ਹੈਦਰਾਬਾਦ: ਬਾਲੀਵੁੱਡ ਦੀ 'ਕੁਈਨ' ਕੰਗਨਾ ਰਣੌਤ ਦੀ ਬਹੁਤ ਉਡੀਕੀ ਜਾ ਰਹੀ ਫਿਲਮ 'ਐਮਰਜੈਂਸੀ' ਦੇ ਮਰਹੂਮ ਨੇਤਾ ਸੰਜੇ ਗਾਂਧੀ ਦਾ ਪਹਿਲਾ ਲੁੱਕ ਰਿਲੀਜ਼ ਹੋ ਗਿਆ ਹੈ। ਕੰਗਨਾ ਰਣੌਤ ਨੇ ਮੰਗਲਵਾਰ ਸਵੇਰੇ (13 ਸਤੰਬਰ) ਨੂੰ ਕੁਝ ਮਿੰਟ ਪਹਿਲਾਂ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸੰਜੇ ਗਾਂਧੀ ਦਾ ਪਹਿਲਾ ਲੁੱਕ ਜਾਰੀ ਕੀਤਾ ਹੈ। ਫਿਲਮ 'ਚ ਸੰਜੇ ਗਾਂਧੀ ਦੀ ਭੂਮਿਕਾ 'ਚ ਦੱਖਣ ਦੇ ਅਦਾਕਾਰ ਵਿਸ਼ਾਕ ਨਾਇਰ ਨਜ਼ਰ ਆ ਰਹੇ ਹਨ।
ਕੰਗਨਾ ਰਣੌਤ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸੰਜੇ ਗਾਂਧੀ ਦਾ ਪਹਿਲਾ ਲੁੱਕ ਸ਼ੇਅਰ ਕਰਦੇ ਹੋਏ ਲਿਖਿਆ 'ਪ੍ਰਤਿਭਾ ਦੇ ਪਾਵਰਹਾਊਸ ਸੰਜੇ ਗਾਂਧੀ ਨੂੰ ਪੇਸ਼ ਕਰਦੇ ਹੋਏ, ਸੰਜੇ ਇੰਦਰਾ ਦੀ ਰੂਹ ਸਨ ਅਤੇ ਇੰਦਰਾ ਨੇ ਉਨ੍ਹਾਂ ਨੂੰ ਸਭ ਤੋਂ ਵੱਧ ਪਿਆਰ ਦਿੱਤਾ ਅਤੇ ਸਭ ਤੋਂ ਵੱਡਾ ਨੁਕਸਾਨ ਇਹ ਸੀ।
- " class="align-text-top noRightClick twitterSection" data="
">
ਕਿਹੜਾ ਅਦਾਕਾਰ ਸੰਜੇ ਗਾਂਧੀ ਦਾ ਕਿਰਦਾਰ ਨਿਭਾ ਰਿਹਾ ਹੈ?: ਅਦਾਕਾਰਾ ਕੰਗਨਾ ਰਣੌਤ ਦੀ ਫਿਲਮ 'ਐਮਰਜੈਂਸੀ' 'ਚ ਵਿਸਾਕ ਨਾਇਰ ਸੰਜੇ ਗਾਂਧੀ ਦੀ ਭੂਮਿਕਾ 'ਚ ਨਜ਼ਰ ਆਉਣਗੇ। ਵਿਸ਼ਾਕ ਮਲਿਆਲਮ ਸਿਨੇਮਾ ਦਾ ਇੱਕ ਨੌਜਵਾਨ ਅਦਾਕਾਰ ਹੈ। ਸਾਲ 2016 'ਚ ਉਹ ਪਹਿਲੀ ਵਾਰ ਮਲਿਆਲਮ ਫਿਲਮ 'ਆਨੰਦਮ' 'ਚ ਨਜ਼ਰ ਆਏ ਸੀ।
ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਸਾਲ 2021 'ਚ ਫਿਲਮ 'ਤੋਹਫਾ' ਨਾਲ ਬਾਲੀਵੁੱਡ 'ਚ ਡੈਬਿਊ ਕੀਤਾ ਸੀ। ਇਸ ਤੋਂ ਬਾਅਦ ਉਹ ਫਿਲਮ 'ਰੱਥ' (2021) 'ਚ ਨਜ਼ਰ ਆਏ। ਵਿਸਾਕ ਨੂੰ ਆਖਰੀ ਵਾਰ ਨੈੱਟਫਲਿਕਸ ਸੀਰੀਜ਼ (ਹਿੰਦੀ) 'ਚੰਦਨ' (2022) 'ਚ ਦੇਖਿਆ ਗਿਆ ਸੀ।
- " class="align-text-top noRightClick twitterSection" data="
">
ਦੱਸ ਦਈਏ ਕਿ ਇਸ ਫਿਲਮ 'ਚ ਕੰਗਨਾ ਰਣੌਤ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦਾ ਕਿਰਦਾਰ ਨਿਭਾਉਣ ਜਾ ਰਹੀ ਹੈ। ਫਿਲਮ ਵਿੱਚ ਸ਼੍ਰੇਅਸ ਤਲਪੜੇ ਅਟਲ ਬਿਹਾਰੀ ਵਾਜਪਾਈ, ਅਦਾਕਾਰ ਅਤੇ ਮਾਡਲ ਮਿਲਿੰਦ ਸੋਮਨ ਸੈਮ ਮਾਨੇਕਸ਼ਾ, ਮਹਿਮਾ ਚੌਧਰੀ ਲੇਖਕ ਪੁਪੁਲ ਜੈਕਰ ਅਤੇ ਅਦਾਕਾਰ ਅਨੁਪਮ ਖੇਰ ਲੋਕ ਨਾਇਕ ਜੈ ਪ੍ਰਕਾਸ਼ ਨਰਾਇਣ ਦੀ ਭੂਮਿਕਾ ਨਿਭਾਅ ਰਹੇ ਹਨ।
ਫਿਲਹਾਲ ਇਸ ਫਿਲਮ ਦਾ ਟੀਜ਼ਰ ਰਿਲੀਜ਼ ਹੋਇਆ ਹੈ, ਜਿਸ 'ਚ ਕੰਗਨਾ ਰਣੌਤ ਨੇ ਇੰਦਰਾ ਗਾਂਧੀ ਦੇ ਕਿਰਦਾਰ 'ਚ ਆਪਣੀ ਜਾਨ ਪਾਈ ਹੈ। ਇਸ ਦੇ ਨਾਲ ਹੀ ਹੁਣ ਪ੍ਰਸ਼ੰਸਕ ਫਿਲਮ ਦੇ ਟ੍ਰੇਲਰ ਦਾ ਇੰਤਜ਼ਾਰ ਕਰ ਰਹੇ ਹਨ। ਅਜੇ ਇਹ ਐਲਾਨ ਨਹੀਂ ਕੀਤਾ ਗਿਆ ਹੈ ਕਿ ਇਹ ਫਿਲਮ ਕਦੋਂ ਰਿਲੀਜ਼ ਹੋਵੇਗੀ।
ਇਹ ਵੀ ਪੜ੍ਹੋ:ਪਾਕਿ ਕ੍ਰਿਕਟਰ ਨਸੀਮ ਸ਼ਾਹ ਨੇ ਇੰਸਟਾਗ੍ਰਾਮ ਉਤੇ ਉਰਵਸ਼ੀ ਰੌਤੇਲਾ ਨੂੰ ਕੀਤਾ ਫਾਲੋ, ਪਹਿਲਾਂ ਪਛਾਣਨ ਤੋਂ ਕਰ ਦਿੱਤਾ ਸੀ ਇਨਕਾਰ
