ਜਾਣਕਾਰੀ ਮੁਤਾਬਕ ਵੂਲਰਹੈਮਟਨ ਦੇ ਰਹਿਣ ਵਾਲੇ ਦਸਤਾਰਧਾਰੀ ਸਿੱਖ ਜਗਮੀਤ ਸਿੰਘ ਆਪਣੇ ਪਰਿਵਾਰ ਨਾਲ ਲੰਡਨ ਦੇ ਗੈਟਵਿਕ ਹਵਾਈ ਅੱਡੇ ਦੇ ਅੰਦਰ ਜਾ ਰਿਹਾ ਸੀ। ਜਗਮੀਤ ਸਿੰਘ ਨੇ ਕਿਰਪਾਨ ਪਹਿਨੀ ਹੋਈ ਸੀ ਜਿਸ ਨੂੰ ਹਵਾਈ ਅੱਡੇ 'ਤੇ ਤਾਇਨਾਤ ਸੁਰੱਖਿਆ ਮੁਲਾਜ਼ਮਾਂ ਨੇ ਚਾਕੂ ਸਮਝ ਲਿਆ ਅਤੇ ਜਗਮੀਤ ਸਿੰਘ ਨੂੰ ਉੱਥੇ ਰੋਕ ਲਿਆ। ਇਸ ਘਟਨਾ ਤੋਂ ਪ੍ਰੇਸ਼ਾਨ ਹੋਏ ਜਗਮੀਤ ਸਿੰਘ ਨੇ ਕਿਹਾ ਕਿ ਇੰਗਲੈਂਡ ਦੇ ਲੋਕਾਂ ਨੂੰ ਸਿੱਖ ਦੀ ਕਿਰਪਾਨ ਅਤੇ ਚਾਕੂ ਵਿਚਾਲੇ ਫ਼ਰਕ ਦੱਸਿਆ ਜਾਣਾ ਜ਼ਰੂਰੀ ਹੈ।
ਇਸ ਘਟਨਾ 'ਤੇ ਟਿੱਪਣੀ ਕਰਦਿਆਂ ਹਵਾਈ ਅੱਡਾ ਅਥਾਰਟੀ ਨੇ ਕਿਹਾ ਕਿ ਕਿਰਪਾਨ ਅਤੇ ਚਾਕੂ ਨੂੰ ਹਵਾਈ ਅੱਡੇ ਦੇ ਅੰਦਰ ਲਿਜਾਉਣ ਦੇਣ ਦਾ ਫ਼ੈਸਲਾ ਮੌਕੇ 'ਤੇ ਮੌਜੂਦ ਮੈਨੇਜਰਾਂ ਦਾ ਹੁੰਦਾ ਹੈ।
