ਰਿਆਦ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਹੈ ਕਿ ਭਾਰਤ ਅਤੇ ਸਾਉਦੀ ਅਰਬ ਅਸਲ ਰੂਪ ਵਿੱਚ ਖ੍ਰੀਦ-ਵਿਕਰੇਤਾ ਦੇ ਸਬੰਧਾਂ ਤੋਂ ਅੱਗੇ ਜ਼ਿਆਦਾ ਨਜ਼ਦੀਕੀ ਰਣਨੀਤਿਕ ਹਿੱਸੇਦਾਰੀ ਵੱਲ ਵੱਧ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਸਾਧਨਾਂ ਤੋਂ ਸੰਪੂਰਨ ਸਾਊਦੀ ਅਰਬ ਭਾਰਤ ਦੀ ਤੇਲ ਅਤੇ ਗੈਸ ਸੁਧਾਈ ਅਤੇ ਖੋਜ਼ (ਡਾਉਨਸਟ੍ਰੀਮ) ਯੋਜਨਾਵਾਂ ਵਿੱਚ ਨਿਵੇਸ਼ ਕਰੇਗਾ।
ਭਾਰਤ ਨੂੰ ਇਰਾਕ ਤੋਂ ਬਾਅਦ ਸਾਊਦੀ ਅਰਬ ਵੱਲੋਂ ਸਭ ਤੋਂ ਜ਼ਿਆਦਾ ਕੱਚੇ ਤੇਲ ਦੀ ਪੂਰਤੀ ਕੀਤੀ ਜਾਂਦੀ ਹੈ। ਬੀਤੇ ਵਿੱਤੀ ਸਾਲ 2018-19 ਵਿੱਚ ਸਾਊਦੀ ਅਰਬ ਨੇ ਭਾਰਤ ਨੂੰ 4.03 ਕਰੋੜ ਟਨ ਕੱਚਾ ਤੇਲ ਵੇਚਿਆ। ਉਸ ਸਮੇਂ ਭਾਰਤ ਦਾ ਕੱਚੇ ਦਾ ਆਯਾਤ 20.73 ਕਰੋੜ ਟਨ ਰਿਹਾ।
ਪ੍ਰਧਾਨ ਮੰਤਰੀ ਨੇ ਮੰਗਲਵਾਰ ਨੂੰ ਅਖ਼ਬਾਰ ਅਰਬ ਨਿਊਜ਼ ਨਾਲ ਕੀਤੀ ਗੱਲਬਾਤ ਵਿੱਚ ਕਿਹਾ ਕਿ ਭਾਰਤ ਆਪਣੇ ਕੱਚੇ ਤੇਲ ਦੀ ਜ਼ਰੂਰਤ ਦਾ 18 ਫ਼ੀਸਦੀ ਸਾਊਦੀ ਅਰਬ ਤੋਂ ਆਯਾਤ ਕਰਦਾ ਹੈ। ਪ੍ਰਧਾਨ ਮੰਤਰੀ ਸੋਮਵਾਰ ਦੀ ਰਾਤ ਨੂੰ ਇੱਥੇ ਪਹੁੰਚੇ। ਮੋਦੀ ਇੱਥੇ ਇੱਕ ਮਹੱਤਵਪੂਰਨ ਵਿੱਤੀ ਸੰਮੇਲਨ ਵਿੱਚ ਹਿੱਸਾ ਲੈਣਗੇ ਅਤੇ ਸਾਊਦੀ ਅਰਬ ਦੇ ਸੀਨੀਅਰ ਨੇਤਾਵਾਂ ਨਾਲ ਗੱਲਬਾਤ ਕਰਨਗੇ।
ਮੋਦੀ ਨੇ ਕਿਹਾ ਕਿ ਸਾਊਦੀ ਅਰਾਮਕੋ ਭਾਰਤ ਦੇ ਪੱਛਮੀ ਤੱਟ ਉੱਤੇ ਇੱਕ ਵੱਡੀ ਰਿਫ਼ਾਇਨਰੀ ਤੇ ਪੈਟਰੋ ਰਸਾਇਣ ਯੋਜਨਾ ਵਿੱਚ ਹਿੱਸੇਦਾਰ ਬਣਨ ਜਾ ਰਹੀ ਹੈ। ਬਸ, ਅਸੀਂ ਆਰਮਕੋ ਦੀ ਭਾਰਤ ਦੇ ਪੈਟਰੋਲੀਅਮ ਸੁਰੱਖਿਅਤ ਭੰਡਾਰ ਵਿੱਚ ਉਸ ਦੀ ਹਿੱਸੇਦਾਰੀ ਦੀ ਉਡੀਕ ਕਰ ਰਹੇ ਹਾਂ।
