ਹੈਦਰਾਬਾਦ: ਬਾਲੀਵੁੱਡ ਅਦਾਕਾਰ ਸੰਨੀ ਦਿਓਲ 22 ਸਾਲ ਬਾਅਦ ਇੱਕ ਵਾਰ ਫ਼ਿਰ ਤਾਰਾ ਸਿੰਘ ਬਣਕੇ ਸਿਲਵਰ ਸਕ੍ਰੀਨ 'ਤੇ ਵਾਪਸੀ ਕਰ ਰਹੇ ਹਨ। ਸੰਨੀ ਦਿਓਲ ਅਤੇ ਅਮੀਸ਼ਾ ਪਟੇਲ ਸਟਾਰਰ ਫਿਲਮ ਗਦਰ 2 ਰਿਲੀਜ਼ ਲਈ ਤਿਆਰ ਹੈ। 26 ਜੁਲਾਈ ਨੂੰ ਗਦਰ 2 ਫਿਲਮ ਦਾ ਟ੍ਰੇਲਰ ਰਿਲੀਜ਼ ਕਰ ਦਿੱਤਾ ਗਿਆ ਹੈ ਅਤੇ ਟ੍ਰੇਲਰ ਦੇਖਣ ਤੋਂ ਬਾਅਦ ਹੁਣ ਪ੍ਰਸ਼ੰਸਕ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਫਿਲਮ ਰਿਲੀਜ਼ ਹੋਣ ਵਿੱਚ ਸਿਰਫ਼ 2 ਹਫ਼ਤੇ ਦਾ ਸਮਾਂ ਬਚਿਆ ਹੈ। ਇਸ ਤੋਂ ਪਹਿਲਾ ਫਿਲਮ ਗਦਰ 2 ਦਾ ਇੱਕ ਹੋਰ ਨਵਾਂ ਪੋਸਟਰ ਸਾਹਮਣੇ ਆਇਆ ਹੈ। ਇਸ ਪੋਸਟਰ ਵਿੱਚ ਸੰਨੀ ਦਿਓਲ ਅਤੇ ਉਤਕਰਸ਼ ਸ਼ਰਮਾ ਨਜ਼ਰ ਆ ਰਹੇ ਹਨ।
ਫਿਲਮ ਗਦਰ 2 'ਚ ਸੰਨੀ ਦਿਓਲ ਅਤੇ ਉਤਕਰਸ਼ ਸ਼ਰਮਾ ਦਾ ਰੋਲ: ਅਨਿਲ ਸ਼ਰਮਾ ਦੇ ਨਿਰਦੇਸ਼ਨ 'ਚ ਤਿਆਰ ਹੋਈ ਫਿਲਮ ਗਦਰ 2 ਦੇ ਨਵੇਂ ਪੋਸਟਰ 'ਚ ਸੰਨੀ ਦਿਓਲ ਨੂੰ ਬਤੌਰ ਤਾਰਾ ਸਿੰਘ ਅਤੇ ਉਤਕਰਸ਼ ਸ਼ਰਮਾ ਨੂੰ ਉਨ੍ਹਾਂ ਦੇ ਬੇਟੇ ਜੀਤੇ ਦੇ ਕਿਰਦਾਰ 'ਚ ਦੇਖਿਆ ਜਾ ਰਿਹਾ ਹੈ। ਫਿਲਮ ਦੇ ਟ੍ਰੇਲਰ 'ਚ ਉਤਕਰਸ਼ ਸ਼ਰਮਾ ਦਾ ਰੋਲ ਬਹੁਤ ਦਮਦਾਰ ਨਜ਼ਰ ਆ ਰਿਹਾ ਹੈ। ਪ੍ਰਸ਼ੰਸਕ ਇਹ ਜਾਣਨ ਲਈ ਬੇਕਰਾਰ ਹਨ ਕਿ ਸਕੀਨਾ ਨੂੰ ਪਾਕਿਸਤਾਨ ਤੋਂ ਹਿੰਦੂਸਤਾਨ ਲਿਆਉਣ ਵਾਲੇ ਤਾਰਾ ਸਿੰਘ ਦੀ ਕਹਾਣੀ ਵਿੱਚ ਹੁਣ ਨਵਾਂ ਮੋੜ ਕੀ ਆਵੇਗਾ।
