ਨਵੀਂ ਦਿੱਲੀ: ਵਿਸ਼ਵ ਸਿਹਤ ਸੰਗਠਨ (ਡਬਲਯੂਐਚਓ) ਨੇ ਸ਼ੁੱਕਰਵਾਰ ਨੂੰ ਅਮਰੀਕੀ ਫਾਰਮਾਸਿਊਟੀਕਲ ਕੰਪਨੀ ਨੋਵਾਵੈਕਸ ਦੇ ਲਾਇਸੈਂਸ ਦੇ ਤਹਿਤ ਸੀਰਮ ਇੰਸਟੀਚਿਊਟ ਆਫ ਇੰਡੀਆ (SII) ਦੁਆਰਾ ਬਣਾਈ ਗਈ ਕੋਵੋਵੈਕਸ, ਇੱਕ ਐਂਟੀ-ਕੋਵਿਡ ਵੈਕਸੀਨ ਨੂੰ ਆਪਣੀ ਐਮਰਜੈਂਸੀ ਵਰਤੋਂ ਸੂਚੀ ਵਿੱਚ ਸ਼ਾਮਲ ਕੀਤਾ ਹੈ। ਇਸ ਤਰ੍ਹਾਂ ਵਿਸ਼ਵ ਸਿਹਤ ਸੰਸਥਾ ਦੁਆਰਾ ਮਾਨਤਾ ਪ੍ਰਾਪਤ ਟੀਕਿਆਂ ਦੀ ਗਿਣਤੀ ਵਧੀ ਹੈ।
ਐਸਆਈਆਈ (SII) ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (CEO) ਅਦਾਰ ਪੂਨਾਵਾਲਾ (Adar Poonawalla) ਨੇ ਡਬਲਯੂਐਚਓ (WHO) ਦੇ ਫੈਸਲੇ ਨੂੰ ਕੋਵਿਡ -19 ਖਿਲਾਫ ਲੜਾਈ ਵਿੱਚ 'ਇਕ ਹੋਰ ਮੀਲ ਪੱਥਰ' ਦੱਸਿਆ।
ਵਿਸ਼ਵ ਸਿਹਤ ਸੰਗਠਨ ਨੇ ਸ਼ੁੱਕਰਵਾਰ ਨੂੰ ਇੱਕ ਟਵੀਟ ਵਿੱਚ ਕਿਹਾ, ' ਡਬਲਯੂਐਚਓ (WHO) ਨੇ ਕੋਵੋਵੈਕਸ ਨੂੰ ਆਪਣੀ ਐਮਰਜੈਂਸੀ ਵਰਤੋਂ ਸੂਚੀ ਵਿੱਚ ਸ਼ਾਮਲ ਕੀਤਾ ਹੈ। ਇਸ ਨਾਲ ਕੋਵਿਡ -19 ਦੇ ਖਿਲਾਫ ਡਬਲਯੂਐਚਓ (WHO) ਦੁਆਰਾ ਪ੍ਰਮਾਣਿਤ ਟੀਕਿਆਂ ਦੀ ਗਿਣਤੀ ਵਿੱਚ ਵਾਧਾ ਹੋਇਆ ਹੈ। ਇਹ ਵੈਕਸੀਨ ਸੀਰਮ ਇੰਸਟੀਚਿਊਟ ਆਫ ਇੰਡੀਆ ਦੁਆਰਾ ਨੋਵਾਵੈਕਸ ਦੇ ਲਾਇਸੰਸ ਦੇ ਤਹਿਤ ਤਿਆਰ ਕੀਤੀ ਗਈ ਹੈ।
ਡਬਲਯੂਐਚਓ (WHO) ਦੇ ਅਨੁਸਾਰ, ਕੋਵੋਵੈਕਸ ਦਾ ਮੁਲਾਂਕਣ ਭਾਰਤ ਦੇ ਡਰੱਗ ਕੰਟਰੋਲਰ ਜਨਰਲ (DCGI) ਦੁਆਰਾ ਗੁਣਵੱਤਾ, ਸੁਰੱਖਿਆ ਅਤੇ ਪ੍ਰਭਾਵਸ਼ੀਲਤਾ, ਜੋਖਮ ਪ੍ਰਬੰਧਨ ਯੋਜਨਾ ਅਤੇ ਵੈਕਸੀਨ ਨਿਰਮਾਣ ਸਾਈਟ ਦੇ ਨਿਰੀਖਣਾਂ 'ਤੇ ਡੇਟਾ ਦੀ ਸਮੀਖਿਆ ਦੇ ਅਧਾਰ 'ਤੇ ਇਸਦੀ ਐਮਰਜੈਂਸੀ ਵਰਤੋਂ ਸੂਚੀ ਪ੍ਰਕਿਰਿਆ ਦੇ ਹਿੱਸੇ ਵਜੋਂ ਕੀਤਾ ਗਿਆ ਸੀ।
ਇੱਕ ਸਾਂਝੇ ਬਿਆਨ ਵਿੱਚ ਅਮਰੀਕੀ ਫਾਰਮਾਸਿਊਟੀਕਲ ਕੰਪਨੀ ਨੋਵਾਵੈਕਸ ਅਤੇ ਐਸਆਈਆਈ (SII) ਨੇ ਦੱਸਿਆ ਕਿ ਸਾਰਸ-ਕੋਵ-2 ਕਾਰਨ ਹੋਣ ਵਾਲੀ ਕੋਰੋਨਾ ਵਾਇਰਸ ਬਿਮਾਰੀ ਨੂੰ ਰੋਕਣ ਲਈ 18 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਵਿਅਕਤੀਆਂ ਦੇ ਟੀਕੇ ਲਗਾਉਣ ਲਈ ਵੈਕਸੀਨ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ।
