Android smartwatches ਲਈ Wear OS ਐਪ ਦੀ ਬੀਟਾ ਟੈਸਟਿੰਗ ਸ਼ੁਰੂ ਕਰ ਰਿਹਾ WhatsApp

ਵਟਸਐਪ ਆਪਣੇ ਐਂਡਰੌਇਡ ਸਮਾਰਟਵਾਚ ਐਪ ਦੀ ਬੀਟਾ ਟੈਸਟਿੰਗ ਕਰ ਰਿਹਾ ਹੈ। ਯੂਜ਼ਰਸ ਅਨੁਕੂਲ Wear OS ਘੜੀਆਂ 'ਤੇ WhatsApp ਮੈਸੇਜ ਭੇਜ ਅਤੇ ਪ੍ਰਾਪਤ ਕਰ ਸਕਦੇ ਹਨ। ਐਪ ਵਿੱਚ 'ਓਪਨ ਆਨ ਫ਼ੋਨ' ਅਤੇ 'ਰਿਕਾਰਡ ਵਾਇਸ ਮੈਸੇਜ' ਸ਼ਾਰਟਕੱਟ ਹਨ।

ਸਾਨ ਫ੍ਰਾਂਸਿਸਕੋ: ਮੈਟਾ-ਮਾਲਕੀਅਤ ਵਾਲੇ WhatsApp ਨੇ Pixel Watch, Galaxy Watch 5 ਅਤੇ ਹੋਰ ਡਿਵਾਈਸਾਂ ਲਈ Wear OS ਐਪ ਦੀ ਬੀਟਾ ਟੈਸਟਿੰਗ ਸ਼ੁਰੂ ਕਰ ਦਿੱਤੀ ਹੈ, ਜੋ ਯੂਜ਼ਰਸ ਨੂੰ ਜੁੜੇ ਰਹਿਣ ਅਤੇ ਉਹਨਾਂ ਦੀ ਸਮਾਰਟਵਾਚ ਨਾਲ ਸਿੱਧੇ ਚੈਟ ਅਤੇ ਮੈਸੇਜ ਤੱਕ ਪਹੁੰਚਣ ਦੀ ਇਜਾਜ਼ਤ ਦੇਵੇਗੀ। Wear OS ਇੱਕ ਐਂਡਰਾਇਡ ਓਪਰੇਟਿੰਗ ਸਿਸਟਮ ਹੈ ਜਿਸਨੂੰ ਸਮਾਰਟਵਾਚਾਂ ਲਈ ਤਿਆਰ ਕੀਤਾ ਗਿਆ ਹੈ। Wabetainfo ਦੇ ਅਨੁਸਾਰ, ਵਟਸਐਪ ਯੂਜ਼ਰਸ ਨੂੰ ਆਪਣੇ ਅਕਾਊਟ ਨੂੰ Wear OS ਡਿਵਾਈਸ ਨਾਲ ਲਿੰਕ ਕਰਨਾ ਹੋਵੇਗਾ।