ਗਦਰ 2 ਇਸ ਦਿਨ ਹੋਵੇਗੀ ਰਿਲੀਜ਼: ਗਦਰ 2 ਫਿਲਮ 11 ਅਗਸਤ ਨੂੰ ਰਿਲੀਜ਼ ਹੋਵੇਗੀ। ਇਸ ਦਿਨ ਅਕਸ਼ੈ ਕੁਮਾਰ ਦੀ ਵਿਵਾਦਾਂ ਨਾਲ ਘਿਰੀ ਫਿਲਮ OMG 2 ਵੀ ਰਿਲੀਜ਼ ਹੋਵੇਗੀ। ਜਿਸਨੂੰ ਅਮਿਤ ਰਾਏ ਨੇ ਡਾਇਰੈਕਟ ਕੀਤਾ ਹੈ। ਇਸਦੇ ਨਾਲ ਹੀ 11 ਅਗਸਤ ਨੂੰ ਰਣਵੀਰ ਕਪੂਰ ਅਤੇ ਰਸ਼ਮਿਕਾ ਮੰਡਾਨਾ ਦੀ ਫਿਲਮ ਐਨੀਮਲ ਵੀ ਰਿਲੀਜ਼ ਹੋਣੀ ਸੀ, ਪਰ ਐਨੀਮਲ ਦੇ ਮੇਕਰਸ ਨੇ ਇਸਦੀ ਰਿਲੀਜ਼ ਡੇਟ ਬਦਲ ਦਿੱਤੀ। ਹੁਣ ਇਹ ਫਿਲਮ ਦਸੰਬਰ ਮਹੀਨੇ ਦੇ ਅੰਤ 'ਚ ਰਿਲੀਜ਼ ਹੋਵੇਗੀ।
- Sunny Deol: ਗਦਰ 2 ਦੇ ਟ੍ਰੇਲਰ ਲਾਂਚ ਮੌਕੇ ਬੋਲੇ ਸੰਨੀ ਦਿਓਲ, ਭਾਰਤ-ਪਾਕਿਸਤਾਨ ਦੇ ਰਿਸ਼ਤੇ ਨੂੰ ਲੈ ਕੇ ਦਿੱਤੀ ਇਹ ਰਾਏ
- Bigg Boss OTT 2 Highlights: ਜਾਣੋ, ਕੌਣ ਜਿੱਤਿਆ ਟਿਕਟ ਟੂ ਫਿਨਾਲੇ ਦੀ ਰੇਸ ਅਤੇ ਪੂਜਾ ਭੱਟ ਨੇ ਸੁਣਾਈ ਆਪਣੀ ਲਵ ਸਟੋਰੀ
- Anatomy of a Warrior: ਅੰਤਰਰਾਸ਼ਟਰੀ ਖ਼ੇਡ ਜਗਤ ਅਤੇ ਫ਼ਿਲਮ ਜਗਤ ’ਚ ਪ੍ਰਸਿੱਧੀ ਹਾਸਲ ਕਰ ਚੁੱਕੇ ਸਟੀਵਨ ਨਿੱਝਰ ਜਲਦ ਆਪਣੀ ਬਾਇਓਪਿਕ ‘ਅਨਾਟਮੀ ਆਫ਼ ਏ ਵਾਰੀਅਰ’ ਨਾਲ ਦਰਸ਼ਕਾਂ ਸਨਮੁੱਖ ਹੋਣਗੇ
ਗਦਰ 2 ਦੇ ਟ੍ਰੇਲਰ ਲਾਂਚ ਦੌਰਾਨ ਇਹ ਸਿਤਾਰੇ ਆਏ ਨਜ਼ਰ: ਮੁੰਬਈ ਵਿੱਚ ਗਦਰ 2 ਦੇ ਟ੍ਰੇਲਰ ਲਾਂਚ ਦੌਰਾਨ ਟੀਮ ਦੇ ਕਾਫ਼ੀ ਲੋਕ ਇਕੱਠੇ ਹੋਏ ਸੀ। ਸੰਨੀ ਦਿਓਲ ਅਤੇ ਅਮੀਸ਼ਾ ਪਟੇਲ ਤੋਂ ਇਲਾਵਾ ਉਤਕਰਸ਼ ਸ਼ਰਮਾ, ਮਨੀਸ਼ ਵਾਧਵਾ, ਗੌਰਵ ਚੋਪੜਾ ਅਤੇ ਕਈ ਹੋਰ ਲੋਕਾਂ ਨੂੰ ਦੇਖਿਆ ਗਿਆ। ਇਵੈਂਟ ਦੇ ਦੌਰਾਨ ਗਾਇਕਾ ਅਲਕਾ ਯਾਗਨਿਕ ਦੇ ਨਾਲ ਟੀਮ ਦੇ ਬਾਕੀ ਲੋਕਾਂ ਨੇ ਮਿਲ ਕੇ ਫਿਲਮ ਦਾ ਗੀਤ 'ਉੱਡ ਜਾ ਕਾਲੇ ਕਾਵਾਂ' ਗਾਇਆ। ਲੋਕਾਂ ਨੂੰ ਗਦਰ 2 ਦਾ ਟ੍ਰੇਲਰ ਕਾਫ਼ੀ ਪਸੰਦ ਆ ਰਿਹਾ ਹੈ।