ਨੋਵਾਵੈਕਸ ਦੁਆਰਾ 'Nuvaxovid' ਬ੍ਰਾਂਡ ਨਾਮ ਦੇ ਤਹਿਤ ਵੈਕਸੀਨ ਦੀ ਮਾਰਕੀਟਿੰਗ ਲਈ ਐਮਰਜੈਂਸੀ ਵਰਤੋਂ ਸੂਚੀ ਵਿੱਚ ਸ਼ਾਮਲ ਕਰਨ ਲਈ ਇੱਕ ਅਰਜ਼ੀ ਦੀ ਡਬਲਯੂਐਚਓ (WHO) ਦੁਆਰਾ ਵੀ ਸਮੀਖਿਆ ਕੀਤੀ ਜਾ ਰਹੀ ਹੈ।
ਨੋਵਾਵੈਕਸ ਦੇ ਪ੍ਰਧਾਨ ਅਤੇ ਸੀਈਓ ਸਟੈਨਲੀ ਸੀ. ਏਰਕ ਨੇ ਕਿਹਾ, “ਵਿਸ਼ਵ ਭਰ ਦੇ ਲੱਖਾਂ ਲੋਕਾਂ ਲਈ ਪ੍ਰੋਟੀਨ-ਅਧਾਰਤ ਐਂਟੀ-ਕੋਵਿਡ-19 ਵੈਕਸੀਨ ਤੱਕ ਵਿਸ਼ਵਵਿਆਪੀ ਪਹੁੰਚ ਨੂੰ ਯਕੀਨੀ ਬਣਾਉਣ ਲਈ ਡਬਲਯੂਐਚਓ (WHO) ਦਾ ਅੱਜ ਦਾ ਫੈਸਲਾ ਮਹੱਤਵਪੂਰਨ ਹੈ।
ਪੂਨਾਵਾਲਾ ਨੇ ਕਿਹਾ- ਸਾਰਿਆ ਦਾ ਧੰਨਵਾਦ
ਪੂਨਾਵਾਲਾ ਨੇ ਟਵੀਟ ਕੀਤਾ, 'ਕੋਵਿਡ -19 ਦੇ ਖਿਲਾਫ ਸਾਡੀ ਲੜਾਈ ਵਿੱਚ ਇਹ ਇੱਕ ਹੋਰ ਮੀਲ ਪੱਥਰ ਹੈ, ਕੋਵੋਵੈਕਸ ਨੂੰ ਹੁਣ ਡਬਲਯੂਐਚਓ (WHO) ਦੁਆਰਾ ਐਮਰਜੈਂਸੀ ਵਰਤੋਂ ਲਈ ਮਨਜ਼ੂਰੀ ਦੇ ਦਿੱਤੀ ਗਈ ਹੈ। ਇਸ ਟੀਕੇ ਨੇ ਸ਼ਾਨਦਾਰ ਸੁਰੱਖਿਆ ਅਤੇ ਅਸਰ ਦਿਖਾਇਆ ਹੈ। ਵਧੀਆ ਸਹਿਯੋਗ ਲਈ ਤੁਹਾਡਾ ਸਾਰਿਆਂ ਦਾ ਧੰਨਵਾਦ।'
ਐਸਆਈਆਈ (SII) ਪਹਿਲਾਂ ਹੀ ਫਾਰਮਾਸਿਊਟੀਕਲ ਕੰਪਨੀ ਐਸਟ੍ਰਾਜੇਨੇਕਾ (AstraZeneca) ਦੇ ਸਹਿਯੋਗ ਨਾਲ ਕੋਵੀਸ਼ੀਲਡ (Covishield) ਵੈਕਸੀਨ ਦਾ ਨਿਰਮਾਣ ਕਰ ਰਿਹਾ ਹੈ। ਇਸ ਹਫਤੇ ਦੇ ਸ਼ੁਰੂ ਵਿੱਚ, ਪੂਨਾਵਾਲਾ ਨੇ ਕਿਹਾ ਕਿ ਐਸਆਈਆਈ (SII) ਅਗਲੇ ਛੇ ਮਹੀਨਿਆਂ ਵਿੱਚ ਕੋਵੋਵੈਕਸ ਨੂੰ ਲਾਂਚ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਸੀ ਕਿ 'ਕੋਵੋਵੈਕਸ' ਤਿੰਨ ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਸੁਰੱਖਿਆ ਪ੍ਰਦਾਨ ਕਰੇਗਾ, ਕਿਉਂਕਿ ਟੈਸਟਾਂ ਨੇ ਬਹੁਤ ਵਧੀਆ ਡੇਟਾ ਦਿਖਾਇਆ ਹੈ।
ਕੋਵੋਵੈਕਸ ਅਜੇ ਵੀ ਭਾਰਤ ਦੇ ਡਰੱਗ ਰੈਗੂਲੇਟਰ (DCGI) ਤੋਂ ਐਮਰਜੈਂਸੀ ਵਰਤੋਂ ਦੀ ਮਨਜ਼ੂਰੀ ਦੀ ਉਡੀਕ ਕਰ ਰਿਹਾ ਹੈ।
ਇਹ ਵੀ ਪੜੋ: Omicron in india: ਭਾਰਤ 'ਚ ਮਰੀਜ਼ਾਂ ਦੀ ਗਿਣਤੀ ਹੋਈ 111, ਜਾਣੋ ਕਿੱਥੇ ਕਿੰਨੇ ਮਰੀਜ਼...
