ਚੰਡੀਗੜ੍ਹ: ਸੈਕਟਰ 32- ਡੀ ਦੇ ਹਾਉਸ ਨੰ. 3325 'ਚੋਂ ਅੱਗ ਲੱਗਣ ਦੀ ਖ਼ਬਰ ਸਾਹਮਣੇ ਆਈ ਹੈ ਜਿਸ 'ਚ 3 ਕੁੜੀਆਂ ਦੀ ਮੌਤ ਤੇ 2 ਕੁੜੀਆਂ ਜ਼ਖ਼ਮੀ ਹੋ ਗਈਆਂ ਹਨ। ਦੱਸਣਯੋਗ ਹੈ ਕਿ ਇਹ ਕੋਠੀ ਕੁੜੀਆਂ ਦਾ ਪੀਜੀ ਹੈ ਜਿਥੇ ਕੁੱਲ 30 ਕੁੜੀਆਂ ਰਹਿੰਦੀਆਂ ਹਨ। ਜਦੋਂ ਇਹ ਹਾਦਸਾ ਵਾਪਰਿਆ ਉਸ ਸਮੇਂ ਪੀਜੀ 'ਚ ਸਿਰਫ਼ 5 ਹੀ ਕੁੜੀਆਂ ਸਨ।
ਮ੍ਰਿਤਕ ਕੁੜੀਆਂ ਦੀ ਪਛਾਣ ਰੀਆ ਵਾਸੀ ਕਪੂਰਥਲਾ, ਪਾਕਸ਼ੀ ਵਾਸੀ ਕੋਟਕਪੁਰਾ, ਮੁਸਕਾਨ ਵਾਸੀ ਹਿਸਾਰ ਵਜੋਂ ਹੋਈ ਹੈ। ਜ਼ਖ਼ਮੀ ਕੁੜੀਆਂ ਦੀ ਪਛਾਣ ਜੈਸਮੀਨ ਤੇ ਫ਼ਾਮੀਨਾ ਵਜੋਂ ਹੋਈ ਹੈ। ਇਨ੍ਹਾਂ ਕੁੜੀਆਂ ਦੀ ਉਮਰ 17 ਤੋਂ 22 ਸਾਲ ਦੇ ਵਿੱਚ ਦੱਸੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ:ਰੰਗ ਲਿਆਈ ਵਾਰਤਾਕਾਰਾਂ ਦੀ ਮਿਹਨਤ, ਪ੍ਰਦਰਸ਼ਨਕਾਰੀਆਂ ਨੇ 9 ਨੰਬਰ ਸੜਕ ਦਾ ਖੋਲ੍ਹਿਆ ਰਾਹ
ਸੂਤਰਾਂ ਨੇ ਦੱਸਿਆ ਕਿ ਪੀਜੀ 'ਚ ਅੱਗ ਲੈਪਟਾਪ ਚਾਰਜਰ ਦੀ ਸਪਾਰਕਿੰਗ ਦੇ ਕਾਰਨ ਲੱਗੀ ਹੈ। ਇਸ ਅੱਗ ਤੇ ਕਾਬੂ ਪਾਉਣ ਲਈ ਫ਼ਾਇਰ ਬ੍ਰਿਗੇਡੀਅਰ ਨੂੰ ਸ਼ਾਮ 3:50 ਮਿੰਟ 'ਤੇ ਸੂਚਿਤ ਕੀਤਾ। ਇਸ ਤੋਂ ਬਾਅਦ ਫਾਇਰ ਬ੍ਰਿਗੇਡਰ ਦੀਆਂ 4 ਗੱਡੀਆਂ ਨੇ ਮੌਕੇ 'ਤੇ ਪਹੁੰਚ ਕੇ ਅੱਗ 'ਤੇ ਕਾਬੂ ਪਾਇਆ। ਜ਼ਿਕਰਯੋਗ ਹੈ ਕਿ ਜ਼ਖ਼ਮੀ ਕੁੜੀਆਂ ਨੇ ਆਪਣੀ ਜਾਨ ਛੱਤ ਤੋਂ ਛਲਾਂਗ ਮਾਰ ਕੇ ਬਚਾਈ ਹੈ।
