ਮੁੰਬਈ: ਰਣਬੀਰ ਕਪੂਰ ਸਟਾਰਰ ਫਿਲਮ 'ਐਨੀਮਲ' 'ਚ ਸਭ ਤੋਂ ਜ਼ਿਆਦਾ ਬੌਬੀ ਦਿਓਲ ਦੇ ਕਿਰਦਾਰ ਨੂੰ ਪਸੰਦ ਕੀਤਾ ਗਿਆ ਹੈ। ਫਿਲਮ 'ਐਨੀਮਲ' 'ਚ ਬੌਬੀ ਦਿਓਲ ਦੀ ਐਂਟਰੀ ਨੇ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ ਹੈ। ਬੌਬੀ ਨੇ ਸ਼ਾਨਦਾਰ ਅੰਦਾਜ਼ 'ਚ ਗੀਤ 'ਜਮਾਲ ਕੁਡੂ' 'ਤੇ ਨੱਚਦੇ ਹੋਏ ਐਂਟਰੀ ਕੀਤੀ ਸੀ। ਹੁਣ ਪੂਰੇ ਸੋਸ਼ਲ ਮੀਡੀਆ 'ਤੇ ਇਹ ਗੀਤ ਕਾਫ਼ੀ ਪਸੰਦ ਕੀਤਾ ਜਾ ਰਿਹਾ ਹੈ। ਲੋਕ ਇਸ ਗੀਤ 'ਤੇ ਰੀਲ ਬਣਾ ਕੇ ਸ਼ੇਅਰ ਕਰ ਰਹੇ ਹਨ। ਦੇਸ਼ ਅਤੇ ਦੁਨੀਆ ਭਰ 'ਚ ਬੌਬੀ ਦਿਓਲ ਦੀ ਫਿਲਮ 'ਐਨੀਮਲ' 'ਚ ਐਂਟਰੀ ਨੂੰ ਬਹੁਤ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਕਰਕੇ ਹੁਣ ਐਨੀਮਲ ਦੇ ਮੇਕਰਸ ਨੇ ਲੋਕਾਂ ਦੀ ਮੰਗ 'ਤੇ ਵੱਡਾ ਫੈਸਲਾ ਲਿਆ ਹੈ।
ਅੱਜ ਗੀਤ 'ਜਮਾਲ ਕੁਡੂ' ਦਾ ਹੋਵੇਗਾ ਵੀਡੀਓ ਪ੍ਰੀਮੀਅਮ: 'ਐਨੀਮਲ' ਫਿਲਮ ਦੇ ਮੇਕਰਸ ਬੌਬੀ ਦਿਓਲ ਦੀ ਫਿਲਮ 'ਚ ਐਂਟਰੀ ਗੀਤ ਨੂੰ ਅੱਜ ਦੁਪਹਿਰ 2 ਵਜੇ ਪ੍ਰੀਮੀਅਰ ਕਰਨ ਜਾ ਰਹੇ ਹਨ। ਬੌਬੀ ਦਿਓਲ ਇੱਕ ਵਾਰ ਫ਼ਿਰ ਆਪਣੇ ਡਾਂਸ ਨਾਲ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤਣਗੇ। ਫਿਲਮ ਦੇ ਨਿਰਦੇਸ਼ਕ ਸੰਦੀਪ ਰੈਡੀ ਵਾਂਗਾ ਅਤੇ ਟੀ-ਸੀਰੀਜ਼ ਨੇ ਇੱਹ ਜ਼ਿੰਮੇਵਾਰੀ ਲਈ ਹੈ। 'ਐਨੀਮਲ' ਦੇ ਮੇਕਰਸ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇਸਦੀ ਜਾਣਕਾਰੀ ਦਿੰਦੇ ਹੋਏ ਲਿਖਿਆ ਹੈ ਕਿ ਅਬਰਾਰ ਦੀ ਐਂਟਰੀ ਜਮਾਲ ਕੁਡੂ ਵੀਡੀਓ ਦਾ ਅੱਜ ਦੁਪਹਿਰ 2 ਵਜੇ ਪ੍ਰੀਮੀਅਰ ਹੋਵੇਗਾ।
