ਨਵੀਂ ਦਿੱਲੀ: ਤਾਈਵਾਨ ਦੀ ਇਲੈਕਟ੍ਰੋਨਿਕਸ ਨਿਰਮਾਤਾ ਕੰਪਨੀ ਫਾਕਸਕਾਨ ਭਾਰਤ 'ਚ ਚੰਗਾ ਮੁਨਾਫਾ ਕਮਾ ਰਹੀ ਹੈ। ਇਸ ਦੇ ਮੱਦੇਨਜ਼ਰ ਕੰਪਨੀ ਦਾ ਮੰਨਣਾ ਹੈ ਕਿ ਭਾਰਤ ਵਿੱਚ ਸੰਚਾਲਨ ਦੀਆਂ ਆਪਣੀਆਂ ਯੋਜਨਾਵਾਂ ਨੂੰ ਪੂਰੀ ਤਰ੍ਹਾਂ ਲਾਗੂ ਕਰਨ ਦੀ ਸਥਿਤੀ ਵਿੱਚ ਅਰਬਾਂ ਡਾਲਰਾਂ ਦਾ ਨਿਵੇਸ਼ ਕੀਤਾ ਜਾ ਸਕਦਾ ਹੈ।
ਭਾਰਤ 'ਚ 10 ਬਿਲੀਅਨ ਡਾਲਰ ਦਾ ਸਾਲਾਨਾ ਕਾਰੋਬਾਰ: ਹੋਨ ਹਾਈ ਟੈਕਨਾਲੋਜੀ ਗਰੁੱਪ (ਫਾਕਸਕਨ) ਦੇ ਚੇਅਰਮੈਨ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ ਯੰਗ ਲਿਊ ਨੇ ਅਪ੍ਰੈਲ-ਜੂਨ ਤਿਮਾਹੀ ਦੇ ਨਤੀਜਿਆਂ 'ਤੇ ਚਰਚਾ ਕਰਦੇ ਹੋਏ ਇਹ ਗੱਲ ਕਹੀ। ਉਨ੍ਹਾਂ ਕਿਹਾ ਕਿ ਫੌਕਸਕਾਨ ਦੀ ਭਾਰਤੀ ਇਕਾਈ ਨੇ 10 ਬਿਲੀਅਨ ਡਾਲਰ ਦਾ ਸਾਲਾਨਾ ਕਾਰੋਬਾਰ ਦਾ ਅੰਕੜਾ ਹਾਸਲ ਕੀਤਾ ਹੈ ਅਤੇ ਇੱਥੇ ਵਿਆਪਕ ਨਿਵੇਸ਼ ਦੀ ਗੁੰਜਾਇਸ਼ ਹੈ।
ਫਾਕਸਕਨ ਦੀ ਸਾਲਾਨਾ ਆਮਦਨ 200 ਬਿਲੀਅਨ ਡਾਲਰ: ਇਸ ਸਬੰਧੀ ਫੌਕਸਕਾਨ ਦੇ ਚੇਅਰਮੈਨ ਲਿਊ ਨੇ ਕਿਹਾ ਕਿ ਫਾਕਸਕਨ ਦੀ ਸਾਲਾਨਾ ਆਮਦਨ 200 ਬਿਲੀਅਨ ਡਾਲਰ ਰਹੀ ਹੈ। ਭਾਰਤੀ ਬਾਜ਼ਾਰ ਦੇ ਆਕਾਰ ਨੂੰ ਧਿਆਨ ਵਿਚ ਰੱਖਦੇ ਹੋਏ, ਜੇਕਰ ਅਸੀਂ ਉੱਥੇ ਆਪਣੀਆਂ ਯੋਜਨਾਵਾਂ ਨੂੰ ਪੂਰੀ ਤਰ੍ਹਾਂ ਲਾਗੂ ਕਰ ਸਕਦੇ ਹਾਂ, ਤਾਂ ਅਰਬਾਂ ਡਾਲਰਾਂ ਦਾ ਨਿਵੇਸ਼ ਸਿਰਫ ਸ਼ੁਰੂਆਤ ਹੈ।
- GDP Growth: ਰਿਜ਼ਰਵ ਬੈਂਕ ਆਫ ਇੰਡੀਆ ਨੇ MPC ਨਤੀਜੇ ਦੀ ਕੀਤੀ ਘੋਸ਼ਣਾ, ਰੇਪੋ ਦਰ ਵਿੱਚ ਨਹੀਂ ਕੀਤਾ ਗਿਆ ਕੋਈ ਬਦਲਾਅ
- Market capitalization: ਚੋਟੀ ਦੀਆਂ 10 ਕੰਪਨੀਆਂ ਵਿੱਚੋਂ 7 ਦੀ ਮਾਰਕੀਟ ਪੂੰਜੀਕਰਣ 74,603 ਕਰੋੜ ਰੁਪਏ ਦੀ ਆਈ ਕਮੀ, HDFC ਬੈਂਕ ਨੂੰ ਸਭ ਤੋਂ ਵੱਧ ਨੁਕਸਾਨ
- STOCK MARKET: ਇਹਨਾਂ ਫੈਕਟੀਆਂ ਤੋਂ ਤਹਿ ਹੋਵੇਗੀ ਸ਼ੇਅਰ ਮਾਰਕੀਟ ਦੀ ਗਤੀ, 11 ਦਿਨ ਵਿੱਚ FPI ਨੇ ₹3,272 ਕਰੋੜ ਦਾ ਕੀਤਾ ਨਿਵੇਸ਼
ਦੇਸ਼ ਵਿੱਚ ਇੱਕ ਕਿਸਮ ਦੀ ਸਕਾਰਾਤਮਕ ਊਰਜਾ ਮੌਜੂਦ: ਲਿਊ ਨੇ ਅੱਗੇ ਕਿਹਾ ਕਿ ਫੌਕਸਕਾਨ ਇਸ ਸਮੇਂ ਭਾਰਤ ਵਿੱਚ ਲਗਭਗ 9 ਕੈਂਪਸ ਚਲਾ ਰਹੀ ਹੈ। ਲਿਊ ਨੇ ਕਿਹਾ ਕਿ ਭਾਰਤ 'ਚ ਸਾਡੇ ਕਾਰੋਬਾਰ ਦਾ ਸਾਲਾਨਾ ਆਕਾਰ ਲਗਭਗ 10 ਅਰਬ ਡਾਲਰ ਹੈ। ਭਾਰਤ ਵਿੱਚ ਸਾਡੀਆਂ ਕਾਰੋਬਾਰੀ ਸੰਭਾਵਨਾਵਾਂ ਬਾਰੇ ਨਿਵੇਸ਼ਕਾਂ ਵੱਲੋਂ ਆ ਰਹੇ ਸਵਾਲਾਂ ਦਾ ਮਤਲਬ ਹੈ ਕਿ ਇਸ ਦੇਸ਼ ਵਿੱਚ ਇੱਕ ਕਿਸਮ ਦੀ ਸਕਾਰਾਤਮਕ ਊਰਜਾ ਮੌਜੂਦ ਹੈ। (ਪੀਟੀਆਈ-ਭਾਸ਼ਾ)
