Threads ਐਪ ਨੇ ਪੇਸ਼ ਕੀਤਾ Re-Post ਫੀਚਰ, ਥ੍ਰੈਡਸ ਦਾ ਵੈੱਬ ਵਰਜ਼ਨ ਵੀ ਜਲਦ ਆਵੇਗਾ ਨਜ਼ਰ

ਕੰਪਨੀ ਨੇ ਥ੍ਰੈਡਸ ਐਪ ਵਿੱਚ ਟਵਿੱਟਰ ਵਰਗਾ Re-Post ਫੀਚਰ ਐਡ ਕੀਤਾ ਹੈ। ਇਹ ਆਪਸ਼ਨ ਤੁਹਾਨੂੰ ਤੁਹਾਡੇ ਪ੍ਰੋਫਾਈਲ ਪੇਜ 'ਤੇ ਨਜ਼ਰ ਆਵੇਗਾ।

ਹੈਦਰਾਬਾਦ: ਮੇਟਾ ਨੇ ਥ੍ਰੈਡਸ ਐਪ 'ਚ ਇੱਕ ਨਵਾਂ ਫੀਚਰ ਐਡ ਕੀਤਾ ਹੈ। ਕੰਪਨੀ ਨੇ ਯੂਜ਼ਰਸ ਨੂੰ Re-Post ਦਾ ਆਪਸ਼ਨ ਦਿੱਤਾ ਹੈ। ਇਸ ਫੀਚਰ ਦੀ ਮਦਦ ਨਾਲ ਜੋ ਵੀ ਪੋਸਟ ਤੁਸੀਂ ਪਲੇਟਫਾਰਮ 'ਤੇ ਰੀ-ਪੋਸਟ ਕਰੋਗੇ, ਉਹ ਤੁਹਾਨੂੰ ਇਸ ਟੈਬ ਦੇ ਅੰਦਰ ਦਿਖਾਈ ਦੇਵੇਗੀ। ਰੀ-ਪੋਸਟ ਆਪਸ਼ਨ ਤੁਹਾਨੂੰ ਤੁਹਾਡੀ ਪ੍ਰੋਫਾਈਲ ਦੇ ਅੰਦਰ ਦਿਖਾਈ ਦੇਵੇਗਾ। ਤੁਹਾਡੇ ਵੱਲੋ ਰੀ-ਪੋਸਟ ਕੀਤੀ ਗਈ ਪੋਸਟ Following ਟੈਬ ਦੇ ਅੰਦਰ ਵੀ ਨਜ਼ਰ ਆਵੇਗੀ।

ਮੇਟਾ ਥ੍ਰੇਡਸ ਦਾ ਯੂਜ਼ਰਬੇਸ ਵਧਾਉਣ ਲਈ ਐਪ ਨੂੰ ਕਰ ਰਿਹਾ ਅਪਡੇਟ: ਮੇਟਾ ਥ੍ਰੇਡਸ ਦਾ ਯੂਜ਼ਰਬੇਸ ਵਧਾਉਣ ਲਈ ਲਗਾਤਾਰ ਐਪ 'ਚ ਸੁਧਾਰ ਕਰ ਰਿਹਾ ਹੈ। ਹਾਲਾਂਕਿ ਇਸਦੇ ਬਾਵਜੂਦ ਵੀ ਯੂਜ਼ਰਸ ਥ੍ਰੈਡਸ 'ਤੇ ਐਕਟਿਵ ਨਹੀਂ ਹਨ। ਹਾਲ ਹੀ ਵਿੱਚ ਇੱਕ ਰਿਪੋਰਟ ਸਾਹਮਣੇ ਆਈ ਸੀ। ਜਿਸ ਵਿੱਚ ਦੱਸਿਆ ਗਿਆ ਸੀ ਕਿ ਲਾਂਚ ਦੇ ਇੱਕ ਮਹੀਨੇ ਬਾਅਦ ਐਪ ਦਾ ਯੂਜ਼ਰਬੇਸ 80 ਫੀਸਦੀ ਤੱਕ ਘਟ ਹੋ ਗਿਆ ਹੈ। ਰਿਪੋਰਟ ਅਨੁਸਾਰ, ਮੇਟਾ ਦੇ ਥ੍ਰੈਡਸ ਐਂਡਰਾਈਡ ਐਪ 'ਤੇ 7 ਜੁਲਾਈ ਨੂੰ ਟ੍ਰੈਫਿਕ 49.3 ਮਿਲੀਅਨ ਦੇਖਿਆ ਗਿਆ ਸੀ, ਜੋ ਹੁਣ ਘਟ ਕੇ ਸਿਰਫ਼ 10.3 ਮਿਲੀਅਨ ਰਹਿ ਗਿਆ ਹੈ।

ਥ੍ਰੈਡਸ ਦਾ ਵੈੱਬ ਵਰਜ਼ਨ: ਮੇਟਾ ਦੇ ਸੀਈਓ ਨੇ ਕੁਝ ਸਮੇਂ ਪਹਿਲਾ ਇਹ ਜਾਣਕਾਰੀ ਸ਼ੇਅਰ ਕੀਤੀ ਸੀ ਕਿ ਜਲਦ ਐਪ ਦਾ ਵੈੱਬ ਵਰਜ਼ਨ ਲੋਕਾਂ ਨੂੰ ਦੇਖਣ ਨੂੰ ਮਿਲੇਗਾ। ਉਨ੍ਹਾਂ ਨੇ ਕਿਹਾ ਕਿ ਇਸ ਨਾਲ ਐਪ ਦਾ ਯੂਜ਼ਰਬੇਸ ਵਧਣ ਦੀ ਉਮੀਦ ਹੈ।

ਵਟਸਐਪ ਦਾ HD ਫੋਟੋ ਸ਼ੇਅਰ ਫੀਚਰ: ਮੇਟਾ ਦੇ ਸੀਈਓ ਨੇ ਆਪਣੇ ਇੰਸਟਾਗ੍ਰਾਮ ਚੈਨਲ ਰਾਹੀ ਵਟਸਐਪ ਦੇ ਨਵੇਂ ਫੀਚਰ ਬਾਰੇ ਦੱਸਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਕੰਪਨੀ HD ਫੋਟੋ ਸ਼ੇਅਰ ਫੀਚਰ ਨੂੰ ਲਾਈਵ ਕਰ ਰਹੀ ਹੈ। ਇਹ ਫੀਚਰ ਹੌਲੀ-ਹੌਲੀ ਸਾਰਿਆਂ ਨੂੰ ਮਿਲਣਾ ਸ਼ੁਰੂ ਹੋ ਜਾਵੇਗਾ। ਇਸ ਫੀਚਰ ਦੀ ਮਦਦ ਨਾਲ ਯੂਜ਼ਰਸ ਵਧੀਆਂ Quality ਦੀਆਂ ਤਸਵੀਰਾਂ ਭੇਜ ਸਕਣਗੇ।