ਮੁੰਬਈ: ਅਦਾਕਾਰਾ ਉਰਵਸ਼ੀ ਰੌਤੇਲਾ ਨੇ ਕੋਰੋਨਾ ਵਾਇਰਸ ਮਹਾਂਮਾਰੀ ਵਿਰੁੱਧ ਲੜਾਈ ਵਿੱਚ ਸਹਾਇਤਾ ਲਈ 5 ਕਰੋੜ ਰੁਪਏ ਦਾਨ ਕੀਤੇ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਿਹਾ ਕਿ ਸਾਨੂੰ ਅਜਿਹੀ ਸਥਿਤੀ ਵਿੱਚ ਇਕੱਠੇ ਹੋਣ ਦੀ ਲੋੜ ਹੈ ਅਤੇ ਇਸ ਮੌਕੇ ਕੀਤਾ ਗਿਆ ਕੋਈ ਵੀ ਦਾਨ ਛੋਟਾ ਨਹੀਂ ਹੈ।
ਹਾਲ ਹੀ ਵਿੱਚ ਉਰਵਸ਼ੀ ਆਪਣੇ ਪ੍ਰਸ਼ੰਸਕਾਂ ਨੂੰ ਵਰਚੁਅਲ ਡਾਂਸ ਮਾਸਟਰ ਕਲਾਸ ਦੇ ਆਯੋਜਨ ਬਾਰੇ ਜਾਣਕਾਰੀ ਦੇਣ ਲਈ ਇੰਸਟਾਗ੍ਰਾਮ 'ਤੇ ਗਈ। ਉਸ ਦਾ ਸੈਸ਼ਨ ਉਨ੍ਹਾਂ ਸਾਰਿਆਂ ਲਈ ਮੁਫ਼ਤ ਹੈ ਜੋ ਆਪਣਾ ਭਾਰ ਘਟਾਉਣ ਅਤੇ ਡਾਂਸ ਸਿੱਖਣਾ ਚਾਹੁੰਦੇ ਹਨ। ਸੈਸ਼ਨ ਵਿੱਚ ਉਰਵਸ਼ੀ ਨੇ ਜ਼ੁੰਬਾ, ਤਬਾਤਾ ਅਤੇ ਲਾਤੀਨੀ ਡਾਂਸ ਸਿਖਾਇਆ। ਟਿੱਕ ਟੋਕ 'ਤੇ ਡਾਂਸ ਮਾਸਟਰ ਕਲਾਸ ਨੇ ਉਸ ਨੂੰ 18 ਮਿਲੀਅਨ ਲੋਕਾਂ ਨਾਲ ਜੋੜਿਆ ਅਤੇ ਉਸ ਨੂੰ ਇਸ ਲਈ 5 ਕਰੋੜ ਰੁਪਏ ਮਿਲੇ, ਜੋ ਉਸ ਨੇ ਦਾਨ ਕਰ ਦਿੱਤੇ।
- " class="align-text-top noRightClick twitterSection" data="
">
ਉਰਵਸ਼ੀ ਨੇ ਕਿਹਾ ਕਿ ਮੈਂ ਸਾਰਿਆਂ ਦੀ ਬਹੁਤ ਸ਼ੁਕਰਗੁਜ਼ਾਰ ਹਾਂ, ਜੋ ਵੀ ਉਹ ਕਰ ਰਹੇ ਹਨ, ਨਾ ਸਿਰਫ ਅਦਾਕਾਰਾਂ, ਰਾਜਨੇਤਾਵਾਂ, ਸੰਗੀਤਕਾਰਾਂ ਜਾਂ ਪੇਸ਼ੇਵਰ ਅਥਲੀਟਾਂ ਲਈ, ਬਲਕਿ ਆਮ ਲੋਕਾਂ ਦਾ ਵੀ, ਕਿਉਂਕਿ ਸਾਨੂੰ ਸਾਰਿਆਂ ਨੂੰ ਇਕੱਠੇ ਹੋਣ ਦੀ ਲੋੜ ਹੈ ਅਤੇ ਸਾਨੂੰ ਸਾਰਿਆਂ ਨੂੰ ਉਨ੍ਹਾਂ ਦੇ ਸਮਰਥਨ ਦੀ ਜ਼ਰੂਰਤ ਹੈ, ਅਤੇ ਕੋਈ ਦਾਨ ਵੀ ਅਜਿਹੀ ਸਥਿਤੀ ਵਿੱਚ ਛੋਟਾ ਨਹੀਂ ਹੈ।
ਇਸ ਦੇ ਨਾਲ ਉਰਵਸ਼ੀ ਨੇ ਕਿਹਾ ਕਿ ਕ੍ਰਾਈ, ਯੂਨੀਸੈਫ ਅਤੇ ਸਵਦੇਸ਼ ਫਾਉਂਡੇਸ਼ਨ ਕੋਵਿਡ-19 ਨਾਲ ਪ੍ਰਭਾਵਿਤ ਲੋਕਾਂ ਦੀ ਮਦਦ ਕਰਕੇ, ਲੋੜਵੰਦਾਂ ਦੀ ਸਹਾਇਤਾ ਅਤੇ ਸਿਹਤ ਕਰਮਚਾਰੀਆਂ ਦੀ ਸਹਾਇਤਾ ਤੇ ਘੱਟ ਆਮਦਨੀ ਵਾਲੇ ਅਤੇ ਬੇਘਰ ਭਾਈਚਾਰਿਆਂ ਦੀ ਸਹਾਇਤਾ ਕਰਕੇ ਵਧੀਆ ਕੰਮ ਕਰ ਰਹੀ ਹਨ।
ਇਹ ਵੀ ਪੜ੍ਹੋ: ਲੌਕਡਾਊਨ ਦੌਰਾਨ ਨੱਚਦੀ ਨਜ਼ਰ ਆਈ ਉਰਵਸ਼ੀ, ਵੀਡੀਓ ਹੋਈ ਵਾਇਰਲ
