="align-text-top noRightClick twitterSection" data="">

ਦੱਸਣਯੋਗ ਹੈ ਕਿ ਇਸ ਗੀਤ ਨੂੰ ਬੋਲ ਸੁਲੱਖਣ ਚੀਮਾ ਵੱਲੋਂ ਦਿੱਤੇ ਗਏ ਹਨ ਅਤੇ ਉਨ੍ਹਾਂ ਬੋਲਾਂ 'ਤੇ ਵੇਸਟਰਨ ਪੇਂਡੂ ਵੱਲੋਂ ਮਿਊਂਜ਼ਿਕ ਦਿੱਤਾ ਗਿਆ ਹੈ। ਜੱਸ ਰਿਕਾਰਡਸ ਦੇ ਬੈਨਰ ਹੇਠ ਰਿਲੀਜ਼ ਹੋਏ ਇਸ ਗੀਤ ਨੂੰ ਮਾਹੀ ਸੰਧੂ ਅਤੇ ਜੋਬਨ ਸੰਧੂ ਨੇ ਨਿਰਦੇਸ਼ਿਤ ਕੀਤਾ ਹੈ। ਹੁਣ ਤੱਕ ਇਸ ਵੀਡੀਓ ਨੂੰ ਯੂਟਿਊਬ 'ਤੇ 1 ਮਿਲੀਅਨ ਤੋਂ ਵੱਧ ਲੋਕ ਵੇਖ ਚੁੱਕੇ ਹਨ।