ਤੁਹਾਨੂੰ ਦੱਸ ਦਈਏ ਕਿ ਸਾਊਦੀ ਅਰਾਮਕੋ ਦੁਨੀਆਂ ਦੀ ਸਭ ਤੋਂ ਜ਼ਿਆਦਾ ਮੁਨਾਫ਼ੇ ਵਾਲੀ ਕੰਪਨੀ ਹੈ। ਉਸ ਕੋਲ ਦੁਨੀਆਂ ਦਾ ਸਭ ਤੋਂ ਵੱਡੇ ਕੱਚੇ ਤੇਲ ਦਾ ਭੰਡਾਰ ਹੈ, ਜੋ ਕਿ ਲਗਭਗ 270 ਅਰਬ ਬੈਰਲ ਦਾ ਹੈ।
ਜਾਣਕਾਰੀ ਮੁਤਾਬਕ ਪ੍ਰਧਾਨ ਮੰਤਰੀ ਮੋਦੀ ਦੀ ਸਾਊਦੀ ਅਰਬ ਦੀ ਇਹ ਦੂਸਰੀ ਯਾਤਰਾ ਹੈ। ਇਸ ਤੋਂ ਪਹਿਲਾਂ ਉਹ ਸਾਲ 2016 ਵਿੱਚ ਸਾਊਦੀ ਅਰਬ ਗਏ ਸਨ। ਉਸ ਸਮੇਂ ਸਾਊਦੀ ਅਰਬ ਦੇ ਸ਼ਾਹ ਸਲਮਾਨ ਬਿਨ ਅਬਦੁੱਲਅਜੀਜ ਨੇ ਉਨ੍ਹਾਂ ਨੂੰ ਆਪਣੇ ਦੇਸ਼ ਦਾ ਸਰਵ ਉੱਚ ਨਾਗਰਿਕ ਸਨਮਾਨ ਵੀ ਦਿੱਤਾ ਸੀ।
ਸਾਊਦੀ ਅਰਬ ਦੇ ਯੂਵਰਾਜ ਵੀ ਫ਼ਰਵਰੀ 2019 ਵਿੱਚ ਭਾਰਤ ਯਾਤਰਾ ਉੱਤੇ ਆਏ ਸਨ।
ਪਿਛਲੇ ਕੁੱਝ ਸਾਲਾਂ ਦੌਰਾਨ ਭਾਰਤ ਅਤੇ ਸਾਊਦੀ ਅਰਬ ਦੇ ਦੋ-ਪੱਖੀ ਸਬੰਧ ਕਾਫ਼ੀ ਤੇਜ਼ੀ ਨਾਲ ਅੱਗੇ ਵਧੇ ਹਨ। 2017-18 ਵਿੱਚ ਭਾਰਤ ਦਾ ਸਾਊਦੀ ਅਰਬ ਦੇ ਨਾਲ ਦੋ-ਪੱਖੀ ਵਪਾਰ 27.48 ਅਰਬ ਡਾਲਰ ਰਿਹਾ ਹੈ। ਇਸ ਤਰ੍ਹਾਂ ਸਾਊਦੀ ਅਰਬ, ਭਾਰਤ ਦਾ ਚੌਥਾ ਸਭ ਤੋਂ ਵੱਡ ਵਪਾਰਕ ਹਿੱਸੇਦਾਰ ਹੈ।
ਸਾਊਦੀ ਅਰਬ ਨੇ ਪਿਛਲੇ ਮਹੀਨੇ ਕਿਹਾ ਸੀ ਕਿ ਉਹ ਭਾਰਤ ਵਿੱਚ ਊਰਜਾ, ਰਿਫ਼ਾਇਨਿੰਗ, ਪੈਟਰੋਰਸਾਇਣ, ਬੁਨਿਆਤੀ ਢਾਂਚਾ, ਖੇਤੀ, ਖਣਿਜ ਅਤੇ ਖਦਾਨਾਂ ਵਰਗੇ ਖੇਤਰਾਂ ਵਿੱਚ 100 ਅਰਬ ਡਾਲਰ ਦਾ ਨਿਵੇਸ਼ ਕਰਨ ਦੀ ਪਲਾਨ ਕਰ ਰਿਹਾ ਹੈ।
ਇਹ ਵੀ ਪੜ੍ਹੋ : ਮੋਦੀ ਦੌਰੇ ਦੌਰਾਨ ਭਾਰਤ ਤੇ ਸਾਉਦੀ ਅਰਬ ਵਿਚਕਾਰ ਹੋਣਗੇ 12 ਸਮਝੌਤੇ
