ਚੰਡੀਗੜ੍ਹ: ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਵੱਲੋਂ ਕੁੱਖ ’ਚ ਮੌਦੂਜ ਬੱਚੇ ਨੂੰ ਗੋਦ ਲੈਣ ਸਬੰਧੀ ਵੱਡਾ ਫੈਸਲਾ ਸੁਣਾਇਆ ਗਿਆ ਹੈ। ਹਾਈਕੋਰਟ ਨੇ ਸਪਸ਼ਟ ਕੀਤਾ ਹੈ ਕਿ ਕੁੱਖ ਚ ਮੌਜੂਦ ਬੱਚੇ ਨੂੰ ਗੋਦ ਨਹੀਂ ਲਿਆ ਜਾ ਸਕਦਾ ਹੈ। ਦੱਸ ਦਈਏ ਕਿ ਇਕ ਮਾਮਲੇ ਸਬੰਧੀ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਵੱਲੋਂ ਇਹ ਫੈਸਲਾ ਸੁਣਾਇਆ ਗਿਆ ਹੈ।
ਇਹ ਹੈ ਮਾਮਲਾ: ਦਰਅਸਲ ਪਟਿਆਲਾ ਦੀ ਰਹਿਣ ਵਾਲੀ ਇੱਕ ਮਹਿਲਾ ਵੱਲੋਂ ਪਟੀਸ਼ਨ ਦਾਖਿਲ ਕੀਤੀ ਗਈ ਸੀ ਜਿਸ ਚ ਉਸ ਨੇ ਆਪਣੇ ਨਵਜੰਮੇ ਬੱਚੇ ਨੂੰ ਗੋਦ ਲੈਣ ਵਾਲੇ ਮਾਂ ਪਿਓ ਤੋਂ ਵਾਪਸ ਦਿਲਾਉਣ ਦੀ ਮੰਗ ਕੀਤੀ ਸੀ। ਪਟੀਸ਼ਨ ਚ ਦੱਸਿਆ ਗਿਆ ਸੀ ਕਿ ਜਦੋਂ ਉਸਦੀ ਕੁੱਖ ’ਚ ਬੱਚਾ ਸੀ ਤਾਂ ਇੱਕ ਜੋੜੇ ਵੱਲੋਂ ਉਸਦੇ ਬੱਚੇ ਨੂੰ ਗੋਦ ਲੈਣ ਦੀ ਇੱਛਾ ਜਤਾਈ ਸੀ। ਇਸ ਤੋਂ ਬਾਅਦ ਕਾਗਜ਼ੀ ਕਾਰਵਾਈ ਤੋਂ ਬਾਅਦ ਉਹ ਉਸਦੇ ਬੱਚੇ ਨੂੰ ਲੈ ਕੇ ਵੀ ਚੱਲੇ ਗਏ।
ਮਹਿਲਾ ਨੇ ਕੀਤੀ ਬੱਚੇ ਨੂੰ ਵਾਪਸ ਦੇਣ ਦੀ ਮੰਗ: ਮਹਿਲਾ ਨੇ ਹਾਈਕੋਰਟ ਨੂੰ ਦੱਸਿਆ ਕਿ ਇਸ ਤਰ੍ਹਾਂ ਬੱਚੇ ਨੂੰ ਗੋਦ ਲੈਣ ਦੇ ਕਾਰਨ ਉਸਦੇ ਬੱਚੇ ਦਾ ਕੋਈ ਰਜਿਸਟਰਡ ਸਰਟੀਫਿਕੇਟ ਨਹੀਂ ਹੈ ਜਿਸ ਕਾਰਨ ਮਹਿਲਾ ਨੇ ਕੋਰਟ ਨੂੰ ਅਪੀਲ ਕੀਤੀ ਹੈ ਕਿ ਉਸਦੇ ਬੱਚੇ ਨੂੰ ਵਾਪਸ ਦਿੱਤਾ ਜਾਵੇ।
ਕੋਰਟ ਨੇ ਕੀਤੀ ਸੁਣਵਾਈ: ਮਾਮਲੇ ਤੇ ਸੁਣਵਾਈ ਕਰਦੇ ਹੋਏ ਹਾਈਕੋਰਟ ਨੇ ਪਟੀਸ਼ਨਕਰਤਾ ਦੀ ਦਲੀਲਾਂ ਨੂੰ ਮੰਨਿਆ ਅਤੇ ਕਿਹਾ ਕਿ ਹਿੰਦੂ ਅਡਾਪਸ਼ਨ ਐਕਟ ਚ ਅਜਿਹਾ ਕੋਈ ਕਾਨੂੰਨ ਨਹੀਂ ਹੈ। ਜਿਸ ਮੁਤਾਬਿਕ ਕੁੱਖ ਚ ਹੀ ਬੱਚੇ ਨੂੰ ਗੋਦ ਲਿਆ ਜਾ ਸਕੇ। ਨਾਲ ਹੀ ਕਿਹਾ ਕਿ ਬੱਚੇ ਨਾਲ ਜੁੜਿਆ ਕੋਈ ਰਜਿਸਟਰਡ ਸਰਟੀਫਿਕੇਟ ਨਾ ਹੋਣ ਦੇ ਕਾਰਨ ਬੱਚੇ ਨੂੰ ਅਸਲ ਮਾਂ ਪਿਓ ਦੇ ਕੋਲ ਸੌਂਪਿਆ ਜਾਵੇ।
ਇਹ ਵੀ ਪੜੋ: ਮਾਨਸੂਨ ਦੀ ਪਹਿਲੀ ਬਰਸਾਤ ਨੇ ਜਲਥਲ ਕੀਤੀ ਸਿਟੀ ਬਿਊਟੀਫੁਲ, ਦੇਖੋ ਵੀਡੀਓ