ਸਮਾਰਟਵਾਚ ਐਪ ਨੂੰ ਯੂਜ਼ਰਸ ਦੇ ਵਟਸਐਪ ਅਕਾਊਟ ਨਾਲ ਇਸ ਤਰ੍ਹਾਂ ਕੀਤਾ ਜਾ ਸਕਦਾ ਲਿੰਕ: ਜਦੋਂ ਸਮਾਰਟਵਾਚ ਐਪ ਨੂੰ ਯੂਜ਼ਰਸ ਦੇ ਵਟਸਐਪ ਅਕਾਊਟ ਨਾਲ ਲਿੰਕ ਕੀਤਾ ਜਾਂਦਾ ਹੈ, ਤਾਂ ਘੜੀ 'ਤੇ ਇੱਕ 8-ਅੰਕ ਦਾ ਕੋਡ ਦਿਖਾਈ ਦੇਵੇਗਾ, ਜੋ ਯੂਜ਼ਰਸ ਨੂੰ ਆਪਣੇ ਡਿਵਾਈਸ 'ਤੇ ਕੋਡ ਦਰਜ ਕਰਨ ਲਈ ਪ੍ਰੇਰਿਤ ਕਰੇਗਾ। ਕੋਡ ਦਰਜ ਕਰਨ ਤੋਂ ਬਾਅਦ ਚੈਟਸ ਸੁਰੱਖਿਅਤ ਰੂਪ ਨਾਲ ਯੂਜ਼ਰਸ ਦੇ ਡਿਵਾਈਸਾਂ ਵਿੱਚ ਸਿੰਕ ਹੋ ਜਾਣਗੀਆਂ ਤਾਂ ਜੋ ਉਹ ਆਪਣੀ ਸਮਾਰਟਵਾਚ 'ਤੇ WhatsApp ਦੀ ਵਰਤੋਂ ਸ਼ੁਰੂ ਕਰ ਸਕਣ। ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਗੂਗਲ ਪਲੇ ਸਟੋਰ ਤੋਂ ਐਂਡਰਾਇਡ ਲਈ WhatsApp ਬੀਟਾ ਦੇ ਨਵੀਨਤਮ ਅਪਡੇਟ ਨੂੰ ਬੀਟਾ ਟੈਸਟਰ ਦੇ ਤੌਰ 'ਤੇ ਡਾਊਨਲੋਡ ਕਰਕੇ ਯੂਜ਼ਰਸ ਹੁਣ ਸਮਾਰਟਵਾਚ 'ਤੇ WhatsApp ਦੀ ਵਰਤੋਂ ਕਰ ਸਕਦੇ ਹਨ।

WhatsApp 'ਐਡਮਿਨ ਰਿਵਿਊ' ਫੀਚਰ 'ਤੇ ਕਰ ਰਿਹਾ ਕੰਮ: ਇਸ ਦੌਰਾਨ, WhatsApp ਕਥਿਤ ਤੌਰ 'ਤੇ ਐਂਡਰੌਇਡ 'ਤੇ 'ਐਡਮਿਨ ਰਿਵਿਊ' ਨਾਮਕ ਇੱਕ ਨਵੇ ਫੀਚਰ 'ਤੇ ਕੰਮ ਕਰ ਰਿਹਾ ਹੈ ਜੋ ਸਮੂਹ ਪ੍ਰਬੰਧਕਾਂ ਨੂੰ ਉਨ੍ਹਾਂ ਦੇ ਗਰੁੱਪਾ ਨੂੰ ਬਿਹਤਰ ਢੰਗ ਨਾਲ ਸੰਚਾਲਿਤ ਕਰਨ ਵਿੱਚ ਮਦਦ ਕਰਨ ਲਈ ਟੂਲ ਪ੍ਰਦਾਨ ਕਰੇਗਾ। ਫੀਚਰ ਸਮਰੱਥ ਹੋਣ 'ਤੇ ਗਰੁੱਪ ਐਡਮਿਨ ਖਾਸ ਮੈਸੇਜਾਂ ਦੀ ਰਿਪੋਰਟ ਕਰਨ ਦੇ ਯੋਗ ਹੋਣਗੇ। ਜੇਕਰ ਕੋਈ ਐਡਮਿਨ ਨੂੰ ਲੱਗਦਾ ਹੈ ਕਿ ਕੋਈ ਮੈਸੇਜ ਅਣਉਚਿਤ ਹੈ ਜਾਂ ਗਰੁੱਪ ਦੇ ਨਿਯਮਾਂ ਦੀ ਉਲੰਘਣਾ ਕਰਦਾ ਹੈ ਜਾਂ ਜਦੋਂ ਕੋਈ ਮੈਬਰ ਇਸਦੀ ਰਿਪੋਰਟ ਕਰਦਾ ਹੈ, ਤਾਂ ਉਹ ਗਰੁੱਪ ਵਿੱਚ ਸਾਰਿਆ ਲਈ ਇਸਨੂੰ ਡਿਲੀਟ ਕਰਨਾ ਚੁਣ ਸਕਦਾ ਹੈ।