ਮੁੰਬਈ: ਗਲੋਬਲ ਬਾਜ਼ਾਰਾਂ ਵਿੱਚ ਮਿਲੇ-ਜੁਲੇ ਰੁਝਾਨ ਅਤੇ ਬੈਂਕਿੰਗ ਸ਼ੇਅਰਾਂ ਵਿੱਚ ਖਰੀਦਦਾਰੀ ਨੇ ਵੀਰਵਾਰ ਨੂੰ ਸ਼ੁਰੂਆਤੀ ਕਾਰੋਬਾਰ 'ਚ ਬੀਐੱਸਈ ਸੈਂਸਕਸ ਵਿੱਚ ਕਾਫੀ ਵਾਧਾ ਦਰਜ ਕੀਤਾ ਗਿਆ। ਇਸ ਦੌਰਾਨ 30 ਸ਼ੇਅਰਾਂ 'ਤੇ ਆਧਾਰਿਤ ਬੀਐੱਸਈ ਦਾ ਸੈਂਸੈਕਸ 415.98 ਅੰਕ ਚੜ੍ਹ ਕੇ 59,959.94 'ਤੇ ਪਹੁੰਚ ਗਿਆ।
ਇਸੇ ਤਰ੍ਹਾਂ ਵਿਆਪਕ ਐਨਐਸਈ ਨਿਫਟੀ ਵੀ 127.55 ਅੰਕ ਚੜ੍ਹ ਕੇ 17,783.90 'ਤੇ ਰਿਹਾ ਸੀ। ਸੈਂਸੈਕਸ ਸਟਾਕ 'ਚ ਟਾਈਟਨ, ਟਾਟਾ ਸਟੀਲ, ਕੋਟਕ ਮਹਿੰਦਰਾ ਬੈਂਕ, ਸਨ ਫਾਰਮਾ, ਐਚਡੀਐਫਸੀ, ਡਾ ਰੈਡੀਜ਼, ਰਿਲਾਇੰਸ ਇੰਡਸਟਰੀਜ਼, ਐਚਡੀਐਫਸੀ ਬੈਂਕ, ਐਕਸਿਸ ਬੈਂਕ ਅਤੇ ਇੰਡਸਇੰਡ ਬੈਂਕ ਪ੍ਰਮੁੱਖ ਹਨ।
ਦੂਜੇ ਪਾਸੇ ਮਾਰੂਤੀ, ਐਨਟੀਪੀਸੀ, ਐਚਸੀਐਲ ਟੈਕਨਾਲੋਜੀਜ਼, ਇੰਫੋਸਿਸ ਅਤੇ ਬਜਾਜ ਫਾਈਨਾਂਸ ਦੇ ਸ਼ੇਅਰਾਂ ਵਿੱਚ ਗਿਰਾਵਟ ਦਰਜ ਕੀਤੀ ਗਈ। ਹੋਰ ਏਸ਼ੀਆਈ ਬਾਜ਼ਾਰਾਂ 'ਚ ਦੱਖਣੀ ਕੋਰੀਆ ਦਾ ਕੋਸਪੀ ਅਤੇ ਹਾਂਗਕਾਂਗ ਦਾ ਹੈਂਗ ਸੇਂਗ ਚੜ੍ਹਿਆ ਹੋਇਆ ਸੀ, ਜਦੋਂ ਕਿ ਜਾਪਾਨ ਦਾ ਨਿੱਕੇਈ ਅਤੇ ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ ਹੇਠਾਂ ਰਿਹਾ। ਦੂਜੇ ਪਾਸੇ 'ਦੀਵਾਲੀ ਬਲਿਪ੍ਰਤਿਪਦਾ' ਦੇ ਮੌਕੇ 'ਤੇ ਬੁੱਧਵਾਰ ਨੂੰ ਸ਼ੇਅਰ ਬਾਜ਼ਾਰ ਬੰਦ ਰਹੇ।
ਇਹ ਵੀ ਪੜੋ: ਭਾਰਤ ਅਤੇ ਚੀਨ ਦਾ ਵਪਾਰ 9 ਮਹੀਨਿਆਂ ਵਿੱਚ 100 ਬਿਲੀਅਨ ਡਾਲਰ ਤੋਂ ਪਾਰ, ਵਪਾਰ ਘਾਟਾ 75 ਅਰਬ ਡਾਲਰ
