ਨਵੀਂ ਦਿੱਲੀ: ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਨੇ ਸੋਮਵਾਰ (27 ਜੂਨ) ਨੂੰ ਬਾਲੀਵੁੱਡ ਅਦਾਕਾਰਾ ਜੈਕਲੀਨ ਫਰਨਾਂਡੀਜ਼ ਤੋਂ ਠੱਗ ਸੁਕੇਸ਼ ਚੰਦਰਸ਼ੇਖਰ ਨਾਲ ਕਥਿਤ ਸਬੰਧਾਂ ਦੇ ਮਾਮਲੇ ਵਿੱਚ ਪੁੱਛਗਿੱਛ ਕੀਤੀ। ਜੈਕਲੀਨ ਅਤੇ ਨੋਰਾ ਫਤੇਹੀ ਇਸ ਮਾਮਲੇ 'ਚ ਗਵਾਹ ਵਜੋਂ ਪਹਿਲਾਂ ਹੀ ਆਪਣੇ ਬਿਆਨ ਦਰਜ ਕਰਵਾ ਚੁੱਕੀਆਂ ਹਨ। ਜੈਕਲੀਨ ਸੋਮਵਾਰ ਨੂੰ ਪੁੱਛਗਿੱਛ ਲਈ ਈਡੀ ਦੇ ਹੈੱਡਕੁਆਰਟਰ ਪਹੁੰਚੀ ਸੀ। ਪਿਛਲੇ ਸਾਲ ਦਸੰਬਰ ਵਿੱਚ ਇਸ ਮਾਮਲੇ ਵਿੱਚ ਪਹਿਲੀ ਚਾਰਜਸ਼ੀਟ ਵਧੀਕ ਸੈਸ਼ਨ ਜੱਜ ਪ੍ਰਵੀਨ ਸਿੰਘ ਦੀ ਅਦਾਲਤ ਵਿੱਚ ਦਾਖ਼ਲ ਕੀਤੀ ਗਈ ਸੀ।
ਇਸ ਸਾਲ ਫਰਵਰੀ ਵਿੱਚ ਈਡੀ ਨੇ ਪਿੰਕੀ ਇਰਾਨੀ ਦੇ ਖਿਲਾਫ ਇੱਕ ਸਪਲੀਮੈਂਟਰੀ ਚਾਰਜਸ਼ੀਟ ਦਾਇਰ ਕੀਤੀ ਸੀ। ਪਿੰਕੀ ਨੇ ਹੀ ਸੁਕੇਸ਼ ਨੂੰ ਜੈਕਲੀਨ ਨਾਲ ਮਿਲਾਇਆ ਸੀ। ਦੋਸ਼ ਹੈ ਕਿ ਪਿੰਕੀ ਇਰਾਨੀ ਜੈਕਲੀਨ ਲਈ ਮਹਿੰਗੇ ਤੋਹਫ਼ੇ ਪਸੰਦ ਕਰਦੀ ਸੀ ਅਤੇ ਜਦੋਂ ਸੁਕੇਸ਼ ਕੀਮਤ ਅਦਾ ਕਰਦਾ ਸੀ ਤਾਂ ਉਹ ਜੈਕਲੀਨ ਨੂੰ ਦੇ ਦਿੰਦਾ ਸੀ।
ਸੁਕੇਸ਼ ਨੇ ਕਈ ਮਾਡਲਾਂ ਅਤੇ ਅਦਾਕਾਰਾ 'ਤੇ ਕਰੀਬ 20 ਕਰੋੜ ਰੁਪਏ ਖਰਚ ਕੀਤੇ ਸਨ। ਕਈਆਂ ਨੇ ਉਸ ਤੋਂ ਤੋਹਫ਼ਾ ਲੈਣ ਤੋਂ ਇਨਕਾਰ ਕਰ ਦਿੱਤਾ ਸੀ।
ਜੈਕਲੀਨ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਅਦਾਕਾਰਾ ਨੂੰ ਆਖਰੀ ਵਾਰ ਅਕਸ਼ੈ ਕੁਮਾਰ ਅਤੇ ਕ੍ਰਿਤੀ ਸੈਨਨ ਸਟਾਰਰ ਫਿਲਮ 'ਬੱਚਨ ਪਾਂਡੇ' 'ਚ ਦੇਖਿਆ ਗਿਆ ਸੀ। ਇਸ ਤੋਂ ਬਾਅਦ ਜੈਕਲੀਨ ਈਡੀ ਤੋਂ ਇਜਾਜ਼ਤ ਲੈ ਕੇ ਆਬੂ ਧਾਬੀ ਦੇ ਯੈੱਸ ਆਈਲੈਂਡ 'ਚ ਆਯੋਜਿਤ ਆਈਫਾ ਐਵਾਰਡ 2022 ਸਮਾਰੋਹ 'ਚ ਸ਼ਾਮਲ ਹੋਣ ਲਈ ਗਈ।
ਹੁਣ ਅਦਾਕਾਰਾ ਕੰਨੜ ਫਿਲਮਾਂ ਦੇ ਸੁਪਰਸਟਾਰ ਕਿਚਾ ਸੁਦੀਪ ਦੀ ਆਉਣ ਵਾਲੀ ਫਿਲਮ 'ਵਿਕਰਾਂਤ ਰੋਨਾ' 'ਚ ਨਜ਼ਰ ਆਉਣ ਵਾਲੀ ਹੈ। ਹਾਲ ਹੀ 'ਚ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਹੋਇਆ ਹੈ, ਜਿਸ 'ਚ ਅਦਾਕਾਰਾ ਵੀ ਨਜ਼ਰ ਆ ਰਹੀ ਹੈ।
ਇਹ ਵੀ ਪੜ੍ਹੋ:ਆਲੀਆ ਭੱਟ ਤੋਂ ਬਾਅਦ ਹੁਣ ਪ੍ਰਸ਼ੰਸਕ ਇਨ੍ਹਾਂ 5 ਅਦਾਕਾਰਾਂ ਦੇ ਮਾਂ ਬਣਨ ਦਾ ਕਰ ਰਹੇ ਨੇ ਇੰਤਜ਼ਾਰ
