ਚੰਡੀਗੜ੍ਹ: ਦੋ ਪ੍ਰਤਿਭਾਸ਼ਾਲੀ ਪੰਜਾਬੀ ਸਿਤਾਰਿਆਂ ਨੇ ਇੱਕ ਨਵੀਂ ਪੰਜਾਬੀ ਫਿਲਮ ਲਈ ਹੱਥ ਮਿਲਾਇਆ ਹੈ। ਉਹਨਾਂ ਦਾ ਨਾਂ ਹਰੀਸ਼ ਵਰਮਾ ਅਤੇ ਸ਼ਰਨ ਕੌਰ ਹੈ। ਉਹਨਾਂ ਨੇ ਇੱਕ ਫਿਲਮ 'ਡਰਾਮੇ ਆਲੇ' ਦਾ ਐਲਾਨ ਕੀਤਾ ਹੈ। ਫਿਲਮ ਦੀ ਸ਼ੂਟਿੰਗ ਬਾਰੇ ਪਹਿਲਾਂ ਹੀ ਸਤੰਬਰ 2022 ਵਿੱਚ ਦੱਸਿਆ ਜਾ ਚੁੱਕਿਆ ਹੈ ਅਤੇ ਹੁਣ ਨਿਰਮਾਤਾਵਾਂ ਨੇ ਫਿਲਮ ਦੀ ਪਹਿਲੀ ਝਲਕ ਅਤੇ ਅਧਿਕਾਰਤ ਰਿਲੀਜ਼ ਡੇਟ ਛੱਡ ਦਿੱਤੀ ਹੈ।
ਜੀ ਹਾਂ...ਫਿਲਮ ਦੀ ਅਦਾਕਾਰਾ ਸ਼ਰਨ ਕੌਰ ਨੇ ਫਿਲਮ ਦੀ ਰਿਲੀਜ਼ ਡੇਟ ਦਾ ਐਲਾਨ ਕੀਤਾ ਹੈ, ਅਦਾਕਾਰਾ ਨੇ ਪੋਸਟ ਸਾਂਝੀ ਕੀਤੀ ਅਤੇ ਲਿਖਿਆ 'ਹੁਣ ਸਟੇਜ ‘ਤੇ ਨਹੀਂ ਸਿਨਮਾਘਰਾਂ ਵਿੱਚ ਹੋਵੇਗਾ ਅਸਲ ਡਰਾਮਾ…। 24-11-23 ਨੋਟ ਕਰ ਲਵੋ।' ਪੋਸਟਰ ਵਿੱਚ ਇੱਕ ਸਟੇਜ ਲੱਗ ਹੋਈ ਹੈ।
ਚੰਦਰ ਕੰਬੋਜ ਦੁਆਰਾ ਲਿਖੀ ਗਈ ਇਸ ਫਿਲਮ ਨੂੰ ਚੰਦਰ ਅਤੇ ਉਪਿੰਦਰ ਰੰਧਾਵਾ ਦੁਆਰਾ ਨਿਰਦੇਸ਼ਿਤ ਕੀਤਾ ਗਿਆ ਹੈ, ਇਹ ਫਿਲਮ ਗਿੱਲ ਮੋਸ਼ਨ ਪਿਕਚਰਜ਼ ਅਤੇ ਜਸਕਰਨ ਸਿੰਘ ਦੇ ਬੈਨਰ ਹੇਠ ਰਿਲੀਜ਼ ਹੋਵੇਗੀ।
ਫਿਲਮ ਦੀ ਕਾਸਟ ਬਾਰੇ ਗੱਲ ਕਰੀਏ ਤਾਂ ਹਰੀਸ਼ ਵਰਮਾ ਅਤੇ ਸ਼ਰਨ ਕੌਰ ਤੋਂ ਇਲਾਵਾ ਡਰਾਮੇ ਆਲੇ ਵਿੱਚ ਸਰਦਾਰ ਕਮਲ, ਸੁਖਵਿੰਦਰ ਚਾਹਲ, ਹਨੀ ਅਲਬੇਲਾ, ਮਲਿਕ ਆਸਿਫ਼ ਇਕਬਾਲ, ਕੈਸਰ ਪਿਆਸ ਅਤੇ ਹੋਰ ਬਹੁਤ ਸਾਰੇ ਕਲਾਕਾਰ ਵੀ ਹਨ।
ਇਸ ਤੋਂ ਇਲਾਵਾ ਜਦੋਂ ਪਿਛਲੇ ਸਾਲ ਫਿਲਮ ਦਾ ਐਲਾਨ ਕੀਤਾ ਗਿਆ ਸੀ, ਤਾਂ ਕਿਹਾ ਗਿਆ ਸੀ ਕਿ ਡਰਾਮੇ, ਕਾਮੇਡੀ ਤੋਂ ਇਲਾਵਾ 'ਡਰਾਮੇ ਆਲੇ' ਸਾਹਿਤ, ਚਿੱਤਰਕਾਰੀ ਅਤੇ ਹੋਰ ਬਹੁਤ ਕੁਝ ਪ੍ਰਦਰਸ਼ਿਤ ਕਰੇਗੀ। ਫਰਸਟ ਲੁੱਕ ਪੋਸਟਰ ਕਾਫੀ ਆਕਰਸ਼ਕ ਹੈ ਕਿਉਂਕਿ ਇਹ ਸਟੇਜ ਮਾਈਕ, ਸੰਗੀਤਕ ਸਾਜ਼ ਅਤੇ ਦਰਸ਼ਕਾਂ ਨੂੰ ਦਰਸਾਉਂਦਾ ਨਜ਼ਰ ਪੈ ਰਿਹਾ ਹੈ। ਡਰਾਮੇ ਆਲੇ ਦੀ ਖਾਸ ਸ਼ੈਲੀ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਹੈ ਪਰ ਸਾਨੂੰ ਉਮੀਦ ਹੈ ਕਿ ਨਿਰਮਾਤਾ ਫਿਲਮ ਬਾਰੇ ਹੋਰ ਜਾਣਕਾਰੀ ਛੱਡਣਗੇ।
