ਚੰਡੀਗੜ੍ਹ : ਨਵਜੋਤ ਸਿੰਘ ਸਿੱਧੂ ਨੇ ਸ਼ੁੱਕਰਵਾਰ ਨੂੰ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਦੀ ਹਾਜ਼ਰੀ ਵਿੱਚ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਵਜੋਂ ਅਹੁਦਾ ਸੰਭਾਲ ਲਿਆ। ਸਮਾਗਮ 'ਚ ਸਿੱਧੂ ਤਲਖ਼ ਤੇਵਰਾਂ ਨਾਲ ਸੰਬੋਧਨ ਕਰਦੇ ਨਜ਼ਰ ਆਏ। ਸਿੱਧੂ ਨੇ ਕਿਹਾ ਕਿ ਅਸਲ ਮੁੱਦੇ ਬੇਅਦਬੀ, ਕਿਸਾਨ, ਨਸ਼ਾ, ਬੇਰੁਜ਼ਗਾਰ ਅਧਿਆਪਕ ਹਨ।
ਨਵਜੋਤ ਸਿੱਧੂ ਨੇ ਸੰਬੋਧਨ ਦੀ ਸ਼ੁਰੂਆਤ 'ਚ ਕਿਹਾ ਅੱਜ ਕਾਂਗਰਸ ਦਾ ਹਰ ਵਰਕਰ ਮੁਖੀ ਹੋ ਗਿਆ ਹੈ। ਅੱਜ ਨੇਤਾ ਅਤੇ ਵਰਕਰ ਵਿਚ ਕੋਈ ਅੰਤਰ ਨਹੀਂ ਹੈ। ਸਿੱਧੂ ਨੇ ਕਵਿਤਾ ਦੇ ਅੰਦਾਜ ਵਿੱਚ ਕਿਹਾ ਪਰਖ ਕੇ ਕੋਈ ਵੀ ਆਪਣਾ ਨਹੀਂ ਰਹਿ ਜਾਂਦਾ, ਚਿਹਰਾ ਲੰਬੇ ਸਮੇਂ ਤੱਕ ਕਿਸੇ ਸ਼ੀਸ਼ੇ ਵਿੱਚ ਨਹੀਂ ਰਹਿੰਦਾ।
ਪੰਜਾਬ ਦੇ ਮਸਲੇ ਗਿਣਾਉਂਦੇ ਉਨ੍ਹਾਂ ਕਿਹਾ ਮਸਲਾ ਇਹ ਹੈ ਕਿ ਪੰਜਾਬ ਦਾ ਕਿਸਾਨ ਦਿੱਲੀ ਬੈਠਾ ਹੈ, ਈ.ਟੀ.ਟੀ ਦਾ ਅਧਿਆਪਕ ਸੜਕ ‘ਤੇ ਹੈ, ਡਾਕਟਰ ਸੜਕ ‘ਤੇ ਹੈ, ਕੰਡਕਟਰ ਤੇ ਡਰਾਈਵਰ ਧਰਨੇ ‘ਤੇ ਹੈ, ਬੇਈਮਾਨੀ ਦਾ ਮੁੱਦਾ ਹੈ। ਇਹ ਉਮੀਦਾਂ ਦੀ ਕੁੰਜੀ ਹੈ, ਜੇ ਇਹ ਮਸਲੇ ਹੱਲ ਹੋ ਜਾਂਦੇ ਹਨ ਤਾਂ ਇਹ ਫਿਰ ਤਰਜੀਹ ਹੈ।
ਅਕਾਲੀ ਦਲ 'ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ ਕਾਂਗਰਸ ਦੇ ਦਫਤਰ ਵਿਚ ਹਰ ਵਰਕਰ ਬਿਸਤਰੇ ਲਗਾਏਗਾ ਅਤੇ ਹਰ ਵਰਕਰ ਉਹੀ ਨਾਅਰਾ ਬੁਲੰਦ ਕਰੇਗਾ 'ਜੀਜਾ ਸਾਲਾ ਰਹਿਣ ਨਹੀਂ ਦੈਣਾ'। ਵੱਡੀਆਂ ਮਗਰਮੱਛਾਂ ਨੂੰ ਅੰਦਰ ਕਰਨਾ ਪਏਗਾ ਜਿਨ੍ਹਾਂ ਨੇ ਨਸ਼ਾ ਵੇਚਿਆ।
ਸਿੱਧੂ ਨੇ ਕਈ ਸਵਾਲ ਵੀ ਚੁੱਕੇ ਕਿਹਾ ਕਿ 18 ਰੁਪਏ ਵਿੱਚ ਬਿਜਲੀ ਕਿਉਂ ਖਰੀਦੇ ਹਨ? ਕਿਹੜਾ ਸਮਝੌਤਾ ਸਾਹਮਣੇ ਆਵੇਗਾ? ਚੋਰਾਂ ਦੀ ਚੋਰੀ ਕਿਉਂ ਨਹੀਂ ਹੋਣੀ ਚਾਹੀਦੀ?
