ਦੇਹਰਾਦੂਨ: ਅਦਾਕਾਰਾ ਉਰਵਸ਼ੀ ਰੌਟੇਲਾ ਦਾ 25 ਫਰਵਰੀ ਨੂੰ ਜਨਮਦਿਨ ਹੈ। ਉਹ 27 ਸਾਲ ਦੇ ਹੋ ਗਏ ਹਨ। ਉਤਰਾਖੰਡ ਦੇ ਕੋਟਦਵਾਰ ’ਚ ਜਨਮੀ ਉਰਵਸ਼ੀ ਦੀ ਗਿਣਤੀ ਬਾਲੀਵੁੱਡ ਦੀ ਸਭ ਤੋਂ ਖੂਬਸੂਰਤ ਅਦਾਕਾਰਾ ’ਚ ਹੁੰਦੀ ਹੈ। ਉਰਵਸ਼ੀ ਆਪਣੀ ਖੂਬਸੂਰਤੀ ਅਤੇ ਬੋਲਡ ਅੰਦਾਜ ਦੇ ਚੱਲਦੇ ਅਕਸਰ ਸੁਰਖੀਆਂ ’ਚ ਰਹਿੰਦੇ ਹਨ। ਕੁਝ ਹੀ ਸਾਲਾਂ ’ਚ ਉਰਵਸ਼ੀ ਨੇ ਬਿਨ੍ਹਾਂ ਕਿਸੇ ਸਹਾਰੇ ਤੋਂ ਬਾਲੀਵੁੱਡ ’ਚ ਆਪਣੀ ਪਛਾਣ ਬਣਾ ਲਈ ਹੈ।
ਉਰਵਸ਼ੀ ਨੇ ਕਈ ਬਾਲੀਵੁੱਡ ਫਿਲਮਾਂ ’ਚ ਕੀਤਾ ਹੈ ਕੰਮ
ਦੱਸ ਦਈਏ ਕਿ ਉਰਵਸ਼ੀ ਰੌਤੇਲਾ ਨੇ ਐਕਸ਼ਨ ਰੁਮਾਂਸ ’ਤੇ ਅਧਾਰਿਤ ਫਿਲਮ ਸਿੰਘ ਸਾਹਿਬ ਦੀ ਗ੍ਰੇਟ ਨਾਲ ਆਪਣੇ ਕਰਿਅਰ ਦੀ ਸ਼ੁਰੂਆਤ ਕੀਤੀ ਸੀ। ਇਸ ਫਿਲਮ ’ਚ ਉਹ ਸਨੀ ਦਿਓਲ ਦੀ ਪਤਨੀ ਦੇ ਰੋਲ ’ਚ ਨਜ਼ਰ ਆਏ ਸੀ। ਇਸ ਤੋਂ ਬਾਅਦ ਉਰਵਸ਼ੀ ਰੈਪਰ ਹਨੀ ਸਿੰਘ ਦੀ ਇਕ ਵੀਡੀਓ ਐਲਬਮ ਚ ਵੀ ਨਜ਼ਰ ਆਏ ਸੀ। ਉਰਵਸ਼ੀ ਨੇ ਸਨਮ ਰੇ, ਗ੍ਰੇਟ ਗ੍ਰੈਂਡ ਮਸਤੀ, ਹੇਟ ਸਟੋਰੀ 4 ਅਤੇ ਪਾਗਲਪੰਤੀ ਵਰਗੀ ਫਿਲਮਾਂ ’ਚ ਵੀ ਕੰਮ ਕੀਤਾ ਹੈ। ਸਾਲ 2020 ’ਚ ਉਰਵਸ਼ੀ ਰੌਟੇਲਾ ਦੀ ਫਿਲਮ ਵਰਜਿਨ ਭਾਨੂਪ੍ਰਿਆ ਰਿਲੀਜ਼ ਹੋਈ ਸੀ।
ਟਾੱਪ 10 ਸੈਕਸੀ ਸੁਪਰਮਾਡਲ 2021 ਦੀ ਸੂਚੀ ’ਚ ਸ਼ਾਮਿਲ ਉਰਵਸ਼ੀ
ਹਾਲ ਹੀ ’ਚ ਉਰਵਸ਼ੀ ਨੂੰ ਦੁਨੀਆ ਦੀ ਟਾੱਪ-10 ਸੈਕਸੀ ਸੁਪਰਮਾਡਲ 2021 ਦੀ ਸੂਚੀ 'ਚ ਸ਼ਾਮਿਲ ਕੀਤਾ ਗਿਆ। ਉਹ ਇਸ ਸੂਚੀ ਚ ਸ਼ਾਮਿਲ ਹੋਣ ਵਾਲੀ ਪਹਿਲੀ ਏਸ਼ੀਆਈ ਮਹਿਲਾ ਵੀ ਹਨ। ਇਸ ਤੋਂ ਪਹਿਲਾਂ ਉਰਵਸ਼ੀ ਰੌਟੇਲਾ ਨੇ ਮਹਿਜ਼ 17 ਸਾਲ ਦੀ ਉਮਰ ਚ ਮਿਸ ਯੂਨੀਵਰਸ ਇੰਡੀਆ ਦਾ ਤਾਜ ਆਪਣੇ ਨਾਂ ਕੀਤਾ ਸੀ। ਸਾਲ 2011 ’ਚ ਅਦਾਕਾਰਾ ਨੇ ਮਿਸ ਏਸ਼ੀਅਨ ਸੁਪਰ ਮਾਡਲ ਦਾ ਖਿਤਾਬ ਵੀ ਆਪਣੇ ਨਾਂ ਕੀਤਾ ਸੀ। ਉਰਵਸ਼ੀ ਸੋਸ਼ਲ ਮੀਡੀਆ ’ਤੇ ਕਾਫੀ ਐਕਟਿਵ ਰਹਿੰਦੀ ਹੈ ਅਤੇ ਆਪਣੇ ਫੈਨਜ਼ ਦੇ ਲਈ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ। ਅਦਾਕਾਰਾ ਦੀ ਤਸਵੀਰਾਂ ਸੋਸ਼ਲ ਮੀਡੀਆ ਤੇ ਆਉਂਦੇ ਹੀ ਵਾਇਰਲ ਹੋ ਜਾਂਦੀਆਂ ਹਨ।
