ਕ੍ਰਾਈਸਟਚਰਚ: ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਕਾਰ ਖੇਡੇ ਜਾ ਰਹੇ ਦੂਜੇ ਟੈਸਟ ਮੈਚ ਵਿੱਚ ਭਾਰਤ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 242 ਦੌੜਾਂ ਬਣਾਈਆਂ। ਇਸ ਤੋਂ ਬਾਅਦ ਨਿਊਜ਼ੀਲੈਂਡ ਨੇ ਪਹਿਲੇ ਦਿਨ ਦਾ ਖੇਡ ਖ਼ਤਮ ਹੋਣ ਤੱਕ 63 ਦੌੜਾਂ ਬਣਾਈਆਂ।
ਕੀਵੀ ਟੀਮ ਦੇ ਸਲਾਮੀ ਬੱਲੇਬਾਜ਼ ਟੌਮ ਲਾਥਮ ਅਤੇ ਟੌਮ ਬਲੰਡੈਲ ਨੇ ਆਪਣੀ ਟੀਮ ਨੂੰ ਸ਼ਾਨਦਾਰ ਸ਼ੁਰੂਆਤ ਦਿੱਤੀ. ਲੈਥਮ ਨੇ 65 ਗੇਂਦਾਂ ਵਿੱਚ 27 ਦੌੜਾਂ ਬਣਾਈਆਂ ਜਦੋਂਕਿ ਬਲੁੰਡੇਲ ਨੇ 73 ਗੇਂਦਾਂ ਵਿੱਚ 29 ਦੌੜਾਂ ਬਣਾਈਆਂ।
ਇਸ ਤੋਂ ਪਹਿਲਾਂ ਕੀਵੀ ਟੀਮ ਨੇ ਟਾਸ ਜਿੱਤ ਕੇ ਭਾਰਤ ਨੂੰ ਪਹਿਲਾਂ ਬੱਲੇਬਾਜ਼ੀ ਲਈ ਸੱਦਾ ਦਿੱਤਾ। ਪਰ ਭਾਰਤੀ ਟੀਮ ਵੱਡਾ ਅੰਕੜਾ ਬਣਾਉਣ ਵਿੱਚ ਅਸਫ਼ਲ ਰਹੀ। ਟੀਮ 242 ਦੌੜਾਂ 'ਤੇ ਹੀ ਸਿਮਟ ਗਈ।
ਇਹ ਵੀ ਪੜ੍ਹੋ: ਆਈਸੀਸੀ ਟੀ20 ਰੈਂਕਿੰਗ: ਕੇਐਲ ਰਾਹੁਲ ਨੰਬਰ 2 'ਤੇ ਕਾਬਜ਼
ਭਾਰਤ ਲਈ ਹਨੁਮਾ ਵਿਹਾਰੀ ਨੇ ਸਭ ਤੋਂ ਵੱਧ 55 ਦੌੜਾਂ ਬਣਾਈਆਂ। ਹਨੁਮਾ ਅਤੇ ਪੁਜਾਰਾ ਵਿੱਚ ਚੰਗੀ ਸਾਝੇਦਾਰੀ ਹੋਈ ਪਰ ਉਹ ਸਾਝੇਦਾਰੀ ਨੂੰ ਵੱਡੀ ਸਾਝੇਦਾਰੀ 'ਚ ਬਦਲਣ ਵਿੱਚ ਨਾਕਾਮ ਰਹੇ। ਇਨ੍ਹਾਂ ਦੋਹਾਂ ਵਿੱਚ 81 ਦੌੜਾਂ ਦੀ ਸਾਝੇਦਾਰੀ ਹੋਈ।
ਕੀਵੀ ਟੀਮ ਲਈ ਆਪਣਾ ਦੂਜਾ ਮੈਚ ਖੇਡ ਰਹੇ ਕਾਈਲ ਜੇਮਿਸਨ ਨੇ 5 ਵਿਕਟਾਂ ਲਈਆਂ। ਪਹਿਲੇ ਮੈਚ ਵਿੱਚ ਵੀ ਕਾਈਲ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ।
