ਨਵੀਂ ਦਿੱਲੀ: ਗੂਗਲ ਨੇ ਐਂਡਰੌਇਡ ਡਿਵਾਈਸਾਂ 'ਤੇ ਆਪਣਾ ਨਵਾਂ ਟੂਲ Auto Archive ਫੀਚਰ ਸ਼ੁਰੂ ਕੀਤਾ ਹੈ, ਜੋ ਉਨ੍ਹਾਂ ਐਪਸ ਨੂੰ ਲਗਭਗ 60 ਫੀਸਦ ਤੱਕ ਘੱਟ ਕਰ ਦੇਵੇਗਾ ਜੋ ਐਪਸ ਅਕਸਰ ਵਰਤੇ ਨਹੀਂ ਜਾਂਦੇ ਹਨ। Auto Archive ਟੂਲ ਉਪਭੋਗਤਾਵਾਂ ਨੂੰ ਡਿਵਾਈਸ ਤੋਂ ਐਪ ਦੀ ਮੌਜੂਦਗੀ ਜਾਂ ਉਪਭੋਗਤਾਵਾਂ ਦੇ ਡੇਟਾ ਨੂੰ ਮਿਟਾਏ ਬਿਨਾਂ ਲਗਭਗ 60 ਫੀਸਦ ਐਪਸ ਦੇ ਸਟੋਰੇਜ ਸਪੇਸ ਨੂੰ ਖਾਲੀ ਕਰਨ ਵਿੱਚ ਮਦਦ ਕਰੇਗਾ।
ਇਸ ਟੂਲ ਦੇ ਕੰਮ: ਗੂਗਲ ਪਲੇ ਦੇ ਉਤਪਾਦ ਪ੍ਰਬੰਧਕ ਚਾਂਗ ਲਿਉ ਅਤੇ ਲਿਡੀਆ ਜੇਮੰਡ ਨੇ ਕਿਹਾ ਕਿ ਇਹ ਟੂਲ ਬੇਲੋੜੀ ਅਣਇੰਸਟੌਲ ਨੂੰ ਘੱਟ ਕਰੇਗਾ ਅਤੇ ਉਪਭੋਗਤਾਵਾਂ ਨੂੰ ਸਫਲਤਾਪੂਰਵਕ ਨਵੇਂ ਐਪ ਇੰਸਟਾਲ ਕਰਨ ਵਿੱਚ ਮਦਦ ਕਰੇਗਾ। Auto Archive ਟੂਲ ਉਪਭੋਗਤਾਵਾਂ ਨੂੰ ਐਪ ਨੂੰ ਅਣਇੰਸਟੌਲ ਕਰਨ ਦੀ ਲੋੜ ਤੋਂ ਬਿਨਾਂ ਆਪਣੇ ਡਿਵਾਈਸਾਂ 'ਤੇ ਜਗ੍ਹਾ ਖਾਲੀ ਕਰਨ ਦੀ ਵੀ ਆਗਿਆ ਦਿੰਦਾ ਹੈ।
ਘੱਟ ਇਸਤੇਮਾਲ ਕੀਤੇ ਜਾਣ ਵਾਲੇ ਐਪਸ ਨੂੰ ਡਿਵਾਇਸ ਤੋਂ ਹਟਾ ਦਿੱਤਾ ਜਾਵੇਗਾ: ਇੱਕ ਵਾਰ ਜਦੋਂ ਉਪਭੋਗਤਾ ਚੋਣ ਕਰ ਲੈਂਦਾ ਤਾਂ ਮੋਬਾਇਲ 'ਚ ਸਪੇਸ ਖਾਲੀ ਕਰਨ ਲਈ ਘੱਟ ਇਸਤੇਮਾਲ ਕੀਤੇ ਜਾਣ ਵਾਲੇ ਐਪਸ ਨੂੰ ਡਿਵਾਇਸ ਤੋਂ ਹਟਾ ਦਿੱਤਾ ਜਾਵੇਗਾ। ਜਦਕਿ ਐਪ ਆਇਕਨ ਅਤੇ ਉਪਭੋਗਤਾ ਦੇ ਨਿੱਜੀ ਐਪ ਡੇਟਾ ਨੂੰ ਸੁਰੱਖਿਅਤ ਰੱਖਿਆ ਜਾਵੇਗਾ। ਜਦ ਉਪਭੋਗਤਾ ਐਪ ਦਾ ਫਿਰ ਤੋਂ ਇਸਤੇਮਾਲ ਕਰਨਾ ਚਾਹੁੰਦੇ ਹਨ ਤਾਂ ਉਹ ਇਸਨੂੰ ਦੁਬਾਰਾ ਡਾਊਨਲੋਡ ਕਰਨ ਲਈ ਸਿਰਫ਼ ਟੈਪ ਕਰ ਸਕਦੇ ਹਨ ਅਤੇ ਉੱਥੋ ਹੀ ਸ਼ੁਰੂ ਕਰ ਸਕਦੇ ਹਨ, ਜਿੱਥੇ ਉਨ੍ਹਾਂ ਨੇ ਛੱਡਿਆ ਸੀ, ਉਦੋਂ ਤੱਕ ਐਪ Google Play 'ਤੇ ਉਪਲਬਧ ਹੈ।