ਜਾਣਕਾਰੀ ਲਈ ਤੁਹਾਨੂੰ ਦੱਸ ਦਈਏ ਕਿ ਬੌਬੀ ਦਿਓਲ ਨੇ ਫਿਲਮ 'ਚ ਇੱਕ ਵੀ ਸ਼ਬਦ ਨਹੀਂ ਬੋਲਿਆ ਸੀ, ਕਿਉਕਿ ਬੌਬੀ ਨੇ ਇੱਕ ਗੂੰਗੇ ਖਲਨਾਇਕ ਦਾ ਰੋਲ ਅਦਾ ਕੀਤਾ ਹੈ। ਪਰ ਉਸਨੇ ਬਿਨ੍ਹਾਂ ਬੋਲੇ ਹੀ ਲੋਕਾਂ ਦਾ ਦਿੱਲ ਜਿੱਤ ਲਿਆ ਹੈ।
- " class="align-text-top noRightClick twitterSection" data="">
'ਐਨੀਮਲ' ਦੀ ਸਟਾਰ ਕਾਸਟ: 'ਐਨੀਮਲ' ਦੀ ਸਟਾਰ ਕਾਸਟ ਵਿੱਚ ਰਣਬੀਰ ਕਪੂਰ, ਅਨਿਲ ਕਪੂਰ, ਬੌਬੀ ਦਿਓਲ, ਰਸ਼ਮਿਕਾ ਮੰਡਾਨਾ ਅਤੇ ਤ੍ਰਿਪਤੀ ਡਿਮਰੀ ਸ਼ਾਮਲ ਹਨ। ਵਿੱਕੀ ਕੌਸ਼ਲ ਦੀ 'ਸੈਮ ਬਹਾਦਰ' ਦੇ ਨਾਲ ਇਹ ਫਿਲਮ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਸੀ। ਦੋਵਾਂ ਫਿਲਮਾਂ ਵਿਚਾਲੇ ਟਕਰਾਅ ਦੇ ਬਾਵਜੂਦ ਰਣਬੀਰ ਦੀ ਫਿਲਮ ਨੇ ਕਾਫੀ ਵਧੀਆ ਪ੍ਰਦਰਸ਼ਨ ਕੀਤਾ ਹੈ।
'ਐਨੀਮਲ' ਵਿੱਕੀ ਕੌਸ਼ਲ ਦੀ ਫਿਲਮ 'ਸੈਮ ਬਹਾਦਰ' ਨੂੰ ਦੇ ਰਹੀ ਟੱਕਰ: ਰਣਵੀਰ ਕਪੂਰ ਦੀ ਫਿਲਮ 'ਐਨੀਮਲ' ਦੀ ਵਿੱਕੀ ਕੌਸ਼ਲ, ਸਾਨਿਆ ਮਲਹੋਤਰਾ ਅਤੇ ਫਾਤਿਮਾ ਸਨਾ ਸ਼ੇਖ ਦੀ ਫਿਲਮ 'ਸੈਮ ਬਹਾਦਰ' ਦੇ ਨਾਲ ਬਾਕਸ ਆਫ਼ਿਸ 'ਤੇ ਟੱਕਰ ਦੇਖਣ ਨੂੰ ਮਿਲ ਰਹੀ ਹੈ। ਫਿਲਮ 'ਐਨੀਮਲ' ਬਾਕਸ ਆਫ਼ਿਸ 'ਤੇ 'ਸੈਮ ਬਹਾਦਰ' ਨੂੰ ਪਿੱਛੇ ਛੱਡਣ 'ਚ ਸਫ਼ਲ ਰਹੀ ਹੈ।
