ਹੈਦਰਾਬਾਦ: ਅਕਸ਼ੈ ਕੁਮਾਰ ਸਟਾਰਰ ਫਿਲਮ 'ਬੱਚਨ ਪਾਂਡੇ' 18 ਮਾਰਚ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਲਈ ਤਿਆਰ ਹੈ। ਫਿਲਮ ਦੇ ਟ੍ਰੇਲਰ ਨੇ ਪਹਿਲਾਂ ਹੀ ਹਿੰਦੀ ਸਿਨੇਮਾ ਵਿੱਚ ਹਲਚਲ ਮਚਾ ਦਿੱਤੀ ਹੈ। ਫਿਲਮ ਦੇ ਰਿਲੀਜ਼ ਹੋਣ ਤੋਂ ਪਹਿਲਾਂ ਹੀ ਦੋ ਗੀਤਾਂ ਨੇ ਦਰਸ਼ਕਾਂ ਨੂੰ ਫਿਲਮ ਦੇਖਣ ਲਈ ਮਜ਼ਬੂਰ ਕਰ ਦਿੱਤਾ ਹੈ। ਹੁਣ ਸੋਮਵਾਰ (7 ਮਾਰਚ) ਨੂੰ ਫਿਲਮ ਦਾ ਇੱਕ ਹੋਰ ਨਵਾਂ ਗੀਤ 'ਸਾਰੇ ਬੋਲੋ ਬੇਵਫਾ' ਰਿਲੀਜ਼ ਹੋਇਆ ਹੈ।
ਗੀਤ 'ਚ ਅਕਸ਼ੈ ਕੁਮਾਰ ਦਾ ਜ਼ਬਰਦਸਤ ਅੰਦਾਜ਼ ਇਕ ਵਾਰ ਫਿਰ ਦੇਖਣ ਨੂੰ ਮਿਲ ਰਿਹਾ ਹੈ। ਇਸ ਗੀਤ 'ਚ ਅਕਸ਼ੈ ਕੁਮਾਰ, ਗਾਇਕ ਬੀ ਪਰਾਕ ਅਤੇ ਗੀਤਕਾਰ ਜਾਨੀ ਦੀ ਜੋੜੀ ਨੇ ਕਮਾਲ ਕੀਤਾ ਹੈ। ਇਸ ਤੋਂ ਪਹਿਲਾਂ ਇਸ ਤਿਕੜੀ ਦਾ ਰੋਮਾਂਟਿਕ ਗੀਤ 'ਮੇਰੀ ਜਾਨ ਮੇਰੀ' ਫਿਲਮ 'ਚ ਰਿਲੀਜ਼ ਹੋਇਆ ਸੀ।
- " class="align-text-top noRightClick twitterSection" data="">
ਇਸ ਦੇ ਨਾਲ ਹੀ ਫਿਲਮ ਦਾ ਪਹਿਲਾ ਗੀਤ 'ਮਾਰ ਖਾਏਗਾ' ਰਿਲੀਜ਼ ਹੋਇਆ। ਜਿਸ ਨੇ ਰਿਲੀਜ਼ ਹੁੰਦੇ ਹੀ ਹੰਗਾਮਾ ਮਚਾ ਦਿੱਤਾ। ਇਹ ਫਿਲਮ ਹੋਲੀ (18 ਮਾਰਚ) ਦੇ ਮੌਕੇ 'ਤੇ ਰਿਲੀਜ਼ ਹੋ ਰਹੀ ਹੈ। ਫਿਲਮ ਨੂੰ ਸਾਜਿਦ ਨਾਡਿਆਡਵਾਲਾ ਨੇ ਪ੍ਰੋਡਿਊਸ ਕੀਤਾ ਹੈ। ਬਾਕੀ ਕਲਾਕਾਰਾਂ ਵਿੱਚ ਪੰਕਜ ਤ੍ਰਿਪਾਠੀ, ਸੰਜੇ ਮਿਸ਼ਰਾ, ਪ੍ਰਤੀਕ ਬੱਬਰ ਅਤੇ ਅਭਿਮਨਿਊ ਸਿੰਘ ਦੇ ਨਾਂ ਸ਼ਾਮਲ ਹਨ।
ਫਿਲਮ 'ਬੱਚਨ ਪਾਂਡੇ' ਤਾਮਿਲ ਫਿਲਮ 'ਜਿਗਰਥੰਡਾ' ਦਾ ਹਿੰਦੀ ਰੀਮੇਕ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਫਿਲਮ ਸਭ ਤੋਂ ਪਹਿਲਾਂ ਕੋਰੀਅਨ ਭਾਸ਼ਾ 'ਚ 'ਡਰਟੀ ਕਾਰਨੀਵਲ' ਦੇ ਨਾਂ ਨਾਲ ਬਣੀ ਸੀ। ਇਸ ਤੋਂ ਬਾਅਦ ਤਾਮਿਲ 'ਚ 'ਜਿਗਰਥੰਡਾ' ਅਤੇ ਫਿਰ ਤੇਲਗੂ 'ਚ 'ਗੱਡਲਕੋਂਡਾ ਗਣੇਸ਼' ਰਿਲੀਜ਼ ਹੋਈ।
ਅਕਸ਼ੈ ਕੁਮਾਰ ਦੀਆਂ ਆਉਣ ਵਾਲੀਆਂ ਫਿਲਮਾਂ
ਇਸ ਤੋਂ ਇਲਾਵਾ ਅਕਸ਼ੈ 'ਰਕਸ਼ਬੰਧਨ', 'ਪ੍ਰਿਥਵੀਰਾਜ', 'ਗੋਰਖਾ', 'ਬੜੇ ਮੀਆਂ ਛੋਟੇ ਮੀਆਂ', 'ਰਾਮ ਸੇਤੂ', 'ਓ ਮਾਈ ਗੌਡ 2', 'ਮਿਸ਼ਨ ਸਿੰਡਰੈਲਾ' ਵਰਗੀਆਂ ਕਈ ਵੱਡੀਆਂ ਫਿਲਮਾਂ 'ਚ ਵੀ ਨਜ਼ਰ ਆਉਣਗੇ। ਅਕਸ਼ੈ ਆਖਰੀ ਵਾਰ ਸਾਰਾ ਅਲੀ ਖਾਨ ਅਤੇ ਧਨੁਸ਼ ਸਟਾਰਰ ਫਿਲਮ 'ਅਤਰੰਗੀ ਰੇ' 'ਚ ਨਜ਼ਰ ਆਏ ਸਨ।
ਇਹ ਵੀ ਪੜ੍ਹੋ:ਦਿਵਿਆ ਅਗਰਵਾਲ ਨੇ ਵਰੁਣ ਸੂਦ ਤੋਂ ਵੱਖ ਹੋਣ ਦੀ ਕੀਤੀ ਘੋਸ਼ਣਾ