ਸੰਬੋਧਨ ਦੌਰਾਨ ਕਿਹਾ ਕਿ ਮੇਰੇ ਪਿਤਾ ਸੁਤੰਤਰਤਾ ਸੈਨਾਨੀ ਸਨ, ਉਨ੍ਹਾਂ ਲੜਾਈ ਲੜੀ ਸੀ, ਮੈਂ ਆਪਣੇ ਪਿਤਾ ਤੋਂ ਪ੍ਰੇਰਣਾ ਲਈ ਸੀ।
ਸਿੱਧੂ ਨੇ ਮੁੱਖ ਮੰਤਰੀ ਨੂੰ ਮਸਲਾ ਹੱਲ ਕਰਨ ਲਈ ਕਿਹਾ। ਸਾਨੂੰ ਤਬਦੀਲੀ ਦੀ ਰਾਜਨੀਤੀ ਕਰਨੀ ਪਏਗੀ। ਇਹ ਪਹਿਲੀ ਵਾਰ ਹੋਇਆ ਹੈ ਕਿ ਦਿੱਲੀ ਦੇ ਕਿਸਾਨ ਸੰਵਿਧਾਨਕ ਦੇ ਅਧਾਰ 'ਤੇ ਇਕਜੁੱਟ ਹੋਏ। ਹਰ ਧਰਮ ਜਾਤੀ ਦੇ ਲੋਕ ਧਰਨੇ 'ਤੇ ਬੈਠੇ ਹਨ। ਕਿਸਾਨ ਅੰਦੋਲਨ ਵਾਲਿਆਂ ਨੂੰ ਮੈਂ ਅਪੀਲ ਕਰਦਾ ਕਿ ਮੈਂ ਮਿਲਣਾ ਚਾਹੁੰਦਾ ਹਾਂ।
ਸਿੱਧੂ ਨੇ ਕਿਹਾ ਕਿ ਕਾਂਗਰਸ ਇਕਜੁੱਟ ਹੈ। ਵਰਕਰਾਂ ਦੇ ਸਹਿਯੋਗ ਤੋਂ ਬਿਨਾਂ ਕੋਈ ਪਾਰਟੀ ਨਹੀਂ ਬਣਾਈ ਜਾ ਸਕਦੀ। ਮੈਂ ਸਾਰਿਆਂ ਨੂੰ ਨਾਲ ਲੈ ਚੱਲਾਂਗਾ। ਮੇਰੀ ਚਮੜੀ ਮੋਟੀ ਹੈ ਮੈਨੂੰ ਪਰਵਾਹ ਨਹੀਂ। ਮੈਂ ਸਿਰਫ ਇਹੀ ਮੰਗ ਕਰਦਾ ਹਾਂ ਕਿ ਪੰਜਾਬ ਦੀ ਭਲਾਈ ਕਿਵੇਂ ਕੀਤੀ ਜਾਏਗੀ। ਮੇਰਾ ਕੋਈ ਹਉਮੈ ਨਹੀਂ, ਮੇਰਾ ਦਿਲ ਚਿੜੇ ਵਾਲਾ ਨਹੀਂ ਹੈ। ਜਿਹੜੇ ਵਿਰੋਧ ਕਰਦੇ ਹਨ ਉਹ ਮੈਨੂੰ ਬਿਹਤਰ ਬਣਾਉਂਦੇ ਹਨ। ਵਰਕਰ ਪਵਿਤਰ ਰੂਹਾਂ ਹਨ, ਉਨ੍ਹਾਂ ਦਾ ਸਨਮਾਨ ਕੀਤਾ ਜਾਵੇਗਾ। ਵਰਕਰਾਂ ਨਾਲ ਸੰਪਰਕ ਵਿੱਚ ਰਹਾਂਗੇ।
ਇਹ ਵੀ ਪੜ੍ਹੋ:ਆਖਿਰ ਸਿੱਧੂ ਦੇ ਹੱਕ 'ਚ ਕਿਵੇਂ ਮੰਨੇ ਕੈਪਟਨ?
ਉਨ੍ਹਾਂ ਕਿਹਾ ਕਿ ਸਿੱਧੂ ਦਾ ਬਿਸਤਰਾ 15 ਅਗਸਤ ਤੋਂ ਕਾਂਗਰਸ ਭਵਨ ਵਿੱਚ ਲੱਗੇਗਾ। ਮੰਤਰੀਆਂ ਨੂੰ ਅਪੀਲ ਹੈ ਕਿ 2 ਤੋਂ 3 ਘੰਟੇ ਕੱਢਕੇ ਦਫਤਰ ਪਹੁੰਚਣ ਕਿਉਂਕਿ ਪੰਜਾਬ ਮਾਡਲ ਨੂੰ ਅੱਗੇ ਵਧਾਉਣਾ ਤੇ ਦਿੱਲੀ ਮਾਡਲ ਨੂੰ ਫੇਲ ਕਰਨਾ ਹੈ।