ਸਿਰਫ਼ ਇਨ੍ਹਾਂ ਲਈ Auto Archive ਟੂਲ ਉਪਲਬਧ ਹੈ: ਕੰਪਨੀ ਨੇ ਕਿਹਾ ਕਿ Auto Archive ਟੂਲ ਸਿਰਫ ਉਨ੍ਹਾਂ ਡਿਵੈਲਪਰਾਂ ਲਈ ਉਪਲਬਧ ਹੈ ਜੋ ਆਪਣੇ ਐਪਸ ਨੂੰ ਪ੍ਰਕਾਸ਼ਿਤ ਕਰਨ ਲਈ ਐਪ ਬੰਡਲ ਦੀ ਵਰਤੋਂ ਕਰ ਰਹੇ ਹਨ। ਜੇਕਰ ਤੁਹਾਡੀ ਐਪ ਅਰਚੀਵ ਕਰਨ ਦਾ ਸਮਰਥਨ ਕਰਦੀ ਹੈ ਤਾਂ ਉਪਭੋਗਤਾਵਾਂ ਨੂੰ ਅਣਇੰਸਟੌਲ ਸੁਝਾਵਾਂ ਦੇ ਵਿੱਚ ਇਸਨੂੰ ਦੇਖਣ ਦੀ ਸੰਭਾਵਨਾ ਘੱਟ ਹੋਵੇਗੀ।
ਇਸ ਤਰ੍ਹਾਂ ਕੰਮ ਕਰਦਾ ਇਹ ਨਵਾਂ ਫੀਚਰ: ਡਿਵਾਈਸ ਦੀ ਸਟੋਰੇਜ ਖਤਮ ਹੋ ਜਾਣ 'ਤੇ ਉਪਭੋਗਤਾ ਇੱਕ ਨਵੀਂ ਐਪ ਇੰਸਟੌਲ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ। ਇੱਕ ਪੌਪ-ਅੱਪ ਵਿੰਡੋ ਇਹ ਪੁੱਛਦੀ ਹੋਈ ਦਿਖਾਈ ਦਿੰਦੀ ਹੈ ਕਿ ਕੀ ਉਪਭੋਗਤਾ Auto Archive ਦਾ ਸਮਰੱਥ ਕਰਨਾ ਚਾਹੁੰਦਾ ਹੈ। ਜੇਕਰ ਉਪਭੋਗਤਾ ਚੋਣ ਕਰਦਾ ਹੈ ਤਾਂ ਉਪਭੋਗਤਾ ਦੀ ਡਿਵਾਈਸ ਤੋਂ ਅਣਵਰਤੀਆਂ ਐਪਾਂ ਅਰਚੀਵ ਹੋ ਜਾਣਗੀਆਂ। ਗੂਗਲ ਨੇ ਕਿਹਾ ਕਿ Auto Archive ਉਪਭੋਗਤਾਵਾਂ ਲਈ ਆਪਣੀ ਡਿਵਾਈਸ ਸਟੋਰੇਜ ਦਾ ਪ੍ਰਬੰਧਨ ਕਰਨ ਦਾ ਇੱਕ ਆਸਾਨ ਤਰੀਕਾ ਹੈ ਅਤੇ ਡਿਵੈਲਪਰਸ ਲਈ ਆਪਣੇ ਐਪਸ ਦੇ ਅਣਇੰਸਟੌਲ ਹੋਣ ਦੀ ਸੰਭਾਵਨਾ ਨੂੰ ਘਟਾਉਣ ਦਾ ਇੱਕ ਵਧੀਆ ਤਰੀਕਾ ਹੈ।
ਇਹ ਵੀ ਪੜ੍ਹੋ:- Twitter Blue Tick: ਮਸਕ ਨੇ ਕੀਤਾ ਐਲਾਨ, ਇਸ ਦਿਨ ਤੋਂ ਵੈਰੀਫਾਈਡ ਅਕਾਊਂਟ ਤੋਂ ਹਟੇਗਾ ਬਲੂ ਟਿਕ
