ਮੱਲਾਪੁਰਮ (ਕੇਰਲ) : ਇਕ 23 ਸਾਲਾ ਲੜਕੀ ਸਾਈਕਲ 'ਤੇ 22 ਦੇਸ਼ਾਂ ਦੀ ਯਾਤਰਾ ਕਰਨ ਲਈ ਤਿਆਰ ਹੈ ਅਤੇ ਇਸ ਸੰਦੇਸ਼ ਨਾਲ ਕਿ 'ਔਰਤਾਂ ਸਭ ਕੁਝ ਹਾਸਲ ਕਰ ਸਕਦੀਆਂ ਹਨ'। ਪਲੱਕੜ ਦੇ ਓਟਾਪਲਮ ਦੀ ਮੂਲ ਨਿਵਾਸੀ ਅਰੁਣਿਮਾ ਨੇ 22 ਦੇਸ਼ਾਂ ਤੱਕ ਪਹੁੰਚਣ ਲਈ 25,000 ਕਿਲੋਮੀਟਰ ਤੋਂ ਵੱਧ ਦੀ ਦੂਰੀ ਤੈਅ ਕਰਨ ਦੀ ਯੋਜਨਾ ਬਣਾ ਕੇ ਆਪਣੀ ਯਾਤਰਾ ਸ਼ੁਰੂ ਕੀਤੀ ਹੈ। ਉਸਦੀ ਅੰਤਿਮ ਮੰਜ਼ਿਲ ਅਫ਼ਰੀਕੀ ਮਹਾਂਦੀਪ ਹੈ।Girl will travel 22 countries by bicycle
ਅਰੁਣਿਮਾ ਪਹਿਲਾਂ ਸਾਈਕਲ 'ਤੇ ਆਪਣੇ ਜੱਦੀ ਸਥਾਨ ਤੋਂ ਮੁੰਬਈ ਜਾਵੇਗੀ ਅਤੇ ਫਿਰ ਮੁੰਬਈ ਤੋਂ ਓਮਾਨ ਲਈ ਉਡਾਣ ਭਰੇਗੀ। ਓਮਾਨ ਤੋਂ ਉਹ ਦੂਜੇ ਦੇਸ਼ਾਂ ਲਈ ਆਪਣੀ ਪੂਰੀ ਸਾਈਕਲ ਯਾਤਰਾ ਸ਼ੁਰੂ ਕਰੇਗੀ। ਅਰੁਣਿਮਾ ਨੇ ਕਿਹਾ, 'ਮੇਰਾ ਵਿਚਾਰ ਟੈਂਟਾਂ 'ਚ ਰਹਿਣਾ ਹੈ ਅਤੇ ਜੋ ਵੀ ਸੁਵਿਧਾਵਾਂ ਹਨ, ਉਨ੍ਹਾਂ 'ਚ ਰਹਿਣਾ ਹੈ।'
ਉਹ ਇਨ੍ਹਾਂ ਦੇਸ਼ਾਂ ਵਿਚ ਇਕੱਲੇ ਘੁੰਮਣ ਦੌਰਾਨ ਕਈ ਖ਼ਤਰਿਆਂ ਤੋਂ ਜਾਣੂ ਹੈ। ਹਾਲਾਂਕਿ, ਉਹ ਇਕੱਲੇ ਉਨ੍ਹਾਂ ਦਾ ਸਾਹਮਣਾ ਕਰਨ ਲਈ ਤਿਆਰ ਹੈ। ਉਸ ਨੇ ਕਿਹਾ ਕਿ ਜਦੋਂ ਵੀ ਉਹ ਇਕੱਲੀ ਯਾਤਰਾ ਕਰਦੀ ਸੀ ਤਾਂ ਉਸ ਨੂੰ ਅਜਿਹੇ ਖ਼ਤਰਿਆਂ ਅਤੇ ਤਜ਼ਰਬਿਆਂ ਦਾ ਸਾਹਮਣਾ ਕਰਨਾ ਪੈਂਦਾ ਸੀ। ਅਰੁਣਿਮਾ ਦੋ ਸਾਲਾਂ ਵਿਚ ਆਪਣੀ ਮੁਹਿੰਮ ਪੂਰੀ ਕਰ ਲਵੇਗੀ ਅਤੇ ਉਸ ਦੇ ਮਾਤਾ-ਪਿਤਾ ਉਸ ਦਾ ਪੂਰਾ ਸਮਰਥਨ ਕਰ ਰਹੇ ਹਨ।
ਇਹ ਵੀ ਪੜ੍ਹੋ: ਉੜੀਸਾ ਦੇ CM ਨੇ ਖਰੀਦੀ ਵਿਸ਼ਵ ਕੱਪ ਹਾਕੀ ਦੀ ਪਹਿਲੀ ਟਿਕਟ
